- K koncu šoltar Davidov
XIII.
Nepametni rekel je v srcu svojem: „Ni Boga.“
Oni su pokvarjeni ter su v delih svojeh odurni postali, ni ga koj bi dobro včinil, ni nijednoga.
- Gospon je iz Nebesih na sine človečanske dole pogledal da bi videl je li je gdo razumen i je li išče Boga.
- Vsi su odstupili i skupa nepridni postali; ni ga koj bi dobro činil, niti jednoga ni.
Grlo njihovo je otprt grob, z jeziki svojemi vkanljivo su baratali, jad kačji je pod vustmi njihovemi.
Vusta njihova puna su kletve i žuhkoče, noge njihove jesu hitre k prelevanju krvi.
Na putih njihoveh ni drugoga kak skrušenje i nesreča i put mira nesu spoznali, pred očmi njihovemi ni straha Božjega.
- Je li ne budu (vre jedenkrat) spoznali koji hudobnosti delaju, koji ljudstvo moje kakti založaj kruha pojedaju?
- Gospona nesu nazivali, onde su od straha trepetali gde se ni bilo treba bojati.
- Ar Gospon je v pokolenju pravičneh, tolnač vbogoga jeste opšanili ar je Gospon ufanje njegovo.
- Gdo bude Izraelu od Siona zveličenje dal? Kada bude Gospon ljudstvo svoje od sužanstva odrešil, bude Jakop od veselja poskakival i Izrael se bude veselil.
