Del IV.

1. O, kak lepo je čisto pokolenje vu (krepostih) jasnosti ar njegov spomenek je vekivečen pokehdob da je Bogu i ljudem znano.^*Za dobro spoznano i opravičeno. V. d. 3. pasku 22. Ov red vu sebi zadržava konec oneh koja vu prvšem delu jesu rečena.
2. Kada je nazočno,^*Kreposno, čisto (nezakonsko i prez dece) pokolenje. Drugi tolnačiju: je ona (krepost) nazočna, kaj na jedno ishađa. nasleduju nje, a kada spred očih odide, željiju nje^*Znamenuvanje ovoga reda je ovo: ovakvo pokolenje služi vu živlenju na peldu, po smrti spogrešuje se ravno zbog njegveh viteškeh peldah. i vekom diči se z obladanja korunom pokehdob vu borenju za neoskrunjenum čistočum je prijelo plaču.
3. Plodna pako hudobneh vnožina nikaj ne hasni,^*Ne stigne svoj cilj kajti ne napreduje. nezakonita klicanja ne puščaju gluboko korenje niti nemaju stalno steblo.
4. I premda za čas poreneju zelene veje, tak se vendar budeju, pokehdob ne stoje čvrsto, od vetra sim tam gibala i od silneh vetrov iskorenila. Jer 17,6; Mat 7,27.
5. Ar njihove veje odlomiju se predi nego odrasteju, njihov sad je nehasnovit i trpek na jelo i za nikaj ni.^*Rodiju hudobnu decu, tak ova njim na kaštigu za god vumiraju ali pak budu ravno tak trpek, nehasnovit sad kak i njihovi roditeli.
6. Ar deca koja jesu rođena iz nezakonite postelje jesu svedoki hmanjice suprot svojem roditelom kada se pitaju.^*Za svoj rod, budi na Sudu ali zvan njega.
7. Pravičen pako, makar i pred vremenom vumrl, bude vendar rashlađenje^*Pokoj. imal.^*To je: bude prost od ognja skvarjenja. Pred Krištuševem narođenjem je se naplačenje pobožneh za pokoj mogel imenuvati on stališ da nesu nikakve muke trpeli pokehdob da je stoprv on otprl Nebesa. Kak se je do sada vojuvalo suprot hudobneh štimanju da su najmre vnoga deca istom vu sebi prava vrednost i cena ter da se takaj z kvarom kreposti smeju zadobiti, ravno tak se ovde othitava oveh isteh drugo štimanje da je najmre dug žitek dobro osebujne cene ter da se z zapostavlanjem vere sme iskati. Sveti pisec pako vuči suprotivno, najmre da se vnožina dece ne more vu sebi za pravo dobro držati. Dapače, deca iz grešne postelje rođena skupa z svojemi roditeli po zlu prejdu. Čisti pako i prez dece nahađa vu kreposti ono dobro koje njega vremenito i vekivečno čini srečnoga. Ravno tak i visoka starost vu sebi ni nikakvo dobro, zvun samo onda kada je z mudrostjum i krepostjum složena. I pravičen, premda pred vremenom vumre, ima vu kreposti takvo dobro koje njega vekom srečnoga čini. Njegva prerana smrt takaj ni kaštiga, nego je iz mudreh namenenj na njegvo dušno zveličenje određena (10–15).
8. Ar poštuvana starost ne visi od dugoga živlenja niti od broja let, nego razum človeka jemlje se za sede lasi
9. i neoskrunjeno živlenje je (prava) starosti doba.
10. Pokehdob da se je dopal Bogu, je bil njemu ljubljen, i pokehdob da je med grešniki živel, je bil proč vzet.^*Zrok njegve prerane smrti ni kaštiga nego njegov zvršen stališ i sveta pokvarjenost kojoj naj bi se on otel. Žid 11,5.
11. On je bil otet da ne bi hmanjica njegov razum spačila niti zmišljeni navuki njegvo srce prevkanili.
12. Ar presleplenje čalarnosti^*Bludnosti i zločinjenja. potemnuje dobro^*Preslepljuje naše oči da mi ono kaj je prav i dobro ali samo temno ali pak zevsema ne spažujemo. i nestalno poželenje^*Ono poželenje koje vu nas prebiva ter sad vre ovo, vre ono potrebuje. spačuje takaj nedužno srce.
13. Zaran dokončan je ispunil vnoga leta.
14. Ar njegva duša je se dopala Bogu zato se je popaščil njega iz sredine krivičnosti ispeljati. Puki^*Ljudi. pako, koji jesu videli, nesu to razmeli niti si nesu vzeli k srcu
15. da Bog je milostiven i milosrden proti svojem svetem i da pazi na svoje izebrane.
16. I pravičen, kada je vumrl, opsuđuje žive hudobne^*Po svojem dovršenem, kreposti alduvanem živlenju. i mladost hitro dokončana dug žitek krivičnoga.^*Koj vu dugem vremenu ni to zvršil kaj je pravičen vu mladosti preminuči vu kratkem času opravil.
17. Oni zadnjič vidiju konec mudroga, ali ne razmeju kaj je Bog z njim namislil i zakaj njega Gospon je prijel vu obrambu.
18. Oni to vidiju i zametavaju njega,^*Kakti bedaka kojemu njegva pobožnost nikaj ne hasni. ali Gospon bude se iz njih zesmehaval.^*Bude njihov mišlenja i baratanja način za bedastoču spoznal.
19. Onda budu prez poštenja opali^*Ali naglavce dole opali iz svoje visine. i budu med mrtvemi vu vekivečni opšanosti ar on bude ove oholne razdrobil i neme načinil^*Vu grčkem: onda bude nje razdrobil da budu zamuknuli i vu tla gledali. i tja vu njihoveh temeljih zgibal^*Njim vse ufanje vzel. da budu vu najvekšu nebatrivnost prepali i zdihavali niti se iz njih nigdar nigdo ne bude spomenul.
20. Oni budu vsi spašeni naprvo dohađali kada se njihoveh grehov bude činil spomenek^*Na Opčinskem suda danu. i njihove hudobnosti budu njihovi optužiteli.

Objašnjenje

• *
  Za dobro spoznano i opravičeno. V. d. 3. pasku 22. Ov red vu sebi zadržava konec oneh koja vu prvšem delu jesu rečena. ↩︎
• *
  Kreposno, čisto (nezakonsko i prez dece) pokolenje. Drugi tolnačiju: je ona (krepost) nazočna, kaj na jedno ishađa. ↩︎
• *
  Znamenuvanje ovoga reda je ovo: ovakvo pokolenje služi vu živlenju na peldu, po smrti spogrešuje se ravno zbog njegveh viteškeh peldah. ↩︎
• *
  Ne stigne svoj cilj kajti ne napreduje. ↩︎
• *
  Rodiju hudobnu decu, tak ova njim na kaštigu za god vumiraju ali pak budu ravno tak trpek, nehasnovit sad kak i njihovi roditeli. ↩︎
• *
  Za svoj rod, budi na Sudu ali zvan njega. ↩︎
• *
  Pokoj. ↩︎
• *
  To je: bude prost od ognja skvarjenja. Pred Krištuševem narođenjem je se naplačenje pobožneh za pokoj mogel imenuvati on stališ da nesu nikakve muke trpeli pokehdob da je stoprv on otprl Nebesa. Kak se je do sada vojuvalo suprot hudobneh štimanju da su najmre vnoga deca istom vu sebi prava vrednost i cena ter da se takaj z kvarom kreposti smeju zadobiti, ravno tak se ovde othitava oveh isteh drugo štimanje da je najmre dug žitek dobro osebujne cene ter da se z zapostavlanjem vere sme iskati. Sveti pisec pako vuči suprotivno, najmre da se vnožina dece ne more vu sebi za pravo dobro držati. Dapače, deca iz grešne postelje rođena skupa z svojemi roditeli po zlu prejdu. Čisti pako i prez dece nahađa vu kreposti ono dobro koje njega vremenito i vekivečno čini srečnoga. Ravno tak i visoka starost vu sebi ni nikakvo dobro, zvun samo onda kada je z mudrostjum i krepostjum složena. I pravičen, premda pred vremenom vumre, ima vu kreposti takvo dobro koje njega vekom srečnoga čini. Njegva prerana smrt takaj ni kaštiga, nego je iz mudreh namenenj na njegvo dušno zveličenje određena (10–15). ↩︎
• *
  Zrok njegve prerane smrti ni kaštiga nego njegov zvršen stališ i sveta pokvarjenost kojoj naj bi se on otel. ↩︎
• *
  Bludnosti i zločinjenja. ↩︎
• *
  Preslepljuje naše oči da mi ono kaj je prav i dobro ali samo temno ali pak zevsema ne spažujemo. ↩︎
• *
  Ono poželenje koje vu nas prebiva ter sad vre ovo, vre ono potrebuje. ↩︎
• *
  Ljudi. ↩︎
• *
  Po svojem dovršenem, kreposti alduvanem živlenju. ↩︎
• *
  Koj vu dugem vremenu ni to zvršil kaj je pravičen vu mladosti preminuči vu kratkem času opravil. ↩︎
• *
  Kakti bedaka kojemu njegva pobožnost nikaj ne hasni. ↩︎
• *
  Bude njihov mišlenja i baratanja način za bedastoču spoznal. ↩︎
• *
  Ali naglavce dole opali iz svoje visine. ↩︎
• *
  Vu grčkem: onda bude nje razdrobil da budu zamuknuli i vu tla gledali. ↩︎
• *
  Njim vse ufanje vzel. ↩︎
• *
  Na Opčinskem suda danu. ↩︎