- K koncu, za juternje prijetje šoltar Davidov
XXI.
- *Žid. Bože, Bože moj, zakaj si me zapustil? Itd. O, Bože, Bog moj, oglej se na me! Zakaj si me zapustil? Zaradi grehov mojeh je pomoč moja daleko od mene.
- Bog moj, budem kričal po dnevu i ne budeš me posluhnul, (budem kričal) po noči*I ne mučim. i (zato) ne budem nespameten.
- Ti pako v svetem mestu prebivaš, hvala Izraela!
- Vu te se ufali jesu oci naši, ufali su se ter si je oslobodil.
- K tebi su kričali i bili su oslobođeni, vu te se ufali jesu i nesu osramočeni.
- Ja pako jesem črv, a ne človek, opšanost ljudih i izvržek puka.
- Vsi koji me vidiju, zesmehavaju se z mene, govorili su z vustmi i kimali z glavum.
- „Ufal se je v Gospona“, (veliju on) „naj ga oslobodi, naj mu pomore pokehdob mu se
dopada.“
- Ar ti jesi (o, Gospone) koj mene iz vutrobe matere moje izvadil jesi, v tebe se ufal jesem kad sem jošče pri prsih matere moje bil.
- Od narođenja mojega jesem se v naručaj tvoj hitil, ti si moj Bog vre od vutrobe matere moje.
- Ne odstupi od mene. Ar traplenje je vre čisto blizu i nikoga ni koj bi pomagal.
- Opstrli me jesu telci vnogi, biki tusti jesu me opkružili.
- Otprli su proti meni gubec svoj kakti zgrabljivi i ručeči oroslan.
- Ja sem se kakti voda razlejal i vse kosti moje jesu se rasklenule. Srce moje je v telu mojem postalo kakti vojsk taleči se.
- Moč moja je se vsušila kakti črep i jezik drži se neba vust mojeh i vu prah smrti jesi mene zapelal.
- Ar opstrli su me cucki vnogi, jata hudobnjakov je mene opkružila. Preboli su ruke moje i noge moje,
- prebrojili su vse kosti moje. Zatem su na me zijali i gledali.
- Razdelili su sebi svite moje, zvrhu oprave moje kocke hitali.
20.*Žid. Ti, pak, o Gospone, ne odstupi od mene, ti moja moč, hiti meni pomagati. Ti, pako, o, Gospone, ne odvlači pomoči tvoje od mene, oglej se na obrambu moju.
- Oslobodi, o, Bože, dušu moju od meča i iz ruke psa jedinu moju.
- Oslobodi me iz lamp oroslana i od rogov jednorošca poniznost moju.
- Nazveščal budem ime tvoje bratom mojem, vsredi cirkve budem te hvalil.
- Hvalete Gospona koji se ga bojite, vse seme Jakopovo častete njega!
- Naj se ga boji vse seme izraelsko ar ni zavrgel niti zahitil prošnju vbogoga, niti je odvrnul lice svoje od mene i kada sem k njemu kričal, je me posluhnul.
- Hvalil te budem v zboru velikem, zagovore moje budem v nazočnosti oneh koji se ga boje, ispunil.
- Vbogi budu jeli i budu se zasitili i hvalili budu Gospona koji ga iščeju, srca njihova budu na veke vekov živela.
- Vsi kraji zemlje budu se spomenuli iz Gospona i k njemu se obrnuli. I vseh narodov pokolenja budu se pred njim vklanjala.
- Ar Gosponovo je kraljestvo i on bude čez narode gospoduval.
- Vsi velikaši Zemlje jesu jeli i vklanjali se, vsi smrti podvrženi, budu pred njim padali.
- I duša moja bude njemu živela i seme moje bude njemu služilo.
- Prihodnomu pokolenju bude Gospon nazveščen i Nebesa budu nazveščala pravicu njegovu ljudstvu koje bude rođeno, koje si Gospon bude stvoril.
