- Na prvi dan tjedna, šoltar Davidov
XXIII.
Gosponova je Zemlja i obilnost njejina, ves svet i vsi koji na njemu prebivaju.
- Kajti on njega zvrhu morja osnoval i zvrhu tekučeh vod ga je vtvrdil.
- Gdo bude išel na goru Gosponovu ali gdo bude na njegovem svetem mestu stanuval?
- Koj ima nedužne ruke i čisto srce, koj dušu svoju ne zabavlja z niščetnostjami nit je z pravicum bližnjemu svojemu prisegel.
- Ov bude prijel blagoslov od Gospona i milosrdnost od Boga, zveličitela svojega.
- Ovo je pokolenje koje išče njega, koje išče lice Boga Jakopovoga.
- Otprite vrata vaša, poglavari, i vzdignete se vrata vekivečna i bude Kralj dike nuter vleznul.
- Gdo je taj Kralj dike? Taj močni i mogučni Gospon, Gospon mogučni v boju.
- Otprete vrata vaša, poglavari, i vzdignete se vrata vekivečna i bude Kralj dike nutra vleznul.
- Gdo je taj Kralj dike? Gospon šeregov, on je Kralj dike.
