- Spomenek Jozije je kakti zmožno kadilo koje začimbar iz dišučeh stvarih je napravil.
- Dapače, spomenek njegov je vu vsakeh vust sladek kakti med i kakti složnoglasje pri vinskem goščenju.
- On je bil od Boga postavljen da bi ljudstvo k pokori pripeljal i odurnost nepobožnosti odnel.
- On je srce svoje k Gosponu ravnal i vu dnevih grešnikov objačil pobožnost.
- Vsi (kralji) zvun Davida, Ezekijaša i Jozija jesu greh (bolvanomolstva) činili
- Ar kralji od Judeje jesu zapustili zapoved Višnjega i strah Božji zametavali.
- Pokehdob su kraljestvo svoje drugem (Kaldejancem) dali i diku svoju tuđemu narodu.
[…]
