- 1. K koncu šoltar Davidov
XII.
Gospone, kak dugo se iz mene zevsem vsega spozabil budeš? Kak dugo budeš lice tvoje od mene odvračal?
- Kak dugo budem si sam sobum tolnače daval i žalost čez dan v srcu mojem nosil?
- Kak dugo se bude neprijatel moj suprot meni podigaval?
- Oglej se i vusliši me, Gospone, Bog moj!
Rasveti oči moje da nigdar v smrti ne zaspim.
- Da ne reče neprijatel moj kada: „Ja sem njega premagal.“
Koji me trapiju, budu od veselja poskakuvali ako omahnjen budem.
- Ja pako zanašal sem se na milosrdnost tvoju.
Srce moje bude se zaradi pomoči tvoje raduvalo, budem speval Gosponu, koj mi je dobro činil, i budem imenu višnjega Boga popeval.
