Del X.

1. Ova mudrost je opčuvala onoga koj je bil prvi od Boga za oca celoga sveta načinjen, kada je on sam bil stvorjen.^*Kak dugo je Adam vu stališu nedužnosti i pravičnosti opstal, to je včinjeno po božanski mudrosti. 1Moj 1,27.
2. I ona je njega ispeljala iz njegvoga greha ter je njemu moč dala vsa vu pokornosti zdržati.^*Ovde vuči Sveto pismo da se Adam za grehom ipak je obrnul k Bogu i nazad zadobil gospoduvanje zvrhu stvorenjih, akoprem vu menjšem stupaju. 1Moj 7,2.
3. Od nje, kak prvič je on krivični vu svojoj srditosti odstupil, je po srditosti bratomorstva poginul.^*V. 1Moj 4.
4. Kada bi zbog njega^*Zbog njegveh grehov koje njegvi posledniki jesu nasleduvali. svet z potopom bil skončan, je njemu mudrost ipak pomogla pokehdob je po za nemar držanem drevu pravičnoga vodila.^*Vu barki zevsem kaj je bilo vu njoj, je ravnal i od pogubljenja opčuval. 1Moj 7,21.
5. Ova ista je takaj, kada bi se narodi prez razluke vu hudobnosti bili povdali,^*Vu hudobneh bludnostjah živeli. našla pravičnoga^*Abrahama. Prisp. Rim 14,15.11,19. i njega pred Bogom nedužnoga obdržala i njega jakoga opčuvala vu pomiluvanju nad njegvem sinom. 1Moj 11,2.
6. Ona je pravičnoga^*Lota. rešila kada je bežal pred hudobnemi koji jesu bili poginuli, kada je zvrhu peteh varašev ogenj padal. 1Moj 19,17.22.
7. Česa jošče sada na svedočanstvo njihove hmanjice leži pusta zemlja i kadi se,^*Iz Mrtvoga morja, koje je nastalo na ravnici Sodome, ishađa poleg svedočanstva putnikov vsevdiljni sumpor. drevje doprinaša sad koji nigdar ne dozrele^*Tak zvane „sodomitanske jabuke“ koje zvana na pogled jesu lepe, ali znutra, kak se poveda, pune pepela. i solni stup stoji na spomenek neverne duše.^*Jošče den denešnji pokažuje se putnikom pokopni brežuljek iz soli.
8. Ar pokehdob oni nesu marali za mudrost, jesu prepali ne samo vu to da nesu spoznali dobro, nego jesu takaj ljudem ostavili spomenek svoje nespametnosti tak da vu oneh vu kojeh jesu zagrešili, nesu mogli ostati zakriti.
9. One pako je mudrost oslobodila od bolih koji nju jesu poštuvali.
10. Ova ista je vodila pravičnoga,^*Jakopa. kada on je bežal pred srditostjum svojega brata, po ravneh putih i je njemu pokazala Božje kraljestvo ter je njemu dala spoznanje svetoga.^*Drugi: sveteh. Ona je njega po delu opoštenila^*Načinila njega bogatoga. Drugi: pomogla je njemu vu pogibelih. i blagoslovila njegve trude. 1Moj 28,5.10.
11. Ona je njemu pomogla kada njega z prevarum jesu ophađali^*Laban i njegovi sini. i njega je poštuvanoga včinila.
12. Ona je njega čuvala od njegveh neprijatelov i od napeljivcev je njega branila i je dala njemu vu teškem harcu obladati da bi znal kak je mudrost mogučneša nego vse stvari.
13. Ona je koja ni zapuščala prodanoga pravičnoga,^*Jožefa. nego je njega oslobodila od grešnikov^*Vu grčkom: od greha. i z njim dole stupala vu jamu.^*Vu vuzu. 1Moj 37,28.
14. Niti vu sponah ni njega ostavila doklam je donesla njemu kraljevski bat i oblast suprot onem koji njega jesu optršuvali. I lašce pokazala one koji njega jesu ognjusili i je njemu podeljila vekivečnu diku. 1Moj 41,40; Čin Ap 7,10.
15. Ona je pravičnoga puka i nedužno pokolenje^*Izraelce koji vu prispodablanju z Egiptonci jesu se mogli sveti i pravični ozivati. oslobodila od narodov koji nje jesu optršuvali. 2Moj 1,11.
16. Ona je stupila vu dušu Božjega sluge ter se je strašnem kraljom z čudmi i znamenji suprotstavila.
17. Ona je dala pravičnem plaču za njihove trude^*Ono srebrno i zlato posuđe Egiptoncev. V. 2Moj 11,2.12,36. i nje je peljala po čudnovitem putu i je bila njim obdan za ščit, a obnoč na mesto svetlosti zvezd.
18. Ona je nje prepeljala čes Črleno morje i nje sprevodila čes veliku vodu. 2Moj 14,22; Šolt 77,13.
19. Njihove pako neprijatele je potopila vu morju i nje je iz glubljine dna izvlekla.^*Drugi tolnačiju: … vu morju i je nje (Egiptonce) iz glubljine dna isunula. Prisp. 2Moj 14,13. Zato jesu pravični plene hudobneh odnesli.
20. I oni jesu tvojemu svetomu imenu, o, Gospone, spevali hvalu i tvoju neobladljivu ruku vsi skupa častili. 2Moj 12,35.15,1.
21. Ar mudrost je otprla vusta nemeh i jezike dece je načinila razgovorne.

Objašnjenje

• *
  Kak dugo je Adam vu stališu nedužnosti i pravičnosti opstal, to je včinjeno po božanski mudrosti. ↩︎
• *
  Ovde vuči Sveto pismo da se Adam za grehom ipak je obrnul k Bogu i nazad zadobil gospoduvanje zvrhu stvorenjih, akoprem vu menjšem stupaju. ↩︎
• *
  V. 1Moj 4. ↩︎
• *
  Zbog njegveh grehov koje njegvi posledniki jesu nasleduvali. ↩︎
• *
  Vu barki zevsem kaj je bilo vu njoj, je ravnal i od pogubljenja opčuval. ↩︎
• *
  Vu hudobneh bludnostjah živeli. ↩︎
• *
  Abrahama. Prisp. Rim 14,15.11,19. ↩︎
• *
  Lota. ↩︎
• *
  Iz Mrtvoga morja, koje je nastalo na ravnici Sodome, ishađa poleg svedočanstva putnikov vsevdiljni sumpor. ↩︎
• *
  Tak zvane „sodomitanske jabuke“ koje zvana na pogled jesu lepe, ali znutra, kak se poveda, pune pepela. ↩︎
• *
  Jošče den denešnji pokažuje se putnikom pokopni brežuljek iz soli. ↩︎
• *
  Jakopa. ↩︎
• *
  Drugi: sveteh. ↩︎
• *
  Načinila njega bogatoga. Drugi: pomogla je njemu vu pogibelih. ↩︎
• *
  Laban i njegovi sini. ↩︎
• *
  Jožefa. ↩︎
• *
  Vu grčkom: od greha. ↩︎
• *
  Vu vuzu. ↩︎
• *
  Izraelce koji vu prispodablanju z Egiptonci jesu se mogli sveti i pravični ozivati. ↩︎
• *
  Ono srebrno i zlato posuđe Egiptoncev. V. 2Moj 11,2.12,36. ↩︎
• *
  Drugi tolnačiju: … vu morju i je nje (Egiptonce) iz glubljine dna isunula. Prisp. 2Moj 14,13. ↩︎