Del XX.

1. Iz vina ishađa nečistoča, a iz pijanščine halabuka, gdo goder vu tom nahađa veselje, ne bude muder.^*Pijanščina zapelja vu nečistoču, obuđuje karke i svađe (v. dole 23,29; Efez 5,18). Navadno biva da vitez vu pilu je vitez vu bedastoči.
2. Kak je ručanje oroslana, tak je grožnja kralja, koj njega razdraži, greši proti svojoj duši. ^*Proti svojemu živlenju pokehdob nje vu pogibel postavlja.
3. Človeku je dika odružiti se od svađih, vsi pako bedaki mešaju se vu nje na svoju sramotu.^*Koj se od svađih more zdržati, kaže svoju jakost vu krotenju svojeh pohotnostjah.
4. Lenjak ni hotel zbog zime^*Vu Palestini orje se i seje vu zimi, koja vendar ni tak oštra kak pri nas. orati, po letu anda bude prosil, ali se njemu ne bude dalo.^*Lenjak ogiblje se delu, anda se svojvoljno prehitava vu siromaštvo i potom odvrača od sebe ljudi natuliko da njega nigdo niti vu vremenu obilne žetve ne miluje.
5. Kakti gliboka voda je tolnač vu srcu človeka, ali muder človek bude njega van zajimal.^*Človečansko srce je vu svojeh tolnačih i nakanenjih neizmerno kak i gliboka voda, ali muder, koj ima ljudih spoznanje, pregleda nuternja človeka i najskrovneša postavlja na svetlo. Gore 18,4.
6. Vnogi ljudi imenuju se milosrdni, ali vernoga človeka gdo bude našel?^*Vnogi ljudi hočeju zbog svoje dobrote hvaljeni biti, ali kuliko njih je koji danomu obečanju verni ostajeju, koji su zaisto ne samo z rečmi, nego takaj z činom dobrotivni. Ali: koji su verni pomočniki vu sili? Drugi: vnog[i] ljudi imenuju se dobrotivni i zaisto jesu, ali retki jesu koji bi vse zapovedi Božje verno obdržavali.
7. Pravičen koj vu svojoj priprostoči hodi bude srečnu decu za sobum ostavil.^*Ova izreka preteže se na obečanje Božje, 2Moj 20,6, gde Bog onem koji njega ljubiju je obečal smiluvanje tja do jezernoga kolena.
8. Kralj koj sedi na stolici suda rasprši z svojem pogledom vse zlo.^*Ovde se govori od ladavca koj sudbene pravde sam pregleda, on bude suce i tužitele vu međah svoje dužnosti zdržaval.
9. Gdo more reči: „Moje srce je čisto, ja sem prost od greha?“^*Ovde govori Šalomon od takve čistoče dušnoga spoznanja koje se nikakve pomenjke, dapače nikakve krhkoče krivca ne spoznaje, kakva se med ljudmi ne nahađa. V. 1Jan 1,8. 3Kralj 9,46; 2Par 6,36; Cirkv 7,21; 1Jan 1,8.
10. Dvojvrsna vaga i dvojvrsna mera: obodvoje je gnjusoba pred Gosponom. Gore 11,1; dole red 23.
11. Dete spoznaje se iz njegvoga trsenja: je li njegva dela jesu čista i pravična.^*Nagnenja deteta očituju kakov buduč bude človek.
12. Vuho koje čuje i oko koje vidi, obodvoje je načinil Gospon.^*Anda čuje i vidi Bog vse, niti se nigdo pred njim ne more skriti. V. Šolt 93,9.
13. Ne ljubi senj, da te ne optrši siromaštvo, otpri svoje oči i budeš z kruhom zasičen.^*Šalomon odgovarja od lenosti. Lenost, veli on, vodi k bogečkoj palici; koj je marljiv i delaven, ne bude stradal.
14. Vsaki kupec veli: „To ne valja, to ne valja“, a kada odide, onda se hvali.^*Da je dobro kupil. Kupec je višeputi ravno tak krivičen kak i prodavec. On kudi robu da nju za ležešu cenu kupi i kada je nju splatil, smeje se nad svojum šegavostjum.
15. Zlato i vnožina dragoga kamenja i velike cene posuđe jesu vučene vusnice.^*Koj razborno i razumno zna govoriti, ima vsega vu obilnosti.
16. Vzemi opravu onomu koj je za tuđega poruk postal i za stranjskoga vzemi od njega zalog.^*Ovde je ipak odgovarjanje od poručanstva, kako gore 6,1–6, 11,15.17.18. Po stranjskeh razmevaju se vu opčinskom oni za koje gdo poruk postaje. Dole 27,13.
17. Človeku je sladek z lažmi pridobljen kruh, ali potlam budu njegva vusta z peskom napunjena.^*Z lažjum i vkanljivostjum pridobljeni kruh od kraja ide doisto sladko vu tek, ali na koncu presede. Drugi po krugu lažih razmevaju nasladnosti i prepovedana veselja ovoga živlenja.
18. Misli budu po tolnačih potvrđene i boji moraju se z dobrem ravnanjem^*Z razmišljavanjem. voditi.
19. Z onem koj skrovnosti razodeva i z prevarum ophađa i svoje vusnice rasteže,^*Koj je brbotljivec i prilizavec. ne druži se.^*Vu Žid. Koj skrovna očituje, kani od drugeh zlo govoriti, z onem koj svoje vusnice otprte drži, ne pačaj se.
20. Koj svojega oca i svoju mater kune,^*„Kleti“ ovde znamenuje tuliko kakti zlo govoriti ali zlo činiti. njegva svetnica bude oposred tmice vgasnula.^*Njegva sreča bude njega ostavila vu najvekši potreboči (takaj vu smrtni sili); svetlost je pelda sreče. V. Job 18,6. Drugi: ne dojde do tretjega kolena. 2Moj 21,17; 3Moj 21,9; Mat 15,4.
21. Odvečtvo za kojem se gdo od početka pašči naposletku bude prez blagoslova.^*Imetek koj se hitro z velikum poželjivostjum, skupostjum, po krivici je skup spravil.
22. Ne reci: „Ja hoču zlo povrnuti.“ Čakaj na Gospona i on bude tebe rešil. Rim 12,17; 1Tesal 5,15; 1Petr 3,9.
23. Pred Gosponom je gnjusoba dvoja vagna težina; krivična vaga ni dobra. Gore red 10; gore 16,2.
24. Gospon ravna korake človeka, gdo pako izmed ljudih more svoj put spoznati?^*Jedini Bog more človeka na putu zveličenja čes vse prečke prepeljati. Človek ne pozna ov put i vsigdar zabludi prez božanske pomoči. V. Jer 10,23; Tob 4,20; Šolt 36,23.
25. Svete požreti^*Nje preganjati, porobiti. Šolt 13,4:34; Habak 1,13; 3,14. i zagovore nazad vzeti^*Drugi: i potlam zagovori odobriti. To je: Bogu od poroba zagovorne aldove načinjati. Vu sveteh stvarih prenagliti se je človeku na skvarjenje (zagovore prenaglo, nepremišljeno načinjati), Sud 11, i potlam po včinjenom zagovoru premišljavati je li je prav včinjeno i kak bi se moči zagovora rešiti. je pogublenje človeka.
26. Muder kralj raspršuje hudobne^*Nje od sebe odganja, odlučuje. Vu Žid. izvejava. i zvrhu njih podiže odičeni obladanja luk.^*Dično oblada njihovu hudobnost. Vu Žid. i nje z kolom potre, nje neisprosljivo pogubi. V. 1Kor 2,11.
27. Človečanska duša je svetnica Gospona^*Ovde se duša prispodablja svetnicum koja človeku vu vseh njegveh posluvanjih naprvo sveti i njega vodi. koja vsa skrovna trbuha^*Srca, vsa koja vu človeku naprvo dohađaju. V. Kor 2,11. zveđa.
28. Milosrdnost i istina čuvaju kralja i po dobrotivnosti potvrđava se njegva stolica.^*Ljubav podložnikov je najjakša straža za kralja.
29. Mladencov veselje je njihova jakost i dostojnost stareh je seda glava.
30. Črnjavke^*Čutljive telovne kaštige. zbrisavaju zlo i vudarci koji vu nutrnja tela prehađaju.

Objašnjenje

• *
  Pijanščina zapelja vu nečistoču, obuđuje karke i svađe (v. dole 23,29; Efez 5,18). Navadno biva da vitez vu pilu je vitez vu bedastoči. ↩︎
• *
  Proti svojemu živlenju pokehdob nje vu pogibel postavlja. ↩︎
• *
  Koj se od svađih more zdržati, kaže svoju jakost vu krotenju svojeh pohotnostjah. ↩︎
• *
  Vu Palestini orje se i seje vu zimi, koja vendar ni tak oštra kak pri nas. ↩︎
• *
  Lenjak ogiblje se delu, anda se svojvoljno prehitava vu siromaštvo i potom odvrača od sebe ljudi natuliko da njega nigdo niti vu vremenu obilne žetve ne miluje. ↩︎
• *
  Človečansko srce je vu svojeh tolnačih i nakanenjih neizmerno kak i gliboka voda, ali muder, koj ima ljudih spoznanje, pregleda nuternja človeka i najskrovneša postavlja na svetlo. ↩︎
• *
  Vnogi ljudi hočeju zbog svoje dobrote hvaljeni biti, ali kuliko njih je koji danomu obečanju verni ostajeju, koji su zaisto ne samo z rečmi, nego takaj z činom dobrotivni. Ali: koji su verni pomočniki vu sili? Drugi: vnog[i] ljudi imenuju se dobrotivni i zaisto jesu, ali retki jesu koji bi vse zapovedi Božje verno obdržavali. ↩︎
• *
  Ova izreka preteže se na obečanje Božje, 2Moj 20,6, gde Bog onem koji njega ljubiju je obečal smiluvanje tja do jezernoga kolena. ↩︎
• *
  Ovde se govori od ladavca koj sudbene pravde sam pregleda, on bude suce i tužitele vu međah svoje dužnosti zdržaval. ↩︎
• *
  Ovde govori Šalomon od takve čistoče dušnoga spoznanja koje se nikakve pomenjke, dapače nikakve krhkoče krivca ne spoznaje, kakva se med ljudmi ne nahađa. V. 1Jan 1,8. ↩︎
• *
  Nagnenja deteta očituju kakov buduč bude človek. ↩︎
• *
  Anda čuje i vidi Bog vse, niti se nigdo pred njim ne more skriti. V. Šolt 93,9. ↩︎
• *
  Šalomon odgovarja od lenosti. Lenost, veli on, vodi k bogečkoj palici; koj je marljiv i delaven, ne bude stradal. ↩︎
• *
  Da je dobro kupil. Kupec je višeputi ravno tak krivičen kak i prodavec. On kudi robu da nju za ležešu cenu kupi i kada je nju splatil, smeje se nad svojum šegavostjum. ↩︎
• *
  Koj razborno i razumno zna govoriti, ima vsega vu obilnosti. ↩︎
• *
  Ovde je ipak odgovarjanje od poručanstva, kako gore 6,1–6, 11,15.17.18. Po stranjskeh razmevaju se vu opčinskom oni za koje gdo poruk postaje. ↩︎
• *
  Z lažjum i vkanljivostjum pridobljeni kruh od kraja ide doisto sladko vu tek, ali na koncu presede. Drugi po krugu lažih razmevaju nasladnosti i prepovedana veselja ovoga živlenja. ↩︎
• *
  Z razmišljavanjem. ↩︎
• *
  Koj je brbotljivec i prilizavec. ↩︎
• *
  Vu Žid. Koj skrovna očituje, kani od drugeh zlo govoriti, z onem koj svoje vusnice otprte drži, ne pačaj se. ↩︎
• *
  „Kleti“ ovde znamenuje tuliko kakti zlo govoriti ali zlo činiti. ↩︎
• *
  Njegva sreča bude njega ostavila vu najvekši potreboči (takaj vu smrtni sili); svetlost je pelda sreče. V. Job 18,6. Drugi: ne dojde do tretjega kolena. ↩︎
• *
  Imetek koj se hitro z velikum poželjivostjum, skupostjum, po krivici je skup spravil. ↩︎
• *
  Jedini Bog more človeka na putu zveličenja čes vse prečke prepeljati. Človek ne pozna ov put i vsigdar zabludi prez božanske pomoči. V. Jer 10,23; Tob 4,20; Šolt 36,23. ↩︎
• *
  Nje preganjati, porobiti. Šolt 13,4:34; Habak 1,13; 3,14. ↩︎
• *
  Drugi: i potlam zagovori odobriti. To je: Bogu od poroba zagovorne aldove načinjati. Vu sveteh stvarih prenagliti se je človeku na skvarjenje (zagovore prenaglo, nepremišljeno načinjati), Sud 11, i potlam po včinjenom zagovoru premišljavati je li je prav včinjeno i kak bi se moči zagovora rešiti. ↩︎
• *
  Nje od sebe odganja, odlučuje. Vu Žid. izvejava. ↩︎
• *
  Dično oblada njihovu hudobnost. Vu Žid. i nje z kolom potre, nje neisprosljivo pogubi. V. 1Kor 2,11. ↩︎
• *
  Ovde se duša prispodablja svetnicum koja človeku vu vseh njegveh posluvanjih naprvo sveti i njega vodi. ↩︎
• *
  Srca, vsa koja vu človeku naprvo dohađaju. V. Kor 2,11. ↩︎
• *
  Ljubav podložnikov je najjakša straža za kralja. ↩︎
• *
  Čutljive telovne kaštige. ↩︎