Del I.

Januš, kaj je videl i čul od Krištuša, to nazvešča drugem da se z njim skupa pridužiju k Bogu i Krištušu, njegvomu Sinu, z kojega krvjum čistiju se ljudih grehi; nadalje, koj govori da ni zagrešil, taj načinja Boga lašcom.

1. Kaj je bilo otpočetka, kaj jesmo čuli, kaj jesmo z našemi očmi videli, kaj jesmo ogledavali i naše ruke tipale od Reči živlenja^*Ovoga reda konec sledi vu tretjem redu ar drugi je red samo med prvi i tretji red medpostavljen. Po rečih „Reč živlenja“ ne razmeva Januš Krištušev navuk, nego samoga njega, Reč Božju koja je postala človekom, on logos koj se kakti človek na svet iskazal ar on ne govori samo od čujenja, nego i od viđenja i dotikavanja njegvoga. Zvrhu bitja od početka. V. Jan 1,1. Reč Živlenja znamenuje božansku reč koja je živlenje i vse živlenje podeljuje.
2. ar živlenje je se iskazalo i mi jesmo videli nje i svedočimo od njega i nazveščamo vam vekivečno živlenje koje je bilo pri Ocu i nam se je iskazalo.
3. Kaj jesmo videli i čuli, to nazveščamo vam^*Ovde vu evangelijumu kojega ja vam z ovem listom pošiljam. da i vi imate z nami opčinstvo i naše opčinstvo naj bude opčinstvo z Ocom i njegvem Sinom Ježušem Krištušem.^*Da budete podignjeni na jednako spoznanje, na jednako vpučenje, na jednaku ljubav kakvu mi imamo ter da mi tak skupa dospemo vu opčinstvo Oca i njegvoga Sina. Vsi skupa vu Bogu zjedinjeni budemo i njegve dobrote delniki postanemo. Opčinstvo z nami, to je z svetem apoštolom Janušem, imati znamenuje ovde na jednakem duhovne zvršenosti stupaju nahađati se. Opčinstvo z Bogom Ocom i njegvem Sinom je nuternje zjedinenje z njimi po ljubavi i delničtvo njihoveh dobrih. Ovo se dobavlja po napreduvanju vu spoznavanju navuka vere i ljubavi činih (Jan 14,23). Na ov napredek naj bi krščeniki, na koje piše Januš, po njegvem Evangelijumu dospeli. Ovde se zadnjič ovo opčinstvo samo na Oca i Sina preteže, Duh pako Sveti ne imenuje se zato kajti Duh Sveti vre prez toga vu ovem istem opčinstvu z krščeniki zjedinjen razmeva se pokehdob njega krščenik ne dobiva samo na krstu, nego on je takaj temelj njegvoga celoga duhovnoga živlenja, je duh njegve duše, njegvoga mišlenja i činenja. Duh Sveti i zato takaj ne spomenuje se ovde kajti z imenuvanjem Oca i Sina kakti Duh obodvem jednako lastoviti skup se razmeva.
4. I to mi vam pišemo da se veselite i vaše veselje obilno bude.^*d ovoga blaženoga opčinstva mi vam pišemo da vas zvrhu toga sveto veselje napuni.
5. Ovo je pako ono nazveščenje koje mi od njega jesmo čuli i vam nazveščamo: Bog je svetlost i vu njem ni nikakve tmice.^*To pako je zavjetek celoga Evangelijuma nad kojem se temelji, najmre da Bog je zevsema svetost i da mi (to se skupa veže kak sledeči red pokažuje) sveti postanemo i vsako zlo odurjavamo. Vse krščanstvo tam cilja da nas načini svete kak je i Bog svet. V. 1Petr 1,15; Mat 5,48; Rim 13,12; 1Tes 5,5 i sl. Kak ovde tmica znamenuje greh (r. 6), ovak svetlost znamenuje svetost. Jan 8,13.
6. Ako rečemo da mi z njim imamo opčinstvo ter vendar hodimo vu tmici,^*Vendar činimo zlo. tak lažemo niti ne činimo istinu.
7. Ako pako hodimo vu svetlosti,^*Činimo dobro. kak je i on sam vu svetlosti, tak imamo med sobum opčinstvo^*Z Bogom i med sobum. i krv Ježuša Krištuša, njegvoga Sina, očiščuje nas od vsakoga greha.^*Tak postajemo delniki vseh njegveh milošč, vu posebnom postajemo delniki sada otkuplenja po Ježuševi smrti kojega jesmo zadobili na krstu i pokori (Hier. Aug.). Žid 9,14.
8. Ako rečemo: „Mi nemamo greha“, tak sami sebe vkanjujemo i vu nas ni istine.^*Po reči „greh“ vu prvešem redu cilja apoštol na one koji sami sebe za pravične držiju, to je koji poleg zvunjskoga samo zapovedih obdržavanja štimaju da jesu prez greha. Prir 20,9.
9. Ako pako naše grehe valujemo,^*Njegvem na to određenem namesnikom, kak je on sam zapovedal. Ovde Januš ni mogel drugo valuvanje razmeti kak spoved ar vu svojem evangelijumu napučuje on verne da oni grehov oproščenje naj iščeju pri apoštolih i njihoveh namesnikih. V. Jan 20,22–23. tak je on veren i pravičen^*Segurno drži kaj je obečal. da nam otpusti naše grehe i nas očisti od vsake nepravičnosti.
10. Ako pako rečemo: „Mi nesmo zagrešili“, tak mi njega načinjamo lašcom^*Mi velimo po tom da ni istina kaj se poveda vu Svetem pismu kak da bi vsi ljudi grešni ter kaštige vredni bili. V. Rim 1,2. i njegva reč ni vu nas.^*Mi nemamo pravo spoznanje, pravu veru.

Objašnjenje

• *
  Ovoga reda konec sledi vu tretjem redu ar drugi je red samo med prvi i tretji red medpostavljen. Po rečih „Reč živlenja“ ne razmeva Januš Krištušev navuk, nego samoga njega, Reč Božju koja je postala človekom, on logos koj se kakti človek na svet iskazal ar on ne govori samo od čujenja, nego i od viđenja i dotikavanja njegvoga. Zvrhu bitja od početka. V. Jan 1,1. Reč Živlenja znamenuje božansku reč koja je živlenje i vse živlenje podeljuje. ↩︎
• *
  Ovde vu evangelijumu kojega ja vam z ovem listom pošiljam. ↩︎
• *
  Da budete podignjeni na jednako spoznanje, na jednako vpučenje, na jednaku ljubav kakvu mi imamo ter da mi tak skupa dospemo vu opčinstvo Oca i njegvoga Sina. Vsi skupa vu Bogu zjedinjeni budemo i njegve dobrote delniki postanemo. Opčinstvo z nami, to je z svetem apoštolom Janušem, imati znamenuje ovde na jednakem duhovne zvršenosti stupaju nahađati se. Opčinstvo z Bogom Ocom i njegvem Sinom je nuternje zjedinenje z njimi po ljubavi i delničtvo njihoveh dobrih. Ovo se dobavlja po napreduvanju vu spoznavanju navuka vere i ljubavi činih (Jan 14,23). Na ov napredek naj bi krščeniki, na koje piše Januš, po njegvem Evangelijumu dospeli. Ovde se zadnjič ovo opčinstvo samo na Oca i Sina preteže, Duh pako Sveti ne imenuje se zato kajti Duh Sveti vre prez toga vu ovem istem opčinstvu z krščeniki zjedinjen razmeva se pokehdob njega krščenik ne dobiva samo na krstu, nego on je takaj temelj njegvoga celoga duhovnoga živlenja, je duh njegve duše, njegvoga mišlenja i činenja. Duh Sveti i zato takaj ne spomenuje se ovde kajti z imenuvanjem Oca i Sina kakti Duh obodvem jednako lastoviti skup se razmeva. ↩︎
• *
  d ovoga blaženoga opčinstva mi vam pišemo da vas zvrhu toga sveto veselje napuni. ↩︎
• *
  To pako je zavjetek celoga Evangelijuma nad kojem se temelji, najmre da Bog je zevsema svetost i da mi (to se skupa veže kak sledeči red pokažuje) sveti postanemo i vsako zlo odurjavamo. Vse krščanstvo tam cilja da nas načini svete kak je i Bog svet. V. 1Petr 1,15; Mat 5,48; Rim 13,12; 1Tes 5,5 i sl. Kak ovde tmica znamenuje greh (r. 6), ovak svetlost znamenuje svetost. ↩︎
• *
  Vendar činimo zlo. ↩︎
• *
  Činimo dobro. ↩︎
• *
  Z Bogom i med sobum. ↩︎
• *
  Tak postajemo delniki vseh njegveh milošč, vu posebnom postajemo delniki sada otkuplenja po Ježuševi smrti kojega jesmo zadobili na krstu i pokori (Hier. Aug.). ↩︎
• *
  Po reči „greh“ vu prvešem redu cilja apoštol na one koji sami sebe za pravične držiju, to je koji poleg zvunjskoga samo zapovedih obdržavanja štimaju da jesu prez greha. ↩︎
• *
  Njegvem na to određenem namesnikom, kak je on sam zapovedal. Ovde Januš ni mogel drugo valuvanje razmeti kak spoved ar vu svojem evangelijumu napučuje on verne da oni grehov oproščenje naj iščeju pri apoštolih i njihoveh namesnikih. V. Jan 20,22–23. ↩︎
• *
  Segurno drži kaj je obečal. ↩︎
• *
  Mi velimo po tom da ni istina kaj se poveda vu Svetem pismu kak da bi vsi ljudi grešni ter kaštige vredni bili. V. Rim 1,2. ↩︎
• *
  Mi nemamo pravo spoznanje, pravu veru. ↩︎