Del I.

1. Šimun Peter, sluga i apoštol Ježuša Krištuša, onem koji jednaku z nami jesu prijeli veru vu pravici našega Boga i Zveličitela Ježuša Krištuša.^*Onem koji milošču vere krščeniki postati jesu prijeli po pravičnosti koju Bog Otec nad Ježušem Krištušem je dovršil. V. Rim 3, 25.26.
2. Milošča i mir naj obiljuje vu vas po spoznavanju Boga i Krištuša Ježuša, našega Gospona!^*Z kem zvršeneše i praveše je naše spoznanje Boga i Ježuša Krištuša, z tem više prijemljemo duhovneh blagoslovov. Jan 1,3 ili 17,3.
3. Spodobno kak nam vsa (dobra) njegve božanske kreposti,^*Vse božanske milošče, vera, ufanje, ljubav, opravičenje, posvečenje itd. koja na živlenje i pobožnost služiju, jesu daruvana^*Po veri vu Krištuša, po krščanstvu, jesu daruvana. po spoznanju onoga koj je nas po svojoj lastoviti zmožnosti i kreposti pozval,^*Primerom svoje lastovite zmožnosti i kreposti kakti Sin Božji.
4. po kojem nam on najvekša i najdragša obečanja je daruval,^*Po kojem nam Bog Otec najvišeša dobra je obečal i daruval. tak da vi po njih bivate delniki božanske narave^*Istom vbožanstveni postajete. Po dobrih krščanstva opravičenja, posvečavanja bivamo istom vbožanstveni, stuplujemo z istem Bogom vu opčinstvo kajti mi po njih postajemo za Božju decu preporođeni i Bog nam vu preporođenju svoju milošču, samoga sebe podeljuje. ako li bežite skvarljiva poželenja ovoga sveta,^*To sveti Peter zato pridaje kajti božansko preporođenje ne more se zadobiti i obdržati ako se človek ne odgovori vsem poželenjam i grehom.
5. tak prinesite vsu marljivost k tomu^*Ovde sledi konec 3. reda. Kak goder je bil Bog milosrden za dati nam vu krščanstvu vse načine k svetomu i blaženomu živlenju, dapače za podeljiti nam samoga sebe, ravno tak budite takaj vi naproti tak verni i zahvalni da se z vsum marljivostjum povdate na krščanstvo. da z vašum verum združite krepost, z krepostjum spoznanje,^*Povekšavanje vu spoznavanju krščanske istine.
6. z spoznanjem zdržavanje,^*Prirast vu spoznavanju naj bude takaj z povekšavanjem krotenja telovneh nagnenj i poželenj složeno. z zdržavanjem trpljivnost,^*Ar prez trpljivnosti z sobum i z drugemi je zdržavanje, krotenje i vsaka krepost nemoguča. V. Luk 21,29. z trpljivnostjum pobožnost,^*To je: vaše vu trpljivnosti izvršeno zdržavanje naj se neg samo ravna na Boga, naj biva jedino zaradi Boga, ne pako iz samehne nečutljivosti ali pak iz oholnosti ali nedostojnoga nemenenja.
7. z pobožnostjum ljubav bratinsku,^*Z krotenjem sameh sebe, koje vu trpljivnosti zaradi Boga zvršavate, složete takaj ljubav krščanskeh bratov, ne budite pobožni samo za same sebe, za vaše lastovito posvečenje, nego poslujte za vašu bratju vu poslužljivoj ljubavi. z bratinskum ljubavjum (opčinsku) ljubav.
8. Ar ako ova vu vas jesu i obiljuju, tak vas vu spoznavanju našega Gospona Ježuša Krištuša ne budeju prazne i neplodne puščala biti.^*Ar samo gde se takve kreposti nahađaju i povekšavaju, budeju opravile da vaše krščanstvo niti prazna tenja, niti prez naplačenja ne ostane. Spoznavanje Krištuša stoji ovde ipak kak gore vu 3. redu namesto krščanstva. Sad pravoga, poslenoga krščanstva je vekivečno blaženstvo. Red 11.
9. Ar kojemu ova menjkaju, je slep, piplje z rukum i spozabluje se iz očiščenja svojeh starinskeh grehov.^*Suprotivno pako, menjkanje oveh krepostih je turobno svedočanstvo iz strane od nuternje duhovne slepote iz koje sledi slepo živlenje vu kojem se okolo tiplje kak on koj ni na pravem putu ter iz krivoga puta prehađa na krivi put, iz strane je takaj svedočanstvo od celahnoga spozablenja prvlje na krstu prijetoga grehov oproščenja koje zavežuje na vsagdašnje napredujuče posvečenje.
10. Zato se, bratja, z tem bolje trsete vaše zvanje i odebranje po dobreh delih stalno včiniti^*Naše zvanje i odebranje visi anda od dobreh delih i Bog je nas, ako li je nas odlučil na vekivečno blaženstvo, k tomu samo natuliko odlučil, nakuliko je previdel da mi po dobreh delih budemo pripomagali njegvoj milošči. ar ako vi ovo činite, nigdar ne budete grešili
11. ar se ovak vam širom otprt vuhod vu vekivečno Kraljestvo našega Gospona i Zveličitela Ježuša Krištuša^*Vu Nebesa. bude podeljil.
12. Zaradi česa počimam vas vsevdilj spomenuvati iz oveh stvarih akoprem vi nje vre znate i zasada jeste potvrđeni vu nazočnoj istini.
13. Ar ja to držim za dužnost da vas, doklam jesem vu ovem šatoru,^*Vu ovem telu. obuđujem po opominanju,
14. navlastito pokehdob ja stalno znam da budem moj šator naskorom dole položil, kak je meni takaj naš Gospon Ježuš Krištuš nazvestil.^*V. Jan 21,19.
15. I ja dam sebi truda da se takaj vi po mojoj smrti iz oveh gusto puti spomenete.
16. Ar^*To je: gusto se iz toga spomenite kajti je istina ar istinu, a ne vučene basne, jesem vam naprvo postavljal. mi nesmo nasleduvali vučene pripovesti kada vam moč i nazočnost našega Gospona Ježuša Krištuša na znanje jesmo davali, nego mi sami jesmo videli njegvo veličanstvo.^*Ar ne tešči navuk jesem vam naprvo donašal koj lestor nad človečanskem zveđanjem temelji, nego ja jesem vam na znanje dal živlenje Ježuša Krištuša i čudačinstva z kojemi on je potvrđaval svoj navuk i jesem bil nazočni svedok kak je bil on kakti Božji Sin vu razlučneh prilikah odičen.
17. Ar on je prijel od Boga Oca poštenje i diku kada je iz prezmožne dike ov glas na njega dole došel: „Ovo je moj ljubljeni sin vu kojem se je meni dobro dopalo, njega poslušajte!“^*Zmed razlučneh odičenjih kojeh Ježuš na svetu buduči je postal delnik, apoštol navlastito naprvo donaša preobraženje na gori Tabor (Mat 17).
18. I ovoga glasa koj je iz nebes došel jesmo mi čuli kada z njim na Svetoj gori jesmo bili.
19. I mi imamo od toga jošče stalnešu proročansku reč^*I mi imamo na svedočanstvo istinitosti krščanstva, ne samo opaženja po našeh čutenjih včinjena zbog kojeh nas gdo bi mogel zaradi zasleplenja i zmutnje potvarjati, nego zvun toga imamo takaj proroke koji vre zdavna predi to jesu naprvo povedali kaj mi jesmo videli i čuli i koji ravno zato našu veru jošče stalnešu činiju nego ona opaženja pokehdob se to segurno ne more reči zmutnja ali zasleplenje kaj po njih tulika stoletja predi vre je bilo prenazveščeno (Aug. Bel.). i vi prav činite da na nju pazite kakti na svetlost koja ovde na temnem mestu sveti^*Vu temnosti sveta i našega srca. doklam osvehne dan i izide Danica vu vašeh srcah^*Doklam se po malom vu nas vjavi dan, mi vsevdilj bolje spoznajemo istinu i juterna zvezda Danica, svetlost sveta, Krištuš naša srca vsevdilj više z svojem navukom rasveti i z svojum ljubavjum stopi.
20. ar to znajte pred vsem^*Peter daje zrok nad kojem se preštimanje prorokov temelji. Oni nesu bili tolnačiteli, razložiteli, predložiteli, izopčiteli svojeh lastoviteh namenenj, mišlenj i štimanj, nego jesu bili božanski tolnačiteli, predložiteli, razložiteli i izopčiteli božanskeh istin i očituvanjih. da nijedno proročanstvo ni z človečanskum voljum naprvo donešeno, nego sveti Božji ljudi jesu od Svetoga Duha nadehnjeni govorili.

Objašnjenje

• *
  Onem koji milošču vere krščeniki postati jesu prijeli po pravičnosti koju Bog Otec nad Ježušem Krištušem je dovršil. V. Rim 3, 25.26. ↩︎
• *
  Z kem zvršeneše i praveše je naše spoznanje Boga i Ježuša Krištuša, z tem više prijemljemo duhovneh blagoslovov. Jan 1,3 ili 17,3. ↩︎
• *
  Vse božanske milošče, vera, ufanje, ljubav, opravičenje, posvečenje itd. ↩︎
• *
  Po veri vu Krištuša, po krščanstvu, jesu daruvana. ↩︎
• *
  Primerom svoje lastovite zmožnosti i kreposti kakti Sin Božji. ↩︎
• *
  Po kojem nam Bog Otec najvišeša dobra je obečal i daruval. ↩︎
• *
  Istom vbožanstveni postajete. Po dobrih krščanstva opravičenja, posvečavanja bivamo istom vbožanstveni, stuplujemo z istem Bogom vu opčinstvo kajti mi po njih postajemo za Božju decu preporođeni i Bog nam vu preporođenju svoju milošču, samoga sebe podeljuje. ↩︎
• *
  To sveti Peter zato pridaje kajti božansko preporođenje ne more se zadobiti i obdržati ako se človek ne odgovori vsem poželenjam i grehom. ↩︎
• *
  Ovde sledi konec 3. reda. Kak goder je bil Bog milosrden za dati nam vu krščanstvu vse načine k svetomu i blaženomu živlenju, dapače za podeljiti nam samoga sebe, ravno tak budite takaj vi naproti tak verni i zahvalni da se z vsum marljivostjum povdate na krščanstvo. ↩︎
• *
  Povekšavanje vu spoznavanju krščanske istine. ↩︎
• *
  Prirast vu spoznavanju naj bude takaj z povekšavanjem krotenja telovneh nagnenj i poželenj složeno. ↩︎
• *
  Ar prez trpljivnosti z sobum i z drugemi je zdržavanje, krotenje i vsaka krepost nemoguča. V. Luk 21,29. ↩︎
• *
  To je: vaše vu trpljivnosti izvršeno zdržavanje naj se neg samo ravna na Boga, naj biva jedino zaradi Boga, ne pako iz samehne nečutljivosti ali pak iz oholnosti ali nedostojnoga nemenenja. ↩︎
• *
  Z krotenjem sameh sebe, koje vu trpljivnosti zaradi Boga zvršavate, složete takaj ljubav krščanskeh bratov, ne budite pobožni samo za same sebe, za vaše lastovito posvečenje, nego poslujte za vašu bratju vu poslužljivoj ljubavi. ↩︎
• *
  Ar samo gde se takve kreposti nahađaju i povekšavaju, budeju opravile da vaše krščanstvo niti prazna tenja, niti prez naplačenja ne ostane. Spoznavanje Krištuša stoji ovde ipak kak gore vu 3. redu namesto krščanstva. Sad pravoga, poslenoga krščanstva je vekivečno blaženstvo. Red 11. ↩︎
• *
  Suprotivno pako, menjkanje oveh krepostih je turobno svedočanstvo iz strane od nuternje duhovne slepote iz koje sledi slepo živlenje vu kojem se okolo tiplje kak on koj ni na pravem putu ter iz krivoga puta prehađa na krivi put, iz strane je takaj svedočanstvo od celahnoga spozablenja prvlje na krstu prijetoga grehov oproščenja koje zavežuje na vsagdašnje napredujuče posvečenje. ↩︎
• *
  Naše zvanje i odebranje visi anda od dobreh delih i Bog je nas, ako li je nas odlučil na vekivečno blaženstvo, k tomu samo natuliko odlučil, nakuliko je previdel da mi po dobreh delih budemo pripomagali njegvoj milošči. ↩︎
• *
  Vu Nebesa. ↩︎
• *
  Vu ovem telu. ↩︎
• *
  V. Jan 21,19. ↩︎
• *
  To je: gusto se iz toga spomenite kajti je istina ar istinu, a ne vučene basne, jesem vam naprvo postavljal. ↩︎
• *
  Ar ne tešči navuk jesem vam naprvo donašal koj lestor nad človečanskem zveđanjem temelji, nego ja jesem vam na znanje dal živlenje Ježuša Krištuša i čudačinstva z kojemi on je potvrđaval svoj navuk i jesem bil nazočni svedok kak je bil on kakti Božji Sin vu razlučneh prilikah odičen. ↩︎
• *
  Zmed razlučneh odičenjih kojeh Ježuš na svetu buduči je postal delnik, apoštol navlastito naprvo donaša preobraženje na gori Tabor (Mat 17). ↩︎
• *
  I mi imamo na svedočanstvo istinitosti krščanstva, ne samo opaženja po našeh čutenjih včinjena zbog kojeh nas gdo bi mogel zaradi zasleplenja i zmutnje potvarjati, nego zvun toga imamo takaj proroke koji vre zdavna predi to jesu naprvo povedali kaj mi jesmo videli i čuli i koji ravno zato našu veru jošče stalnešu činiju nego ona opaženja pokehdob se to segurno ne more reči zmutnja ali zasleplenje kaj po njih tulika stoletja predi vre je bilo prenazveščeno (Aug. Bel.). ↩︎
• *
  Vu temnosti sveta i našega srca. ↩︎
• *
  Doklam se po malom vu nas vjavi dan, mi vsevdilj bolje spoznajemo istinu i juterna zvezda Danica, svetlost sveta, Krištuš naša srca vsevdilj više z svojem navukom rasveti i z svojum ljubavjum stopi. ↩︎
• *
  Peter daje zrok nad kojem se preštimanje prorokov temelji. Oni nesu bili tolnačiteli, razložiteli, predložiteli, izopčiteli svojeh lastoviteh namenenj, mišlenj i štimanj, nego jesu bili božanski tolnačiteli, predložiteli, razložiteli i izopčiteli božanskeh istin i očituvanjih. ↩︎