Šoltar I.

1. Blaženi človek koj po svetuvanju nepobožnjakov ni hodil i na putu grešnikov ni stal i na sedelišču pšanljivcev ni sedel,
2. nego ima volju svoju v Zakonu Gospona i zapoved njegovu den i noč premišljava.
3. I bude kakti drevo zasađeno vuz tekuču vodu koje sad svoj doprinese ob vremenu svojem,

i list njegov ne bude otpal i vsa koja goder bude počel, budu mu po sreči išla.

4. Ne tak pako nepobožnjaki, ne tak, nego su kakti prah kojega veter od lica zemlje odnaša.
5. Zaradi toga ne budu nepobožnjaki pri Sudu (dobro) opstali, niti grešniki v spravišču pravičneh.
6. Ar Gospon pozna puta pravičneh i put nepobožnjakov bude se zatrl.