- Napisek znamenja istomu Davidu
XV.
Obrani me, o, Gospone, ar sem se vu te ufal.
- Rekel sem k Gosponu: „Ti si Bog moj, ti blaga mojega ne potrebuješ.“
3.*Žid. r. 3. Ali svecem koji su na Zemlji i mojem ljubljenem skupsvojnikom je potrebno. Ali nad sveci, koji su na Zemlji njegovi, je Bog vsu moju dobru volju čudnovito ispunil.
4.*r. 4. Maleki njihovi jesu se povnožali ter se po puteh jesu paščili. Povnožale su se slaboče njihove, zatem su se popaščili.
K spravišču njihoveh krvoločneh aldovov ne budem je skup zbiral niti imena njihova ne budem z vustmi mojemi spomenul.
- Gospon je del odvečtva mojega i pehara mojega: ti si koj budeš meni odvečtvo moje povrnul.
- Delna mera je za me dobro ispala ar sem vrlo i poglavito odvečtvo dobil.
- Budem blagoslavljal Gospona koj mi je razuma dal, zvrhu toga den i noč nepokojili su mene bubreki moji.
- Ja sem vsigdar Gospona pred očmi mojemi imel ar on mi je z desnoga mojega da se ne omahnem.
- Zato se je srce moje veselilo i jezik moj raduval, zvrhu toga i telo moje bude počivalo v ufanju.
- Ar ti dušu moju ne budeš ostavil v peklu, niti ne budeš prepustil da bi svetec tvoj struhljivost videl.
- Ti si meni pute živlenja znane včinil, ti budeš mene pred licem tvojem z veseljem napunil, na desnici tvojoj bude vekivečno veselje.
Objašnjenje
- *r. 4. Maleki njihovi jesu se povnožali ter se po puteh jesu paščili.
