- Molitva Davidova
XVI.
Gospone, vusliši pravicu moju, pazi na prošnju moju. Poslušaj molitvu moju koja ne ishađa iz vkanljiveh vust.
- Naj dojde od lica tvojega sud moj, oči moje naj vidiju kaj pravo je.
- Ti si zveđal srce moje i prigledal v noči, ti si mene v ognju zveđal i na meni ni krivica znajđena.
- Vusta moja naj ne govoriju od drugeh ljudeh del, zaradi rečih vust tvojeh hodil sem ja po putih oštreh.
- Potpiraj koračaje moje na stazah tvojeh da se morebiti stupaji moji ne posmekneju.
- Ja sem kričal kajti me posluhnul jesi, o, Bože, nagni k meni vuha tvoja i posluhni reči moje.
7.*Žid. r. 7. Skaži čudnu milosrdnost tvoju, ti otkupitel oneh koji se vu te ufaju, proti onem koji se desnici tvojoj suprotstavljaju. Skaži tvoju čudnu milosrdnost koj oslobađaš ufajuče se vu te.
8.*Žid. r. 8. Čuvaj mene kakti jadrku vu očih. Čuvaj mene kakti jadrku očih pred onemi koji se desnici tvojoj suprotstavljaju. Čuvaj mene pod sencum kreljutih tvojeh.
- Od lica nepobožnjakov koji me trapiju. Neprijateli moji opstrli su mene.
- Oni nemaju nikakovoga smiluvanja, vusta njihova govorila su prevzetno.
- Koji su me zavrgli, jesu me sada okoljili, oni su navlaš oči svoje čvrsto v zemlju vprli.
- Pograbili su me kakti oroslan za robom pohlepni i kakti mladi oroslan koj v duplju čuči.
- Podigni se, Gospone, preteci ga i spodmekni mu noge, reši dušu moju z mečom tvojem od nezdušnoga,
- od neprijatelov ruke tvoje. Gospone, odluči je još pri živlenju njihovem od oneh kojih je malo na Zemlji, z tvojemi skrovnemi dari napunjen je trbuh njihov. Oni imaju obilno dece i ostanke svoje ostavili su malehnem svojem.
- Ja pako budem v pravici pred lice tvoje došel i budem se zasitil kada se dika tvoja bude iskazala.
Objašnjenje
- *Žid. r. 8. Čuvaj mene kakti jadrku vu očih.
