Šoltar XXVI.

1. Šoltar Davidov predi nego bi bil (z oljem kraljevskem) pomazan

XXVI.

Gospon je rasvečenje moje i zveličenje moje, koga se budem bojal?  Gospon je branitel živlenja mojega, pred kem budem drhtal?

2. Kad se škodljivci k meni približavaju da bi meso moje žrli, neprijateli moji koji me trapiju sami su oslabeli^*Žid. naleteli. i opali.
3. Akoprem bi (vojska) meni naproti šatore postavila, srce moje ne bude se bojalo. Ako se proti meni vojska podigne, vu nju se ufal budem.
4. Jedno je kaj sem od Gospona prosil, to budem jošče prosil da bi vse dneve živlenja mojega v hiži Gosponovi prebival. Da bi lepotu Gosponovu gledal i cirkvu njegovu pohađal.
5. Ar me je pod šatorom svojem skril, vu dnevu suprotivčin zakril me je na skrovnem mestu šatora svojega.
6. Na visoku pečinu je me postavil, a sada podignul je glavu moju zvrhu neprijatelov mojeh. Ophađal sem i v šatoru njegovem aldove z velikem glasom alduval, budem speval i Gospona z šoltari hvalil.
7. Gospone, posluhni glas moj z kojem sem k tebi kričal, smiluj se meni i vusliši me.
8. K Tebi je reklo srce moje, tebe je iskalo lice moje, lice tvoje, Gospone, budem iskal.
9. Ne odvrni^*Žid. Ne skrivaj pred menum lica tvojega itd. lice tvoje od mene, ne odstupi v srditosti od sluge tvojega. Budi moj pomočnik, ne zapusti me niti me ne zavrži, o, Bože, zveličitel moj!
10. Ar me je otec moj i mati moja zapustila, Gospon pako je mene prijel.
11. Vuči me, Gospone, puta tvojega i zarad neprijatelov mojeh vodi me po pravoj stezi.
12. Naj me predati na volju onem koji me trapiju ar podignuli su se proti meni krivi svedoki i krivica je sama sebe oblagala.
13. Verujem da vu zemlji živučeh dobra Gosponova budem videl.
14. Čekaj Gospona, junački se ladaj, budi srečen i potrpi Gospona.

Objašnjenje

• *
  Žid. Ne skrivaj pred menum lica tvojega itd.