Ježuš pripravlja nam stane. On je put, istina i živlenje. Koj vidi njega, vidi Oca. On nam podeljuje za koja vu njegvem imenu prosimo. Znamenja ljubavi. Obečanje Svetoga Duha. Opomenek na obdržavanje zapovedih. Duh Sveti vsa vuči. Mir Božji. Ljubav i pokornost Ježuševa.
- „Naj se ne žalosti vaše srce! Vi verujete vu Boga, verujte takaj vu me!
- Vu hiži mojega Oca jesu vnoga prebivališča. Da to ovak ne bi bilo, bi vam bil povedal ar ja othađam tam da za vas pripravim mesto.
- I kada tam odidem i za vas pripravim mesto, tak ipak dojdem i vas k sebi vzemem da i vi budete gde ja jesem.
- I kam ja othađam, to vi znate i put znate.“
- Reče njemu Tomaš: „Gospone, mi ne znamo kam othađaš, pak kak moremo put znati?“
6.Reče njemu Ježuš: „Ja jesem put, istina i živlenje. Nigdo ne dohađa k Ocu, nego po meni.
- Da bi vi mene poznali, tak bi takaj mojega Oca poznali, ali od vezda budete njega poznali i vi jeste njega videli.“
- Reče njemu Filip: „Gospone, pokaži nam Oca i zadosti je nam.“
- Reče njemu Ježuš: „Tuliko vremene jesem z vami ter me jošče ne poznate? Filip, koj mene vidi, vidi takaj Oca. Kak anda moreš reči: ‛Pokaži nam Oca!’?
- Kaj ne verujete da sem ja vu Ocu, a Otec vu meni? Reči koje ja vam govorim, ne govorim od samoga sebe. I Otec koj vu meni prebiva, on čini takaj dela.
- Kaj ne verujete da sem ja vu Ocu, a Otec vu meni?
- I ako ne, tak mi končemar verujte zbog isteh del. Stanovito, stanovito velim vam: koj vu me veruje, on bude takaj činil dela koja ja činim i on bude jošče vekša od oveh činil ar ja othađam k Ocu.
- I za kaj goder budete prosili Oca vu mojem imenu, to ja hoču včiniti da se vu Sinu odiči Otec. Mat 7,7; 21,22; Mark 11,24. Dole 16,23.
- Ako vi mene za kaj budete prosili vu mojem imenu, to ja hoču včiniti.
- Ako ljubite mene, tak obdržavajte moje zapovedi.
- I ja budem prosil Oca i on vam drugoga da Razveselitela da naveke pri vas ostane:
- Duha Istine kojega svet ne more prijeti ar on ne vidi njega niti ne pozna njega. Vi pako budete spoznali njega ar on pri vas ostane i bude vu vas.
- Ja vas ne zapustim kakti sirote, ja dojdem k vami.
- Jošče jeden kratek čas i več me ne vidi svet. Vi pako budete videli mene kajti ja živem i vi takaj budete živeli.
- Vu onem dnevu budete spoznali da ja vu mojem Ocu jesem i vi vu meni i ja vu vas.
- Koj ima moje zapovedi i nje obdržava, on je koj ljubi mene. Koj pako ljubi mene, on se bude od mojega Oca ljubil i ja budem njega ljubil i samoga sebe budem njemu očituval.“
- Reče njemu Judaš, ne on Iškarijot: „Gospone, kak je to da ti samoga sebe budeš očituval nam, a ne svetu?“
- Ježuš odgovori i reče njemu: „Ako gdo ljubi mene, tak bude moje reči obdržaval i moj Otec bude njega ljubil, mi dojdemo k njemu i pri njem si stan naredimo.
- Koj ne ljubi mene, on moje reči ne obdržava. I reči koje jeste čuli nesu moje, nego Oca koj je mene poslal.
- Ova jesem vam govoril doklam sem jošče pri vas.
- Razveselitel pako, Duh Sveti, kojega Otec pošlje vu mojem imenu, on vas vsa bude vučil i vsa vam bude na pamet donašal, koja goder ja vam jesem govoril.
- Mir ostavljam vam, moj mir dajem vam, ne kak svet ja dajem vam. Naj se ne burka vaše srce niti ne straši!
- Vi jeste čuli da ja vam jesem rekel: ‛Ja othađam, ali ipak dojdem k vam.’ Da bi vi mene ljubili, tak zaisto bi se veselili da ja othađam k Ocu ar Otec je vekši od mene.
- I ja vam vezda jesem povedal, prvlje neg se dogodi, da, kad se dogodi, verujete.
- Ja vre ne budem vnogo z vami govoril. Ar dohađa poglavar ovoga sveta, ali nad menum nikaj nema,
- nego da spozna svet da ja ljubim Oca i tak činim kak je meni Otec zapovedal. Stanite se, hodmo odovud!“
