Čini apoštolski — Del X.

Na zapoved angela pozval je Kornelijuš stotnik Petra koj po vilahna viđenju opomenjen je da poganini takaj Evangelijum prijeti mogu, došel je k njemu i kada bi bil zvrhu vseh reč njegovu od Krištuša poslušajučeh Duh Sveti dole stupil, zapovedal je nje okrstiti.

Človek pako nekoj bil je vu Cezareji z imenom Kornelijuš, stotnik čete koja se zove Laška,
pobožen i bogoboječi z vsum hižum svojum, čineči almuštva vnoga puku i moleči vsigdar Boga.
Ov videl je vu viđenju očivesto okolo devete vure po dnevu angela Božjega vleznučega k sebi i govorečega njemu: „Kornelijuš!“
A on, gledajuči njega, prestrašen rekel je: „Kaj je, Gospone?“ Rekel je pako njemu: „Molitve tvoje i almuštva tvoja došla su gore v spomenek pred Bogom.
I vezda pošlji ljudi vu Jopu i pozovi Šimuna nekojega koj se zove Peter:
ov stanuje pri Šimonu, nekojem kožaru kojega hiža je poleg morja, ov pove tebi kaj je potrebno tebi činiti.“
I kad bi bil odišel angel koj govoril je z njim, pozval je dva zmed družine svoje i vojnika bogoboječega zmed oneh koji se pri njem zadržavali jesu.
Kojem kad bi bil vsa povedal, poslal je nje vu Jopu.
Drugi pako dan, kada su ovi na putu bili i približavali se varašu, išel je na nahižje da bi molil okolo šeste vure.
I kad je bil gladen, hotel je založiti. Kad bi pako oni pripravljali, postal je on zameknjen
i videl je nebo otprto i dole iduču posudu nekoju, kakti vilahen velik koj na četireh škricih spuščal se je dole iz neba na zemlju
vu kojem bila jesu vsa četirinožna i plazeča zemlje i ptice nebeske.
I včinjen je glas k njemu: „Stani se, Peter, zatuči ter jeđ!“
Reče pako Peter: „Nikak ne, Gospone, ar nesem nigdar jel nikaj opčinskoga i nečistoga.“
I glas opet drugoč k njemu: „Kaj je Bog očistil, ti opčinsko ne reči.“
To pako je včinjeno trikrat i sproti vzeta je nazad posuda vu nebo.
Kad bi pako sam vu sebi dvojil Peter kakovo bi to viđenje bilo koje je videl, nut, ljudi koji su poslani bili od Kornelijuša, zezveđajuči za hižu Šimunovu, postali su pri vratah.
I kad bi zvali bili, pitali jesu je li Šimun, koj se zove Peter, ovde bi stan imel.
Kada bi pako Peter mislil na viđenje, rekel je njemu Duh: „Nut, ljudi tri iščeju tebe.
Stani se anda, hodi dole i pojdi z njimi nikaj ne dvoječi ar ja sem nje poslal.“
Dole iduči pako Peter k ljudem rekel je: „Nut, ja jesem kojega iščete, kakov zrok je zbog kojega došli jeste?“
Koji rekli jesu: „Kornelijuš stotnik, človek pravičen i bogaboječi i svedočanstvo imajuči od celoga naroda židovskoga^*, prijel je odgovor od angela svetoga da bi tebe pozval vu hižu svoju i poslušal reči od tebe.“
Zapeljavši je anda vnuter, prijel je nje na stan. Buduči pako dan stavši se, povdal se je z njimi na put i nekoji zmed bratov od Jope sprevađali su njega.
Drugi pako dan zašel je v Cezareju. Kornelijuš pako čekal je nje skup zezvavši rođake svoje i bližnje prijatele. ita Vand. et Carn. ver.
I včinjeno je kada bi bil vnuter išel Peter, naproti došel je njemu Kornelijuš i opadivši pred noge njegove, klanjal se je.
Peter pako zdignul je njega govoreči: „Stani se i ja sam človek jesem.“
I govoreči z njim, vlezel je i našel vnoge koji su skup došli bili.
I rekel je njim: „Vi znate kak odurno je človeku Židovu družiti se ali pristupiti k tuđini, ali meni pokazal je Bog da nikoga opčinskoga ali nečistoga ne rečem človeka.
Zbog česa prez dvojenja došel jesem pozvan. Pitam anda zbog kakovoga zroka pozvali jeste mene?“
I Kornelijuš reče: „Od četrtoga dneva tja do ove vure moleči bil sem ob deveti vuri vu hiži mojoj i, nut, človek stal je pred menum vu beloj opravi i reče:
ʻKorneli, vuslišana je molitva tvoja i almuštva tvoja spomenjena jesu pred Bogom.
Pošlji anda vu Jope i dozovi Šimuna koj se zove Peter. Ov stanuje vu hiži Šimuna kožara poleg morja.ʼ
Sproti anda poslal sem k tebi i ti si dobro činil da si došel. Vezda anda vsi mi v nazočnosti tvojoj jesmo da posluhnemo vsa koja goder tebi zapovedana jesu od Gospona.“
Otprvši pako Peter vusta svoja, rekel je: „Vu istini nahađam da Bog neje osob prijetnik,
nego vu vsakem narodu koj se boji njega i čini pravicu prijeten je njemu.
Reč poslal je Bog sinom izraelskem nazveščajuči mir po Ježušu Krištušu (ov je vseh Gospon).
Vi znate kakva se je reč po vsoj Judeji razglasila ar se je započela vu Galileji po krstu kojega je nazveščal Ivan. Mat 4,12–17.

^*38. Kak je Bog njega, Ježuša od Nazareta, z Duhom Svetem i krepostjum namazal, koj je ophađal dobro činiti i zvračil vse koji su bili od vraga opseđeni ar Bog je bil z njim.

I mi smo svedoki vseh koja on je včinil vu židovskem orsagu i vu Jeruzalemu i da su njega vmorili pokehdob su ga na drevo obesili.
Ovoga je Bog tretji dan obudil i dal mu se je iskati.
Ne vsemu ljudstvu, nego od Boga predodređenem svedokom, nam koji smo z njim jeli i pili poklamkak se je od mrtvih gore stal.
I on je nam zapovedal prodekuvati ljudstvu i svedočiti da je on taj isti koj određen je od Boga za suca živeh i mrtveh. Mat 25,31.
Ovomu vsi proroki davaju svedočanstvo da vsi koji vu njega veruju, po njegovem imenu zadobiju otpuščenje grehov.“ Jer 31,34.
Doklam bi jošče Peter govoril ove reči, najenput se je spustil Duh Sveti zvrhu vseh koji su poslušali reč.
I verni iz obrezavanja koji su bili došli z Petrom jesu se osupnuli da se je takaj zvrhu poganinov milošča Duha Svetoga razlejala.
Ar su čuli nje govoriti jezike i Boga velikodičiti. Gore 2,4.
Onda Peter odgovori: „Je li more gdo zabraniti vodu da se ne okrstiju ovi koji su prijeli Svetoga Duha kak i mi? “
I on je zapovedal da se okrstiju vu imenu Gospona Ježuša Krištuša. Onda su ga prosili da bi pri njih nekuliko dnevov ostal.

Objašnjenje

*
Na zapoved angela pozval je Kornelijuš stotnik Petra koj po vilahna viđenju opomenjen je da poganini takaj Evangelijum prijeti mogu, došel je k njemu i kada bi bil zvrhu vseh reč njegovu od Krištuša poslušajučeh Duh Sveti dole stupil, zapovedal je nje okrstiti. 1. Človek pako nekoj bil je vu Cezareji z imenom Kornelijuš, stotnik čete koja se zove Laška, 2. pobožen i bogoboječi z vsum hižum svojum, čineči almuštva vnoga puku i moleči vsigdar Boga. 3. Ov videl je vu viđenju očivesto okolo devete vure po dnevu angela Božjega vleznučega k sebi i govorečega njemu: „Kornelijuš!“ 4. A on, gledajuči njega, prestrašen rekel je: „Kaj je, Gospone?“ Rekel je pako njemu: „Molitve tvoje i almuštva tvoja došla su gore v spomenek pred Bogom. 5. I vezda pošlji ljudi vu Jopu i pozovi Šimuna nekojega koj se zove Peter: 6. ov stanuje pri Šimonu, nekojem kožaru kojega hiža je poleg morja, ov pove tebi kaj je potrebno tebi činiti.“ 7. I kad bi bil odišel angel koj govoril je z njim, pozval je dva zmed družine svoje i vojnika bogoboječega zmed oneh koji se pri njem zadržavali jesu. 8. Kojem kad bi bil vsa povedal, poslal je nje vu Jopu. 9. Drugi pako dan, kada su ovi na putu bili i približavali se varašu, išel je na nahižje da bi molil okolo šeste vure. 10. I kad je bil gladen, hotel je založiti. Kad bi pako oni pripravljali, postal je on zameknjen 11. i videl je nebo otprto i dole iduču posudu nekoju, kakti vilahen velik koj na četireh škricih spuščal se je dole iz neba na zemlju 12. vu kojem bila jesu vsa četirinožna i plazeča zemlje i ptice nebeske. 13. I včinjen je glas k njemu: „Stani se, Peter, zatuči ter jeđ!“ 14. Reče pako Peter: „Nikak ne, Gospone, ar nesem nigdar jel nikaj opčinskoga i nečistoga.“ 15. I glas opet drugoč k njemu: „Kaj je Bog očistil, ti opčinsko ne reči.“ 16. To pako je včinjeno trikrat i sproti vzeta je nazad posuda vu nebo. 17. Kad bi pako sam vu sebi dvojil Peter kakovo bi to viđenje bilo koje je videl, nut, ljudi koji su poslani bili od Kornelijuša, zezveđajuči za hižu Šimunovu, postali su pri vratah. 18. I kad bi zvali bili, pitali jesu je li Šimun, koj se zove Peter, ovde bi stan imel. 19. Kada bi pako Peter mislil na viđenje, rekel je njemu Duh: „Nut, ljudi tri iščeju tebe. 20. Stani se anda, hodi dole i pojdi z njimi nikaj ne dvoječi ar ja sem nje poslal.“ 21. Dole iduči pako Peter k ljudem rekel je: „Nut, ja jesem kojega iščete, kakov zrok je zbog kojega došli jeste?“ 22. Koji rekli jesu: „Kornelijuš stotnik, človek pravičen i bogaboječi i svedočanstvo imajuči od celoga naroda židovskoga , prijel je odgovor od angela svetoga da bi tebe pozval vu hižu svoju i poslušal reči od tebe.“ 23. Zapeljavši je anda vnuter, prijel je nje na stan. Buduči pako dan stavši se, povdal se je z njimi na put i nekoji zmed bratov od Jope sprevađali su njega. 24. Drugi pako dan zašel je v Cezareju. Kornelijuš pako čekal je nje skup zezvavši rođake svoje i bližnje prijatele. ita Vand. et Carn. ver . 25. I včinjeno je kada bi bil vnuter išel Peter, naproti došel je njemu Kornelijuš i opadivši pred noge njegove, klanjal se je. 26. Peter pako zdignul je njega govoreči: „Stani se i ja sam človek jesem.“ 27. I govoreči z njim, vlezel je i našel vnoge koji su skup došli bili. 28. I rekel je njim: „Vi znate kak odurno je človeku Židovu družiti se ali pristupiti k tuđini, ali meni pokazal je Bog da nikoga opčinskoga ali nečistoga ne rečem človeka. 29. Zbog česa prez dvojenja došel jesem pozvan. Pitam anda zbog kakovoga zroka pozvali jeste mene?“ 30. I Kornelijuš reče: „Od četrtoga dneva tja do ove vure moleči bil sem ob deveti vuri vu hiži mojoj i, nut, človek stal je pred menum vu beloj opravi i reče: 31. ʻKorneli, vuslišana je molitva tvoja i almuštva tvoja spomenjena jesu pred Bogom. 32. Pošlji anda vu Jope i dozovi Šimuna koj se zove Peter. Ov stanuje vu hiži Šimuna kožara poleg morja.ʼ 33. Sproti anda poslal sem k tebi i ti si dobro činil da si došel. Vezda anda vsi mi v nazočnosti tvojoj jesmo da posluhnemo vsa koja goder tebi zapovedana jesu od Gospona.“ 34. Otprvši pako Peter vusta svoja, rekel je: „Vu istini nahađam da Bog neje osob prijetnik, 35. nego vu vsakem narodu koj se boji njega i čini pravicu prijeten je njemu. 36. Reč poslal je Bog sinom izraelskem nazveščajuči mir po Ježušu Krištušu (ov je vseh Gospon). 37. Vi znate kakva se je reč po vsoj Judeji razglasila ar se je započela vu Galileji po krstu kojega je nazveščal Ivan. Mat 4,12–17. 38. Kak je Bog njega, Ježuša od Nazareta, z Duhom Svetem i krepostjum namazal, koj je ophađal dobro činiti i zvračil vse koji su bili od vraga opseđeni ar Bog je bil z njim. 39. I mi smo svedoki vseh koja on je včinil vu židovskem orsagu i vu Jeruzalemu i da su njega vmorili pokehdob su ga na drevo obesili. 40. Ovoga je Bog tretji dan obudil i dal mu se je iskati. 41. Ne vsemu ljudstvu, nego od Boga predodređenem svedokom, nam koji smo z njim jeli i pili poklamkak se je od mrtvih gore stal. 42. I on je nam zapovedal prodekuvati ljudstvu i svedočiti da je on taj isti koj određen je od Boga za suca živeh i mrtveh. Mat 25,31. 43. Ovomu vsi proroki davaju svedočanstvo da vsi koji vu njega veruju, po njegovem imenu zadobiju otpuščenje grehov.“ Jer 31,34. 44. Doklam bi jošče Peter govoril ove reči, najenput se je spustil Duh Sveti zvrhu vseh koji su poslušali reč. 45. I verni iz obrezavanja koji su bili došli z Petrom jesu se osupnuli da se je takaj zvrhu poganinov milošča Duha Svetoga razlejala. 46. Ar su čuli nje govoriti jezike i Boga velikodičiti. Gore 2,4. 47. Onda Peter odgovori: „Je li more gdo zabraniti vodu da se ne okrstiju ovi koji su prijeli Svetoga Duha kak i mi? “ 48. I on je zapovedal da se okrstiju vu imenu Gospona Ježuša Krištuša. Onda su ga prosili da bi pri njih nekuliko dnevov ostal. ↩︎
*
Versio Carn. Kak je Bog Ježuša od Nazareta z Svetem Duhom i močjum namazal, koj ophađal etc: ut supra. ↩︎