Del V.

1. Stareše^*Razmevaju se redovniki i pod ovem istem imenom više puti takaj biškupi (Tit 1,5). anda koji jesu med vami prosim ja za to,^*Zaradi približavanja suda (gore 4,17 sl.). kakti njihov skupstareši i svedok trplenj Krištuša,^*V. Čin ap 1,22. koj je takaj skupdelnik one dike koja se buduč bude očituvala:^*V. Rim 8,18.
2. pasete vam izručenu čredu Božju i opskrbljujte nju, ne iz primarjanja, nego dobrovoljno, poleg božanske volje,^*Tak kak Bog hoče i neg samo zaradi Boga. ne za grdoga dobička volju, nego iz ljubavi!^*Vu pravem znamenuvanju ‘dobrovoljno’, istinski sloboden pako je samo ljubeči.
3. Ne kakti koji gospoduju nad odvečinum (Boga), nego koji jesu postali pelda čredi iz srca.^*Ne kakti takvi koji nezdušno, svojvoljno i tvrdokorno baračeju z pravovernemi, nego njim služiju poleg božanske volje ter po služečoj, srčeni ljubavi jesu postali pelda celoj čredi. Pravoverni imenuju se odvečtvo, lastovitost božanska kajti nje sebi po svojoj krvi je prikupil Krištuš za svoju lastovitost. Gore 2,9. Zvrhu služeče ljubavi, na koju se krščanski nadstojniki zavežuju, v. Mat 20,25; Jan 13.15. sl.
4. I kada se iskaže poglavar pastirov, budete prijeli nepovehnjenu dike korunu.
5. Spodobno vi, mlajši,^*Ovak se zoveju svetski gledeč na biškupe i redovnike (stareše). V. Čin apošt 11. Drugi razmevaju evangelištare (dijakonuše). Čin apošt 5,6. budite podložni starešem, vsi pako med sobum očitujte poniznost^*Vu grčkem: vsi se pako jeden drugomu podvrzite i kinčete z poniznostjum. ar se Bog suprotstavlja gizdavem, poniznem pako daje milošču. Jak 4,6.10.
6. Ponizujte se anda pod mogučnu ruku Božju^*V. gore 4,17. da vas izvisi ob vremenu pohađanja^*Kada na sud dojde. Vu grčkem: vu (odlučenem) vremenu..
7. Vsu vašu skrb spustete na njega ar se on skrbi za vas.
8. Budite trezni i skoznujte ar vaš suprotivnik, vrag, ophađa kakti ručeči oroslan i išče koga bi požrl.^*V. Job 1,7.
9. Ovomu se jaki vu veri suprotstavete i znajte da se ovo isto traplenje takaj događa vašoj bratji, bila gde goder na svetu. Efez 6,12. sl.
10. Bog pako vse milošče, koj je nas po Ježušu Krištušu pozval vu svoju vekivečnu diku, naj vas, koji sada kratek čas trpite, dovrši, objači i vtrdi.^*Nad tvrdem temeljom i vugelnem kamenom Ježušem (V. gore 2,4).
11. Njemu budi dika i zmožnost od veka do veka. Amen.
12. Po Silvanušu, vernem bratu, kak ja sudim, jesem vam nakratkom pisal da vas opomenem i opsvedočim da ova je prava milošča božanska vu kojoj stojite.^*Pravo zveličenja određenje vu kojem se vi nahađate. Od Silvanuša (V. Čin apošt 15,22,27,34,40).
13. Pozdravalja vas ta z vami v red odebrana skupčina vu Babilonu^*Vu Rimu. V. opis živlenja svetoga Petra. i Marko, moj sin.^*Evangelišta kojega sveti Petar, kajti od njega je bil podvučen vu krščanskoj veri ter tak od njega duhovnem načinom porođen, imenuje svojem sinom.
14. Pozdravete se med sobum z svetem kušcom!^*V. Rim 16,16. Vu grčkem: z kuščcom ljubavi. Milošča^*Vu grčkem: mir. budi vsem vam koji jesu vu Krištušu Ježušu! Amen.

Objašnjenje

• *
  Razmevaju se redovniki i pod ovem istem imenom više puti takaj biškupi (Tit 1,5). ↩︎
• *
  Zaradi približavanja suda (gore 4,17 sl.). ↩︎
• *
  V. Čin ap 1,22. ↩︎
• *
  V. Rim 8,18. ↩︎
• *
  Tak kak Bog hoče i neg samo zaradi Boga. ↩︎
• *
  Vu pravem znamenuvanju ‘dobrovoljno’, istinski sloboden pako je samo ljubeči. ↩︎
• *
  Ne kakti takvi koji nezdušno, svojvoljno i tvrdokorno baračeju z pravovernemi, nego njim služiju poleg božanske volje ter po služečoj, srčeni ljubavi jesu postali pelda celoj čredi. Pravoverni imenuju se odvečtvo, lastovitost božanska kajti nje sebi po svojoj krvi je prikupil Krištuš za svoju lastovitost. Gore 2,9. Zvrhu služeče ljubavi, na koju se krščanski nadstojniki zavežuju, v. Mat 20,25; Jan 13.15. sl. ↩︎
• *
  Ovak se zoveju svetski gledeč na biškupe i redovnike (stareše). V. Čin apošt 11. Drugi razmevaju evangelištare (dijakonuše). Čin apošt 5,6. ↩︎
• *
  Vu grčkem: vsi se pako jeden drugomu podvrzite i kinčete z poniznostjum. ↩︎
• *
  V. gore 4,17. ↩︎
• *
  Kada na sud dojde. Vu grčkem: vu (odlučenem) vremenu. ↩︎
• *
  V. Job 1,7. ↩︎
• *
  Nad tvrdem temeljom i vugelnem kamenom Ježušem (V. gore 2,4). ↩︎
• *
  Pravo zveličenja određenje vu kojem se vi nahađate. Od Silvanuša (V. Čin apošt 15,22,27,34,40). ↩︎
• *
  Vu Rimu. V. opis živlenja svetoga Petra. ↩︎
• *
  Evangelišta kojega sveti Petar, kajti od njega je bil podvučen vu krščanskoj veri ter tak od njega duhovnem načinom porođen, imenuje svojem sinom. ↩︎
• *
  V. Rim 16,16. Vu grčkem: z kuščcom ljubavi. ↩︎
• *
  Vu grčkem: mir. ↩︎