Booz obeča Ruti dužni zakon ako li se ona ne bi za kojega bližnešega rođaka vdala.
- Poklamkam bi se ona ipak k svojoj svekrvi bila povrnula, je od nje čula: „Moja kči, ja hoču tebi iskazati pokoj i skrbeti se da se tebi bude dobro godilo.
- Ov Booz, kojeg deklam se ti jesi pridružuvala, je naš rođak i ovu noč bude dole na guvnu jačmen vejal.
- Hodi se anda kupat i namaži se z dišučum mastjum i obleci tvoju lepu opravu i hodi dole na guvno i ne daj se videti človeku dok ne prestane jesti i piti.
- I kada pojde spat, zapameti sebi mesto na kojem spi i tam se približaj i odgrni plašč z kojem je pri nogah pokrit i tam se vlezi ter ostani ovde ležeč. I on sam bude tebi povedal kaj imaš činiti.
- I ona odgovori: „Vse kaj ti meni zapovedaš, budem včinila.“
- I ona je dole išla na guvno i je včinila vse kaj je njoj svekrva zapovedala.
- I kad bi se Booz bil najel i napil ter dobre volje bil postal i vlegel se spat vuz kup snopja, došla je ona skrovce i odgrnula plašč od njegveh nog ter se je vlegla.*Ako se Noemin tolnač, kojega je Rut vu činu zvršila, premišljava z telovnemi očmi, ne pazeč na okolnosti, tak se vidi zevsema nečeden i nedostojen. Ali ako se pretreseju nazočne okolnosti i namenenje, tak se vsa čisto drugač iskažuju (Ambr.) Zakon iz dužnosti (v. gore d. 1, p. 5) je bil pri Židovih zapovedan i je se mogel segurno iskati. Anda Noemi ni imala krivo ako je ona Ruti svetuvala da se z Boozom, kakti jedinem i najbližuješem rođakom, išče pozakoniti. Da je pako njoj svetuvala njega na to v noči pozvati, to je ona včinila iz premišljenosti ar se je ona nadejala da se dobrostoječi i vre dobni Booz ne bude tak lehko odlučil siromašku Rutu vzeti ako li ne bude na kakov nedužni način nenadejano zavjet i ako na to ne bude genjen po ženski prostoči koja jeden zvunredni, akoprem dobro namišljeni korak iz čistoga namenenja čini. Niti se Noemi to ne more spočitati da je ona Rutu i Booza vu grešenja pogibel bila postavila ar njoj je bilo zevsema dobro znana skušana krepost njejine snehe i mudra Booza zresnost, niti se ni imala bojati da bi oni veru i čednost zapostavili, kak to ishodek pokažuje.
- I nut vre ob pol noči prestraši se človek i zmuti ar je videl ženu pri svojeh nogah ležati.
- I on reče njoj: „Gdo si ti?“, a ona odgovori: „Ja jesem Rut, tvoja službenica. Prestri tvoj plašč zvrhu tvoje službenice*Poruči se z menum! Štima se da je ovo poručenje bilo navadno. Prisp. Ezek 16,8. ar ti jesi moj rođak.“*Ti jesi dužen pokojnjemu obuditi odvetek. V. gore d. 1, p. 5.
- I on reče: „Blagoslovljena jesi ti, moja kči, od Gospona ar tvoju prvešu milosrdnost*Koju ti jesi tvojemu mužu i tvojoj svekrvi iskazala. je nadladala poslednja pokehdob nesi hodila za mladenci niti za siromaškemi niti za bogatemi.*Nego zakon iz dužnosti iščeš da spomenek tvojega muža obudiš i njegvo pleme rasplodiš.
- Naj se anda bojati, nego kaj goder meni poveš, hoču ja tebi včiniti ar ves puk koj med vratmi mojega varaša stanuje zna da ti jesi kreposna žena.
- Takaj ne tajim ja da ja jesem tvoj rođak, ali je jeden drugi jošče bližnješi vu rodu.
- Samo počivaj ovu noč i ako on tebe vu jutro primerom rodbinstva pravice hoče vzeti, tak je to dugovanje dobro opravljeno. Ako pako on tebe ne bi hotel, tak ja tebe prez vsakoga premišljavanja vzemem kak istinski Gospon žive. Samo spi do jutra.“
- I ona je spala pri njegveh nogah tja dok je noč minula. I ona se je stala predi nego bi se ljudi jeden drugoga prepoznati bili mogli i Booz reče: „Pazi, da gdo ne zezve da ti jesi sim došla!“
- I on je jošče nadalje rekel: „Rasprestri tvoj plašč, z kojem jesi odevena, i drži njega z obodvemi rukami.“ I ona je njega razgrnula i držala i on je šest meric jačmena nameril i nje na nju položil. I ona je nje nesla i išla vu varaš
- i došla k svojoj svekrvi. Ova pako je njoj rekla: „Kaj si opravila, moja kči?“ I ona je njoj vse povedala kaj je njoj ov človek včinil.
- I ona reče: „Nut, on je meni šest mer jačmena dal i rekel: ʻJa neču da bi se ti k tvojoj svekrvi prazna povrnula.ʼ“
- I reče Noemi: „Čekaj, moja kči, da vidimo kaj za jeden konec bude to dugovanje imelo ar ov človek ne bude sebi dal mira doklam goder ne ispuni vse kaj je govoril.“
Objašnjenje
- *Ako se Noemin tolnač, kojega je Rut vu činu zvršila, premišljava z telovnemi očmi, ne pazeč na okolnosti, tak se vidi zevsema nečeden i nedostojen. Ali ako se pretreseju nazočne okolnosti i namenenje, tak se vsa čisto drugač iskažuju (Ambr.) Zakon iz dužnosti (v. gore d. 1, p. 5) je bil pri Židovih zapovedan i je se mogel segurno iskati. Anda Noemi ni imala krivo ako je ona Ruti svetuvala da se z Boozom, kakti jedinem i najbližuješem rođakom, išče pozakoniti. Da je pako njoj svetuvala njega na to v noči pozvati, to je ona včinila iz premišljenosti ar se je ona nadejala da se dobrostoječi i vre dobni Booz ne bude tak lehko odlučil siromašku Rutu vzeti ako li ne bude na kakov nedužni način nenadejano zavjet i ako na to ne bude genjen po ženski prostoči koja jeden zvunredni, akoprem dobro namišljeni korak iz čistoga namenenja čini. Niti se Noemi to ne more spočitati da je ona Rutu i Booza vu grešenja pogibel bila postavila ar njoj je bilo zevsema dobro znana skušana krepost njejine snehe i mudra Booza zresnost, niti se ni imala bojati da bi oni veru i čednost zapostavili, kak to ishodek pokažuje. ↩︎
- *Poruči se z menum! Štima se da je ovo poručenje bilo navadno. Prisp. Ezek 16,8. ↩︎
- *Ti jesi dužen pokojnjemu obuditi odvetek. V. gore d. 1, p. 5. ↩︎
- *Koju ti jesi tvojemu mužu i tvojoj svekrvi iskazala. ↩︎
- *Nego zakon iz dužnosti iščeš da spomenek tvojega muža obudiš i njegvo pleme rasplodiš. ↩︎
