Knjiga Rute

Ova knjiga Rute naprvostavlja stanoviti dogođaj iz vremen Sucev. Njejin cilj je navlastito ov da rodoslov Judaševoga pokolenja, iz kojega se je rodil Mesijaš, podugša tja do Davida ter da ispiše siromaške, ništarmanje vendar plemenite, korenične roditelje ovoga izvišenoga vojvode koj takaj vu tom je bil pelda onoga koj je vu najvekšem siromaštvu došel na svet da siromakom prodekuje evangelijum. Ov dogođaj koj je jeden zmed najvugodnešeh pripovestih celega Svetoga pisma je, kak se štima, Samuel popisal.