Del III.

1. Pravičneh pako duše jesu vu Božji ruki i njih se muka (vekivečne) smrti ne dotikava.^*Hudobni preganjaju pravične tja do smrti, ali oni jesu pod božanskum obrambum i, premda vumiraju, tak vendar smrt za nje nema nikaj žuhkoga. Katolička Cirkva prilaže ove, a navlastito mahom sledeče (r. 2. –10.) reči na obladanje i vekivečnu plaču svetem mučenikom. 5Moj 33, 3. Dole 5,4.
2. Oni vu očjah nespametneh jesu se videli vumirati i njihovo preminenje je bilo držano za traplenje
3. i njihovo lučenje od nas za pogublenje, ali oni jesu vu miru.^*Oni se čutiju obatrivljene gledeč na njihovo naplačenje vu budučem živlenju.
4. I premda oni od ljudih trpiju muke, tak vendar njihovo ufanje na nevmrtelnost je obilno.^*Tak se oni ufaju obilne (blažene) nevmrtelnosti.
5. Jedno malo^*To je: kratek čas i z malemi vu prispodablanju naveke trpečeh veselj. Rim 8,18. budu trapljeni, ali vnogo dobra budeju prijeli. Ar Bog skušava nje i nahađa nje sebe vredne.
6. On nje kakti zlato vu peči zveđa^*Čisti. i nje kakti žarni aldov^*To je: zevsema, zvršeno. Žarni aldov razlučava se od pokore i mirnoga aldova vu tom da se je on ves zežgal na znamenje da on koj njega daruje, zevsema se predaje Bogu. Sveti mučeniki koji jesu Bogu telo i dušu alduvali jesu bili pravi žarni aldov. prijemlje i ob svojem vremenu bude se na nje gledalo.^*Kada vreme naplačenja, navlastito Opčinski sud, nadođe, onda oni budeju prijeli svoju plaču.
7. Pravični budu se svetili i kakti iskrice budu med trstinum sim tam dukali.^*Na Sudnji dan budeju se pravični razjasnjeni i zvrhu hudobneh ladajuči iskazali i kakti vu suhi trstini požrljivi plamen. V. Zak 12,16; Mat 13,43.
8. Oni budu sudili narode i zvrhu pukov gospoduvali^*Lastovito je božanski zakon koj hudobne sudi pokehdob pako pravični vu svojem živlenju jesu zvršavali i izopčuvali ov zakon   –  zato se pobožni moreju reči suci hudobneh. Ova ista misel nahađa se pri svetem Mateju 19,28, vu Knj Očit 3,21. i Gospon bude njihov kralj naveke. 1Kor 6,2.
9. Koji se vu njega ufaju, budeju spoznali njegvu istinu^*Budeju se navčili razmeti ali budeju spoznali da on drži reč. i koji jesu vu ljubavi verni, budeju njemu pokorni^*Budeju njegov puk postali. ar milošču i mir zadobivaju njegvi izebrani.^*Pravični (zaufajuči se i ljubeči) budeju prijeli ono kaj je on obečal i budeju postali njegov puk ter milošče i mira (blaženstva vekivečnoga) budeju postali delniki.
10. Hudobni pako budeju kaštigani primerom svojeh mišlenj^*Poleg njihovoga mišlenja načina. To je: kajti jesu tajili nevmrtelnost ter se vre na Zemlji od Boga i njegveh pravičneh odružuvali, budeju zaisto z vekivečnum smrtjum preminuli i naveke od Boga i njegveh sveteh odlučeni. kajti nesu marali za pravičnoga ter jesu odstupili od Gospona.
11. Ar koj zameče mudrost i navuk, je nesrečen i ufanje takoveh ljudih je prazno i njihovi trudi jesu prez napretka i njihova dela nehasnovita.^*Oni se niti ovde niti onde nikaj nemaju ufati. Oni niti za vreme niti za vekivečnost kaj istinski hasnovitoga, stalnoga doprinašaju.
12. Njihove žene jesu bedaste,^*Iz Boga pozabljive, na peldu svojeh tovarušev (V. Šolt 13,1) nesramne (Prir 9,13) i lotriške (r. 13,16). a njihova deca kruto hmanja.
13. Njihovo pokolenje je prokleto^*To je: nesrečno kakti vu grehih prijeto i othranjeno. ar srečna je neplodna i neoskrunjena^*To je: jošče srečneši je nezakonski koj od takveh grehov nikaj ne zna nego kakva vu razvuzdanosti i lotruvanju živuča žena. koja za postelju vu grehu nikaj ne zna; ona bude prijela svoju plaču kada se svetem dušam bude vračalo.^*Kada svete duše (na Opčinskem sudu) budu pohođene.
14. I (srečen je) škopljenec koj z svojemi rukami nikakve ne čini hudobnosti niti prot Bogu nikaj hmanjega ne misli. Ar on za svoju vernost bude zadobil izebrani dar i vu Božji cirkvi najprijetneši del.^*Škopljenec je jošče srečneši nego hudobni muž ar škopljenec, akoprem je na Zemlji za cirkvenu službu neprikladen (5Moj 23,1), bude vu Božji cirkvi, vu Nebesih, ako nedužno, Bogu dopadno živlenje sprevađa, osebujno naplačenje prijel. Iza 56,3.4. Poleg nekojeh tolnačitelov zvišava se vu oveh dveh redih kak i vu d. 2., 1. vu opčinskem nezakonski stališ. Akoprem se skupzvezek z njim malo kaj slaže, tak se to vendar vu slovnem znamenuvanju, navlastito vu našem dijačkem prenašanju, dopušča zbog česa takaj Cirkva na to gledeč krščanske divojke vu redovničkeh dnevočasnicah imenuje neoskrunjene koje za grešnu postelju nikaj ne znaju. Zakonska postelja imenuje se grešna nakuliko se najmre vu nji sveta pokvarjenje vsevdilj dalje rasploduje.
15. Ar dobra dela doprinašaju odičen sad i koren mudrosti ne vsuši se.
16. Deca pako lotrišev budu se pokvarila i seme iz nezakonske postelje bude se zatrlo.
17. I akoprem ona^*Takva deca koja svoje lotrišne roditelje vu hudobnosti nasleduju. dugo živeju, budeju vendar za nikaj držana i njihova velika starost bude k zadnjemu prez poštenja.
18. Ako pako naskorom vumreju, tak nikakvo ufanje ne budeju imela niti pregovor na Dan suda.^*Nikakvo pregovorenje na Dan spoznavavca. Opravičenje na Dan suda imenuje se vu Svetem pismu „spoznavanje“. V. Mat 7,23.
19. Ar pokolenje krivičnoga prime nesrečen konec.

Objašnjenje

• *
  Hudobni preganjaju pravične tja do smrti, ali oni jesu pod božanskum obrambum i, premda vumiraju, tak vendar smrt za nje nema nikaj žuhkoga. Katolička Cirkva prilaže ove, a navlastito mahom sledeče (r. 2. –10.) reči na obladanje i vekivečnu plaču svetem mučenikom. ↩︎
• *
  Oni se čutiju obatrivljene gledeč na njihovo naplačenje vu budučem živlenju. ↩︎
• *
  Tak se oni ufaju obilne (blažene) nevmrtelnosti. ↩︎
• *
  To je: kratek čas i z malemi vu prispodablanju naveke trpečeh veselj. Rim 8,18. ↩︎
• *
  Čisti. ↩︎
• *
  To je: zevsema, zvršeno. Žarni aldov razlučava se od pokore i mirnoga aldova vu tom da se je on ves zežgal na znamenje da on koj njega daruje, zevsema se predaje Bogu. Sveti mučeniki koji jesu Bogu telo i dušu alduvali jesu bili pravi žarni aldov. ↩︎
• *
  Kada vreme naplačenja, navlastito Opčinski sud, nadođe, onda oni budeju prijeli svoju plaču. ↩︎
• *
  Na Sudnji dan budeju se pravični razjasnjeni i zvrhu hudobneh ladajuči iskazali i kakti vu suhi trstini požrljivi plamen. V. Zak 12,16; Mat 13,43. ↩︎
• *
  Lastovito je božanski zakon koj hudobne sudi pokehdob pako pravični vu svojem živlenju jesu zvršavali i izopčuvali ov zakon   –  zato se pobožni moreju reči suci hudobneh. Ova ista misel nahađa se pri svetem Mateju 19,28, vu Knj Očit 3,21. ↩︎
• *
  Budeju se navčili razmeti ali budeju spoznali da on drži reč. ↩︎
• *
  Budeju njegov puk postali. ↩︎
• *
  Pravični (zaufajuči se i ljubeči) budeju prijeli ono kaj je on obečal i budeju postali njegov puk ter milošče i mira (blaženstva vekivečnoga) budeju postali delniki. ↩︎
• *
  Poleg njihovoga mišlenja načina. To je: kajti jesu tajili nevmrtelnost ter se vre na Zemlji od Boga i njegveh pravičneh odružuvali, budeju zaisto z vekivečnum smrtjum preminuli i naveke od Boga i njegveh sveteh odlučeni. ↩︎
• *
  Oni se niti ovde niti onde nikaj nemaju ufati. Oni niti za vreme niti za vekivečnost kaj istinski hasnovitoga, stalnoga doprinašaju. ↩︎
• *
  Iz Boga pozabljive, na peldu svojeh tovarušev (V. Šolt 13,1) nesramne (Prir 9,13) i lotriške (r. 13,16). ↩︎
• *
  To je: nesrečno kakti vu grehih prijeto i othranjeno. ↩︎
• *
  To je: jošče srečneši je nezakonski koj od takveh grehov nikaj ne zna nego kakva vu razvuzdanosti i lotruvanju živuča žena. ↩︎
• *
  Kada svete duše (na Opčinskem sudu) budu pohođene. ↩︎
• *
  Škopljenec je jošče srečneši nego hudobni muž ar škopljenec, akoprem je na Zemlji za cirkvenu službu neprikladen (5Moj 23,1), bude vu Božji cirkvi, vu Nebesih, ako nedužno, Bogu dopadno živlenje sprevađa, osebujno naplačenje prijel. Iza 56,3.4. Poleg nekojeh tolnačitelov zvišava se vu oveh dveh redih kak i vu d. 2., 1. vu opčinskem nezakonski stališ. Akoprem se skupzvezek z njim malo kaj slaže, tak se to vendar vu slovnem znamenuvanju, navlastito vu našem dijačkem prenašanju, dopušča zbog česa takaj Cirkva na to gledeč krščanske divojke vu redovničkeh dnevočasnicah imenuje neoskrunjene koje za grešnu postelju nikaj ne znaju. Zakonska postelja imenuje se grešna nakuliko se najmre vu nji sveta pokvarjenje vsevdilj dalje rasploduje. ↩︎
• *
  Takva deca koja svoje lotrišne roditelje vu hudobnosti nasleduju. ↩︎
• *
  Nikakvo pregovorenje na Dan spoznavavca. Opravičenje na Dan suda imenuje se vu Svetem pismu „spoznavanje“. V. Mat 7,23. ↩︎