Del II.

1. Moj sinko, ako primeš moja govorenja i moje zapovedi pri sebi obdržiš
2. da tvoje vuho čuje mudrost, tak nakloni tvoje srce na spoznanje razbornosti.^*„Moj sinko“, veli mudri pisec, „ako ti moje reči vu tvoje srce primeš i shraniš da njim primerno budeš baratal, tak se trsi spoznati razbornost (mudrost) ar onda budeš nju ljubil, nju poslušal i njejine reči obdržaval.“
3. Ar ako ti mudrost zazoveš i tvoje srce k razbornosti nagneš,
4. ako ti nju iščeš kakti penez i nju kakti kinče skapaš,
5. onda budeš razmel Gosponov strah i budeš našel spoznanje Božje.^*Ako mudrost budeš iskal iz celoga srca, tak zadobiš sveti strah Božji koj je početek mudrosti, dapače istom mudrost.
6. Ar Gospon podeljuje mudrost i iz njegveh vust ishađa razbornost i znanje.
7. On bude pravednem začuval zveličenje i branil one koji vu priprostoči^*Vu nedužnosti, pobožnosti. hodiju,
8. on zdržava steze pravičnosti i čuva pute sveteh.^*Bog po svojoj mudrosti brani pravične i nje pelja vu brodišče zveličenja pokehdob njim podeljuje moč skušavanja i pogibeli obladati vu kojeh bedaki pogiblju. On nje pelja k cilju pokehdob nje ne pušča od puta pravičnosti i svetosti odstupiti.
9. Onda^*Ako ti Boga jesi nazval za mudrost. budeš pravicu i sud, pravednost i vsaku dobru stezu razmel.^*Vse ove reči jednoisto znamenuju: onda budeš ti spoznal kaj je prav i včinil.
10. Ako mudrost stupi vu tvoje srce i znanje dopadne se tvojoj duši,
11. tak dober tolnač bude čuval tebe i razbornost bude zdržavala tebe^*Ako prava mudrost prevzeme tvoje srce, onda imaš dobroga tolnačnika koj vuči vse pogibeli naprvo videti i odvrnuti.
12. da se izbaviš iz hman puta^*Greha i nesreče. i od človeka koj opaka govori,^*Od vkanljiveh i šegaveh ljudih koji pobožnem na pogublenje služiju. Žid 12,5; skr. viđ. 3,19,
13. od oneh koji pravi put zapuščaju i hodiju po temneh putih,
14. koji se veseliju kada zlo činiju i raduju se zvrhu najhudobnešeh stvarih,
15. kojeh puti jesu hmanji i njihovi koračaji nepošteni,^*Od zapovedi odvračljivi.
16. da se izbaviš od tuđe žene i od stranjske koja prilizno govori
17. i zapušča vođu svoje mladosti^*Koj je njejin tovaruš od mladosti.
18. i koja se je spozabila iz zaveza svojega Boga,^*Iz hižnoga zakona ali pak iz vere zakona. ar njejina hiža je se nagnula k smrti^*Približava se k smrti, vodi k njoj. i njejine steze k peklu,
19. vsi koji k njoj vlezuju več se ne povračaju, niti na steze živlenja ne budu stupili.^*Teško ali nigdar se ne obračaju, niti nesu stalni na putu istine i kreposti.
20. Da hodiš po dobrem putu i ne odstupiš od steze pravičneh!
21. Ar koji jesu pravični, stanuju na zemlji^*Na Zemlji obečanja za naplačanje, i razmeva se takaj vekivečno blaženstvo od kojega zemlja Kanan je bila pelda. i priprosti budu na njoj ostali,
22. nepobožnjaki pako od zemlje pogineju, i koji krivo činiju, iz nje budu oteti.

Objašnjenje

• *
  „Moj sinko“, veli mudri pisec, „ako ti moje reči vu tvoje srce primeš i shraniš da njim primerno budeš baratal, tak se trsi spoznati razbornost (mudrost) ar onda budeš nju ljubil, nju poslušal i njejine reči obdržaval.“ ↩︎
• *
  Ako mudrost budeš iskal iz celoga srca, tak zadobiš sveti strah Božji koj je početek mudrosti, dapače istom mudrost. ↩︎
• *
  Vu nedužnosti, pobožnosti. ↩︎
• *
  Bog po svojoj mudrosti brani pravične i nje pelja vu brodišče zveličenja pokehdob njim podeljuje moč skušavanja i pogibeli obladati vu kojeh bedaki pogiblju. On nje pelja k cilju pokehdob nje ne pušča od puta pravičnosti i svetosti odstupiti. ↩︎
• *
  Ako ti Boga jesi nazval za mudrost. ↩︎
• *
  Vse ove reči jednoisto znamenuju: onda budeš ti spoznal kaj je prav i včinil. ↩︎
• *
  Ako prava mudrost prevzeme tvoje srce, onda imaš dobroga tolnačnika koj vuči vse pogibeli naprvo videti i odvrnuti. ↩︎
• *
  Greha i nesreče. ↩︎
• *
  Od vkanljiveh i šegaveh ljudih koji pobožnem na pogublenje služiju. ↩︎
• *
  Od zapovedi odvračljivi. ↩︎
• *
  Koj je njejin tovaruš od mladosti. ↩︎
• *
  Iz hižnoga zakona ali pak iz vere zakona. ↩︎
• *
  Približava se k smrti, vodi k njoj. ↩︎
• *
  Teško ali nigdar se ne obračaju, niti nesu stalni na putu istine i kreposti. ↩︎
• *
  Na Zemlji obečanja za naplačanje, i razmeva se takaj vekivečno blaženstvo od kojega zemlja Kanan je bila pelda. ↩︎