Del XVII.

1. Boljši je suh zalogaj z veseljem nego puna hiža krvotočneh aldovov^*Puna goščenj po aldovih. Po dovršeneh zahvalneh aldovih jesu se držala goščenja. V. gore 15,16. z svađum.
2. Muder sluga bude gospoduval nad bedastemi sinmi^*Bude od hiže gospodara za pazitela zvrhu bedasteh sinov postavljen. Ali: zvrhu sina koj čini sramotu. i med bratmi bude razdeljil odvečtvo.^*Po smrti hiže gospodara razdeljuje imetek med brate, ali takaj sam dobiva del kakti brat. Ov izgovor vuči da mudrost ima vekšu cenu nego sloboščina i bogatstvo. V. Cirkv 10,28. Cirkv 10,28.
3. Kak se srebro vu ognju i zlato vu peči zveđa, ovak Gospon zveđa srca.^*Po ognju nevolj i suprotivščin. V. Cirkv 2,5.
4. Hmanji pokori se krivičnomu jeziku^*Čini kaj mu zločest človek svetuje. i vkanljivec podlaže se lažljivem vusnicam.^*Koje njega vučiju kak more druge vkanjuvati.
5. Koj zameče vbogoga, spočitava njegvomu Stvoritelu i koj se veseli nad porušenjem drugoga, ne bude prez kaštige ostal. Gore 14,11.
6. Koruna stareh jesu sini sinov, i dika sinov jesu njihovi oci.
7. Za bedaka ne pristojiju se složne reči, niti za poglavara lažljive vusnice.^*Laž, veli poganinski mudroznanec Arištoteleš, je zloča sužnjev. Anda jako nepristojna je bila prisega za grčke kralje, pri zastuplenju kraljevske stolice, da budu vsigdar istinu govorili. Štima se pako da ova prisega je bila vpeljana onda stoprv kada vu grčki zemlji vse dobro držanje natuliko je bilo prepalo da stara navada Grkov lagati je postala opčinska zloča koja je bila vse vrsti stališta, spola i dobe ljudi vu grčki zemlji prevzela.
8. Ono kaj se željno čaka je prijetno kakti dragi kamen,^*Željno dugovanje je kakti dragi kamen vu očih poželjujučega. kam se goder takov obrne, razumno barače.^*Da ne bude vkanjen vu svojoj želji. Ov izgovor more se prilagoditi želji za Božjem kraljestvom koje imenuje se đunđ. Koj vu sebi čuti želju za nebeskem kraljestvom, on dobro pazi da vsigdar tak barače da vu svojem ufanju ne postane vkanjen.
9. Koj (drugeh) pregreške zakriva, išče prijatelstvo, koj drugač govori nego je bilo govorjeno, razdvaja združene.^*Koj falinge ali zbantuvanja sebi ali drugem zavdana zamuči i oprašča, zdržava prijatelski zavez, koj pako falinge razglašuje i ne oprašča, rastrgava prijatelstva zavez.
10. Pri mudrem več hasni pokaranje nego pri bedaku sto vudarcov.
11. Hmanji išče zmir svađe,^*Punte, osavlanja. ali nemilostiven angel bude proti njemu poslan.^*Bog bude hudoga angela na njegvo kaštiganje poslal.
12. Bolje se je zestati z medvedicum kojoj jesu oteti mladi, nego z bedakom koj se zanaša na svoju norost.^*Pogibelneše je puščati se z bedakom sebe iznašajučem nego z razdraženum divjum zverjum.
13. Od hiže onoga koj dobro z zlem povrača, ne bude odstupila nesreča. Rim 12,17; 2Tesal 5,15; 1Petr 3,9.
14. Koj vodu otpušča, je početnik svađe^*Koj vodu z ljudskem kvarom spušča na svoje polje, dohađa z svojemi susedi vu pravde (v. Moj 26,20). Ovakov pako naj se ne da na sud zvati kajti bi mogel odonud z osramočenjem oditi, nego se z zbantuvanem naj dobrovoljno pogodi. i prvlje nego vu osramotenje vpadne, naj zapusti sud.
15. Koj opravičuje hudobnoga i opsuđuje pravičnoga, obodva jesu Bogu odurni. Izai 5,23.
16. Kaj hasni bedaku bogatstvo imati pokehdob ne more kupiti mudrost?^*K čemu je kupovna cena vu rukah bedaka? Je li morebiti da si kupi mudrost? Vendar mu k tomu menjka razuma (prikladnosti). Koj svoju hižu preveč visoko ziđe, išče podrtinu i koj se ogiblje podvučenju, opadne vu nesreču.

17. Koj je prijatel, ljubi vsigdar i brat spoznaje se vu stiski.
18. Bedak pleska z rukami kada za svojega prijatela postane poruk.^*Človek prez pameti mahom pruži ruku na obečanje i postaje poruk za drugoga.
19. Koj nesloge snuje, ljubi svađe i koj izvišuje svoja vrata, išče podrtinu.^*Vrata svojeh vust (v. Šolt 140,3; Mik 7,3) z naglem i svadljivem suprotgovorenjem otpira.
20. Koj je spačenoga srca, ne bude nikaj dobra našel i koj prevrača jezik,^*Koj sumljivo, dvojjezičljivo govori. prepadne vu zlo.
21. Bedak je na svoju sramotu rođen, ali niti otec ne more nad bedakom veselje imati.
22. Veselo srce čini cvetuču starost, žalosni duh kosti posuši. Gore 15,13; 16,24.
23. Nepobožen^*Krivičen sudec. jemlje dare iz naručaja^*Dare koje on koj hoče podmititi zakriva vu svojem naručaju. da put pravice prevrne.
24. Na obrazu razumnoga sveti se mudrost, oči bedakov bludiju do krajov zemlje.^*Muder človek ima miren, seguren pogled, a bedak ima nemirnoga, nestalnoga i zmir iz jednoga na drugo mesto zbrivajučega pogleda. Cirkv 2,14; 8,1.
25. Bedast sin je ocu na srditost, a na žalost materi koja je njega porodila.
26. Ni dobro^*Zlo je. pravičnomu škode načiniti niti poglavara zbantuvati^*Zbantuvati zaradi pravice. koj pravično sudi.
27. Koj vu svojem govorenju meru drži, je vučen i muder, i preštimanoga duha je vučen človek. Jak 1,9.
28. Takaj bedak, ako bude mučal, bude za mudroga držan, i za razumnoga ako svoje vusnice skup stisne.

Objašnjenje

• *
  Puna goščenj po aldovih. Po dovršeneh zahvalneh aldovih jesu se držala goščenja. V. gore 15,16. ↩︎
• *
  Bude od hiže gospodara za pazitela zvrhu bedasteh sinov postavljen. Ali: zvrhu sina koj čini sramotu. ↩︎
• *
  Po smrti hiže gospodara razdeljuje imetek med brate, ali takaj sam dobiva del kakti brat. Ov izgovor vuči da mudrost ima vekšu cenu nego sloboščina i bogatstvo. V. Cirkv 10,28. ↩︎
• *
  Po ognju nevolj i suprotivščin. V. Cirkv 2,5. ↩︎
• *
  Čini kaj mu zločest človek svetuje. ↩︎
• *
  Koje njega vučiju kak more druge vkanjuvati. ↩︎
• *
  Laž, veli poganinski mudroznanec Arištoteleš, je zloča sužnjev. Anda jako nepristojna je bila prisega za grčke kralje, pri zastuplenju kraljevske stolice, da budu vsigdar istinu govorili. Štima se pako da ova prisega je bila vpeljana onda stoprv kada vu grčki zemlji vse dobro držanje natuliko je bilo prepalo da stara navada Grkov lagati je postala opčinska zloča koja je bila vse vrsti stališta, spola i dobe ljudi vu grčki zemlji prevzela. ↩︎
• *
  Željno dugovanje je kakti dragi kamen vu očih poželjujučega. ↩︎
• *
  Da ne bude vkanjen vu svojoj želji. Ov izgovor more se prilagoditi želji za Božjem kraljestvom koje imenuje se đunđ. Koj vu sebi čuti želju za nebeskem kraljestvom, on dobro pazi da vsigdar tak barače da vu svojem ufanju ne postane vkanjen. ↩︎
• *
  Koj falinge ali zbantuvanja sebi ali drugem zavdana zamuči i oprašča, zdržava prijatelski zavez, koj pako falinge razglašuje i ne oprašča, rastrgava prijatelstva zavez. ↩︎
• *
  Punte, osavlanja. ↩︎
• *
  Bog bude hudoga angela na njegvo kaštiganje poslal. ↩︎
• *
  Pogibelneše je puščati se z bedakom sebe iznašajučem nego z razdraženum divjum zverjum. ↩︎
• *
  Koj vodu z ljudskem kvarom spušča na svoje polje, dohađa z svojemi susedi vu pravde (v. Moj 26,20). Ovakov pako naj se ne da na sud zvati kajti bi mogel odonud z osramočenjem oditi, nego se z zbantuvanem naj dobrovoljno pogodi. ↩︎
• *
  K čemu je kupovna cena vu rukah bedaka? Je li morebiti da si kupi mudrost? Vendar mu k tomu menjka razuma (prikladnosti). ↩︎
• *
  Človek prez pameti mahom pruži ruku na obečanje i postaje poruk za drugoga. ↩︎
• *
  Vrata svojeh vust (v. Šolt 140,3; Mik 7,3) z naglem i svadljivem suprotgovorenjem otpira. ↩︎
• *
  Koj sumljivo, dvojjezičljivo govori. ↩︎
• *
  Krivičen sudec. ↩︎
• *
  Dare koje on koj hoče podmititi zakriva vu svojem naručaju. ↩︎
• *
  Muder človek ima miren, seguren pogled, a bedak ima nemirnoga, nestalnoga i zmir iz jednoga na drugo mesto zbrivajučega pogleda. ↩︎
• *
  Zlo je. ↩︎
• *
  Zbantuvati zaradi pravice. ↩︎