- Davidov šoltar kada je pred sinom svojem Absolonom bežal. (2Knjig kralj 15.14)
III.
- Gospone, kak su se silno povnožali koji mene preganjaju, vnogi se suprot meni zdižeju!
- Vnogi veliju k duši moji: „Nikakove nima pomoči od Boga svojega!“
- Ali ti, o, Gospone, jesi pomočnik moj, ti si dika moja i povzdigajuči glavu moju.
- Ja sem naglas k Gosponu kričal i on me je od svoje svete gore posluhnul.
- Ja sem spal i tvrdno zaspal i vstal sem se kajti me je Gospon prijel.
- Ako li me več jezer ljudih opstre, ne budem se bojal. Vzdigni se, o, Gospone, reši me Bog moj!
- Ar si ti vse pobil koji se meni po krivici suprotstavljaju, ti si zube grešnikov razdrobil.
- Pri Bogu je pomoč i čez tvoje ljudstvo (o, Gospone) bude blagoslov tvoj.
