1.*Namesto k koncu čteje se pri Hebrejancih povsud pretpevec. K koncu v pesmih šoltar Davidov
IV.
2.*Žid. Vusliši me kada k tebi zovem, ti Bog pravice moje, ti si itd. Kada sem na pomoč zval, je mene Bog pravice moje posluhnul, ti si meni iz traplenja pomagal.
Smiluj se čez me i vusliši molitvu moju!
- Sini človečanski, kak dugo budete jošče teškoga srca? Zakaj ljubite čalarnost i iščete laž?
- I znajte da Gospon pravičnoga svojega čudnoga je činil. Gospon bude mene posluhnul kada budem k njemu kričal.
- Srdete se, ali najte grešiti. Kaj v srcah vašeg mislite, zvrhu toga se v spalnicah vašeh kajajte.
- Aldujte aldov pravice ter se na Gospona zaufajte. Vnogi vele: „Gdo nam kaj dobroga pokaže?“
7.*Žid. Gospone, poglej na nas z tvojemi milostivnemi očmi. Ti si zdavna srce moje razveselil. Gospone, ti si nas zdavna z tvojemi milostivnemi očmi pogledal, ti si srce moje z veseljem obdal.
- Kada si njihov žitek, vino i olje povnožal.
- Ja budem takaj v miru spal i počival.
- Ar si me ti, o, Gospone, osebujno v ufanju potvrdil.
Objašnjenje
- *Žid. Gospone, poglej na nas z tvojemi milostivnemi očmi. Ti si zdavna srce moje razveselil.
