- K koncu za onu koja odvečtvo zadobiva šoltar Davidov
V.
- Gospone, poslušaj reči moje i razmi kriča mojega!
- Pazi na glas molitve moje, kralj moj i Bog moj!
- Ar k tebi budem molil, vu jutro budeš ti, o, Gospone, glas moj posluhnul.
- Za jutra budem pred te stupil i (tebe) premišljaval ar ti si Bog koj neče krivice.
- Niti bude poleg tebe hudobni prebival, niti krivični budu pred očmi tvojemi opstali.
- Odurjavaš vse koji krivice činiju, budeš pogubil vse koji laž govoriju.
Človeka krvi želnoga i vkanljivoga bude oduril Gospon.
- Ja pako pojdem v obilnosti milosrdnosti tvoje v hižu tvoju, budem se pun straha tvojega tebi v svetoj cirkvi tvoji vklanjal.
- Gospone, vodi me v pravici tvoji! Zaradi neprijatelov mojeh ravnaj puta mojega pred licem tvojem.
- Ar vu vustah njihoveh ni istine i*Hebr. je sama hudobnost. srce njihovo je nečemurno.
- Grlo njihovo je kakti jeden otprt grob, z jeziki svojemi jesu vkanljivo baratali, sudi je, Bože!
Pod nikaj deni misli njihove, zavrži je zaradi obilnosti hudobih njihoveh ar su tebe, Gospone, rasrdili.
- I vsi koji se vu te ufaju, naj se veseliju, oni se budu naveke veselili i budeš med njimi prebival.
I vsi koji ime tvoje ljubiju, budu se z tobum hvalili.
- Ar ti budeš pravičnoga blagoslovil, Gospone! Ti si nas z tvojum dobrum voljum kakti ščitom opstrl.
Objašnjenje
- *Hebr. je sama hudobnost.
