Šoltar VI.

1. 1. K koncu, na citaru osmostrunu, za pevanje, Davidov šoltar

VI.

2. Gospone, vu ljutosti tvojoj ne karaj mene, niti vu srditosti tvoji kaštiguj mene.
3. Smiluj se meni, Gospone, ar mlahav jesem, zvrači me, Gospone, ar zmučeni jesu kotrigi moji.
4. I duša moja zburkana je jako, ali, ali ti, o, Gospone, kak dugo (budeš odvlačil pomagati)?
5. Gospone, obrni se (k meni) i oslobodi dušu moju, zveliči me zaradi milosrdnosti tvoje.
6. Ar ni vu smrti koj bi se spomenul z tebe, a vu grobu gdo bude hvalil tebe?
7. Opešal sem vu tuguvanju mojem, močil budem vsaku noč postelj moju, z suzami mojemi nastir moj poleval.
8. Zmutilo se je od mahnitnosti oko moje, ostarnel sem med vsemi neprijateli mojemi.
9. Othađajte od mene vsi koji činite zloču pokehdob je posluhnul Gospon glas plača mojega.
10. Posluhnul je Gospon prošenje moje, Gospon je molitvu moju prijel.
11. Naj se osramotiju i zmutiju jako vsi neprijateli moji. Naj se obrneju i osramotiju

jako brzo.