Šoltar X

1. K koncu šoltar Davidov

X.

2. Ufam se v Gospona, kak velite k duši mojoj: „Zleti na goru kak vrabec!“
3. Ar nut, grešniki napeli su luk ter su strelice svoje pripravili v toku da bi na skrovnem pravične strelali.
4. Ar su pokvarili kaj si ti naredil: pravični pako kaj je včinil?
5. Gospon je v svojoj sveti cirkvi, Gospona stolica je v Nebesih.

Oči njegove gledaju na vbogoga, trepavice njegoveh (očih) pregledavaju sine človečanske.

6.^*Žid. r. 6. Gospon ispitava pravičnoga, krivičnoga pako i onoga koj krivicu ljubi, odurjava duša njegova. Gospon ispitava pravičnoga i krivičnoga; koj pako ljubi krivicu, odurjava dušu svoju.

7. On bude zvrhu grešnikov zanjke dežđil: ogenj i žveplo i nagli vihri bude del napitka njihovoga.
8. Ar Gospon je pravičen i pravicu ljubi, obraz njegov vidi z dopadnostjum kaj je prav.

Objašnjenje

• *
  Žid. r. 6. Gospon ispitava pravičnoga, krivičnoga pako i onoga koj krivicu ljubi, odurjava duša njegova.