Arhive: Poglavlja (Page 10 of 30)

Aleluja

CXVII.

1. Hvalete Gospona ar je dobrotiven, ar milosrdnost njegova je vekivečna.
2. Naj reče sad Izrael da je dobrotiven, da milosrdnost njegova je vekivečna.
3. Naj reče sada hiža Aronova da milosrdnost njegova je vekivečna.
4. Naj rečeju sada vsi koji se Gospona boje da milosrdnost njegova je vekivečna.
5. Vu traplenju zazival sem Gospona i posluhnul je mene i prostoga činil.
6. Gospon je pomočnik moj, ne bojim se kaj bi meni človek činil.
7. Gospon je pomočnik moj i budem moje (preobladane) neprijatele za nikaj držal.
8. Bolje se je zaufati vu Gospona kak zanašati se na človeka.
9. Bolje je ufati se vu Gospona, kak ufati se vu poglavare.
10. Vsi narodi ophađali su mene, ali vu imenu Gosponevem fantil sem se nad njimi.
11. Od vseh stran jesu me opkoljili, ali vu imenu Gosponovem fantil sem se nad njimi.
12. Opstrli su me kakti pčele i plahnuli su kakti ogenj med trnjem, ali vu imenu Gosponovem fantil sem se nad njimi.
13. Bil sem sunjen i porivan da bi opal, ali Gospon je mene zdržal.
14. Gospon je jakost moja i hvalopesma moja, on je zveličitel moj postal.
15. V šatorih pravičneh (razišel se je) glas veselja i zveličenja.
16. Desnica Gosponova iskazala je moč svoju, desnica Gosponova izvisila je mene, desnica Gosponova iskazala je moč svoju.
17. Ne budem vumrl, nego živel i dela Gosponova budem pripovedal.
18. Zevsema jako kaštigal je mene Gospon, smrti vendar ni mene predal.
19. Otprete meni vrata pravičnosti i vnuter zajduči zahvalil budem Gosponu.
20. Ovo su vrata Gosponova, pravični budu čez nje prehađali.
21. Ja ti budem zahvalil da si me posluhnul i zveličitel moj postal.
22. Kamen kojega su zidari zahitili, ov postal je glava vugla.
23. Od Gospona je to včinjeno i je čudnovito vu očih našeh.
24. Ovo je den kojega Gospon je načinil, radujmo se i veselemo se vu njem.
25. O, Gospone, pomagaj mene, o, Gospone, pusti po sreči iti!
26. Blagoslovljen budi koj dohođa vu imenu Gosponovem. Blagoslovili smo vas iz hiže Gosponove,
27. Bog je Gospon i iskazal se je nam. Naredite svetečni den z gustem kitjem tja do vuglov oltara.
28. Ti si moj Bog i budem ti zahvalil, Ti si Bog moj i budem te izvišaval. Zahvalil budem tebi da si me posluhnul i zveličitel moj postal.
29. Hvalte Gospona ar je dobrotiven, ar milosrdnost njegova je vekivečna.

Aleluja

CXVI.

1. Hvalete Gospona etc ut alibi.

Aleluja^*Pri Židoveh dalje preteže se šoltar prveši.

CXV.

10. Veruval sem zato sem govoril: „Ja pako bil ponižen odviš’.“
11. Rekel sem vu zameknenju mojem: „Vsaki človek je lažec.“
12. Kaj budem Gosponu povrnul za vsa ona koja je meni dal?
13. Vzel budem pehar zveličenja i ime Gosponovo zazval budem.
14. Izvršil budem zagovore moje Gosponu pred vsem ljudstvom njegovem.
15. Draga je vuočih Gosponoveh smrt svecev njegoveh.
16. O, Gospone, ja sem takaj sluga tvoj, ja sem sluga tvoj i sin službenice tvoje. Rastrgal si spone moje.
17. Tebi alduval budem aldov zahvalnosti i ime Gosponovo budem zazval.
18. Izvršil budem zagovore moje Gosponu pred vsem ljudstvom njegovem.

Objašnjenje

• *
  Pri Židoveh dalje preteže se šoltar prveši.

Aleluja

CXIV.

1. Ljubil sem Gospona ar je posluhnul glas molitve moje.
2. Pokehdob prignul je vuho svoje k meni i vse žive dneve budem ga na pomoč nazival.

3.^*Žid. r. 3. Zaponci vel zanjke smrti jesu me opsegle ter itd. Smrtne boli jesu mene opstrle i pogibeli peklenske jesu mene našle.

Traplenja i boli našel sem.

4. I ime Gosponovo jesem zazval (govoreči): „O, Gospone, oslobodi dušu moju!“
5. Gospon je milosrden i pravičen i Bog naš rad se smiluje.
6. Gospon čuva malehne; bil sem ponižen i on me je oslobodil.
7. Budi opet pokojna, dušo moja, ar Gospon je tebi dobro činil.
8. Ar otel je dušu moju od smrti, oči moje od suz, noge moje od padanja.
9. Dopal se budem Gosponu vu orsagu živučeh.

Objašnjenje

• *
  Žid. r. 3. Zaponci vel zanjke smrti jesu me opsegle ter itd.

Aleluja

CXIII.

1. Vu ishotku Izraela etc ut alibi pag.

Aleluja

CXII.

1. Hvalete Gospona etc ut alibi.

Aleluja na povraček Ageja i Zakarije

CXI.

Blaženi človek etc ut alibi pag.

Aleluja

CX.

1. Hvalil te budem etc ut alibi

1. Šoltar Davidov

CIX.

Rekel je Gospon etc ut alibi pag.

1. K koncu šoltar Davidov

CVIII.

2. Bože,^*Žid. r. 2. O, Bog, kojega vsigdar hvalim, naj ne muči! ne zamuči hvale moje kajti vusta grešnika i vusta vkanljivca otprla su se proti meni.
3. Govorili su proti meni z lažljivemi jeziki i z rečmi jala opstrli su mene i preganjali su me prez zroka.

4.^*r. 4. Zato kajti sem je ljubil jesu mene itd. Namesto da bi me ljubili, ogovarjali su mene, ja pako molil sem.

5. Povračali su mi zlo za dobro i jal za ljubav moju.
6. Postavi zvrhu njega grešnika i hudič naj na desnici njegovoj stoji!
7. Kada suđen bude, naj van izide opsuđen i molitva njegova naj bude greh.
8. Dnevov njegoveh naj bude malo i biškupiju njegovu naj drugi vzeme.
9. Naj postanu sini njegovi sirote i žena njegova vdovica.
10. Sim tam hodeč naj se preseliju sini njegovi i naj prosiju kruha i iz stanov svojeh naj se ishitiju.
11. Kamatnik naj ves imetek njegov vzeme vu zalog i tuđine naj razjagme pridelek dela njegovoga.
12. Nigdo mu naj ne dojde na pomoč niti se naj nigdo ne smiluje čez sirote njegove.
13. Deca njegova naj budu v pogublenje i ime njegovo naj se vre vu prvem kolenu zatre.
14. Pregreška ocev njegoveh naj na spomenek dojde pred Gosponom i greh matere njegove naj se ne izbriše.
15. Naj (grehi njihovi) vsigdar pred očmi Gosponovemi ostaneju i spomenek njihov naj na Zemlji zgine.
16. Zato kajti se ni spomenul da bi milosrdnost činil,
17. nego je vbogoga, siromaškoga i vu srcu rastuženoga človeka tja do smrti preganjal.
18. I ljubil je preklinanje i došlo mu je, blagoslova ni hotel i odalečil se bude od njega.

I oblekel je kletvu kakti opravu i išla je kakti voda v vutrebu njegovu i kakti olje v kosti njegove.

19. Tak mu naj bude kakti oprava z kojum se odeva i kakti pojas z kojem se vsigdar pasa.
20. Ovo bude plača od Gospona onem koji me ogovarjaju i koji zlo govore proti duši mojoj.
21. Ti pako, Gospone, Gospone, čini z menum (milostivno) zaradi imena tvojega ar vugodna je milosrdnost tvoja.

Oslobodi me

22. ar potreben i siromak jese[m] i srce moje je zmučeno vu meni.
23. Zginulsem kakti senca večerna i pretiran sem kakti kobilice.
24. Kolena moja oslabela su od posta i meso moje izmenjeno je zaradi olja.
25. Postal sem njim na opšanost, videli su mene i pokimavali su z glavami svojemi.
26. Pomozi mi, Gospone Bog moj, zveliči me poleg milosrdnosti tvoje!
27. Da spoznaju da je to tvoja ruka i da si ti, Gospone, to činil.
28. Oni budu (mene) preklinjali, a ti me budeš blagoslivljal i koji se proti meni zdižeju, naj se osramotiju, sluga pako tvoj bude se veselil.
29. Naj se z sramotum oblečeju koji me ogovarjaju i naj se z opšanostjum svojum kakti z podstavljenum haljum ogrneju.
30. Hvalil budem Gospona z vustmi mojemi kaj največ morem i njemu vu sredini vnožine hvalu speval.
31. Ar stal je siromaku iz desna njegovoga da^*r. 31. da njemu proti onem pomore koji živlenje njegovo opsuđuju. dušu moju od pregonitelov obrani.

Objašnjenje

• *
  r. 31. da njemu proti onem pomore koji živlenje njegovo opsuđuju.