Arhive: Poglavlja (Page 9 of 30)

1. Pesma stupajev

CXXVII.

Blaženi vsi koji se Gospona boje, koji po putih njegoveh hodiju.

2. Pokehdob od dela ruk tvojeh jel budeš, blažen jesi i dobro ti bude.
3. Žena tvoja bude kakti trs roden v stranah hiže tvoje. Sini tvoji budu kakti mlade olike okolo stola tvojega.
4. Nut, tak se bude blagoslovil človek koj se Boga boji.
5. Naj te blagoslovi Gospon iz Siona i budeš videl dobra Jeruzalemova vse dneve živlenja tvojega.
6. Takaj sinov tvojeh sine mir zvrhu Jeruzalema budi videl!

1. Šalomonova pesma stupajev

CXXVI.

Ako ne bude Gospon zidal hižu, zahman delaju koji nju ziđeju.

Ako Gospon ne bude čuval varaša, zahman skoznuje koj ga čuva.

2.^*r. 2. Zahman je da se vi pred svitom vstajete ter kesno ležat idete ter kruh z žalostjum jete, Bog bude prez toga ljubljenomu svojemu spanje dal. Zahman se je vam stajati pred svitom, vstanete se kada se počinete, koji z žalostjum kruh jete.

(Bog) bude (segurno) ljubljenem svojem miren počinek dal.

3. Nut, sini su odvečtvo Gosponovo i sad teloven je platila.
4. Kaj su strele v rukah jakoga, to su mladeh ljudih sini.
5. Blaženi človek koj si je z ovemi istemi tok^*To je: hižu svoju. svoj napunil, on ne bude vu sramoti ostal kada bude z neprijateli svojemi pred sudci govoril.

Objašnjenje

• *
  To je: hižu svoju.

1. Pesma stupajev

CXXV.

Kada Gospon sužnje sionske ispeljal bude,^*Žid. r. 1. Bude nam kak da bi senjali. budemo mi kakti obatriveni.

2. Onda budu vusta naša z veseljem, a jezik naš z hvalum napunjen.

Onda se bude (od nas) med narodi reklo: „Gospon je med njimi velika dugovanja včinil.“

3. Gospon je nad nami velika dugovanja včinil zato smo veseli.

4.^*Žid. r. 4. Gospon čini za sužnje naše osloboditi kaj potoki suhi zemlji činiju. Gospone, obrni sužnje naše kak dereča voda pri poldnevnem vetru.

5. Koji med suzami sejeju, budu z veseljem želi.

6.^*r. 6. Oni su išli morebiti ter se plakali jesu kada su težinu semena nosili. Iduči išli su i plakali se ter seme svoje hitali.

Povračajuči se došli budu z veseljem noseči snope svoje.

Objašnjenje

• *
  r. 6. Oni su išli morebiti ter se plakali jesu kada su težinu semena nosili.

1. Pesma stupajov

CXXIV.

Koji se na Gospona zanašaju, (stoje) kak gora Sion; koj v Jeruzalemu stanuje, ne bude premeknjen naveke.

2. Kak leže gore okolo Jeruzalema, tak je Gospon okolo puka svojega sada i tja doveka.
3. Ar Gospon grešnikom ne bude gospodstvo zvrhu odvečtva pravičneh pustil da ne stegneju pravični ruke svoje k krivičnosti.
4. Gospone, čini dobro onem koji su dobri i pravedni!
5. One pako koji se na krive pute odvračaju, bude Gospon (ob sudu) k hudodelnikom pridružil; mir naj bude zvrhu Jeruzalema!

Pesma stupajev

CXXIII.

1. Da ne bi bil Gospon pri nas, naj reče sada Izrael,
2. da ne bi bil Gospon pri nas kada se ljudi proti nam zdigali jesu,
3. morebiti žive bi nas bili požrli kada se srditost njihova proti nam vužgala.
4. Voda bi nas bila gotova zalejala.
5. Dereče vode prešla je duša naša, morebiti bi bila prešla duša naša čez vodu nepodneslivu.
6. Blagoslovljen budi Gospon koj nas ni dal v lovinu zubom njihovem.
7. Duša naša je kakti vrabec iz zanjke lovcev oteta, zanjka se je rastrgala i mi smo oslobođeni.
8. Pomoč naša je vu imenu Gosponovom koj je Nebo i Zemlju načinil.

Pesma stupajev

CXXII.

1. K tebi zdigal sem oči moje, koj stanuješ vu Nebesih.
2. Nut, kak oči slug na ruke gospodarov svojeh. I kak oči slu[š]kinje na ruke gospodinje svoje (gledaju), tak gledaju oči naše na Gospona Boga našega doklam se nam smiluje.
3. Smiluj se nam, Gospone, smiluj se nam ar smo vnogo z zametavanjem^*r. 3. nasičeni. napunjeni.
4. Ar vnogo su dušu naši bogatuši z pšanenjem i gizdavci z zametanjem napunili.

Objašnjenje

• *
  r. 3. nasičeni.

Pesma stupajov

CXXI.

1. Razveselil sem se vu oneh koja su meni povedana bila da vu hižu Gosponovu pojdemo.
2. Noge naše stale su^*Žid r. 2. med vratami tvojemi. vu predvorih tvojeh, Jeruzalem.
3. Jeruzalem koj se ziđe kakti varaš kojega stranke med sobum zjedinjene jesu.
4. Ar tam gore išla jesu pokolenja, pokolenja Gosponova, kakti svedoki izraelski, hvaliti ime Gosponovo.
5. Kajti tam su postavljene sudbene stolice, stolice Davidove hiže.
6. Prosete koja su na mir Jeruzalemu i onem koji tebe (Jeruzalem) ljubiju, dobro pojde.
7. Naj bude mir v jakosti^*Žid. r. 7. Med ozidjem tvojem. tvojoj i obilnost vu kulah tvojeh.
8. Zaradi bratov mojeh i bližnjeh mojeh prosil sem tebi mira.
9. Zaradi hiže Gospona Boga našega iskal sem dobra tebi.

Objašnjenje

• *
  Žid. r. 7. Med ozidjem tvojem.

Pesma stupajov

CXX.

1. Zdigal sem oči moje na gore otkud bude meni pomoč došla.
2. Pomoč moja (dojde) od Gospona koj je Nebo i Zemlju načinil.
3. Naj ne pusti posmeknuti se nogi tvojoj i naj ne spi koj tebe čuva.
4. Nut, koj Izraela čuva, ne bude dremal niti spal.
5. Gospon čuva tebe, Gospon je obramba tvoja zvrhu desne ruke tvoje.
6. Po dnevu ne bude tebe sunce peklo niti mesec po noči.
7. Gospon čuva tebe od vsakoga zla, naj Gospon čuva dušu tvoju.
8. Gospon naj čuva tvoje nuter i van hođenje, od sada i tja naveke.

1. Pesma stupajev

CXIX.

Kada sem vu traplenjih bil, kričal sem k Gosponu i on je mene posluhnul.

2. Gospone, oslobodi dušu moju od vusnic krivičneh i od jezika čalarnoga.
3. Kaj se bude tebi dalo, ali kaj se bude pridelo k jeziku čalarnomu.
4. On je kakti oštre strele v ruki močnoga (strelca), kakti živo vuglenje (pod pepelom).
5. Jaj meni, pohekdob putničtvo moje tak dugo trpi,^*Žid. r. 5. Ja prebivam vel stanujem med šatori Cedar. stanuval sem stanovniki (mesta) Cedar.

6.^*6. Duši moji je vsevsema dugo prebivati med onemi koji mir odurjavaju. Dugo je morala duša moja ovde prebivati.

7.^*7. Ja sem miren ali kada z njim govorim, oni proti meni vojuju. Z onemi koji mira odurjavanju, bil sem^*7. Vu Židov. ovde se začimlje r. 7. miroven: kada sem proti njim govoril, vojuvali su proti meni prez zroka.

Objašnjenje

• *
  7. Vu Židov. ovde se začimlje r. 7.

Aleluja

CXVIII.

Alef^*Alef, bet i ostale takove reči jesu prema židovskeh slov.

1. Blaženi nevtepeni na putu koji poleg Zakona hode Gosponovoga.
2. Blaženi koji razmišljavaju svedočanstva Gosponova i njega iz celoga srca iščeju.

3.^*Žid. r. 3. Ar oni koji po puteh njegoveh hodiju, nikaj zla ne činiju. Ar koji zlo delaju, ne hodiju po puteh njegoveh.

4. Ti si zapovedal zapovedi tvoje zevsema čuvati.
5. O, da bi se puti moji tak ravnali da bi pravice tvoje obdržaval.
6. Onda ne budem opšanjen kada budem imel vse zapovedi tvoje pred očmi mojemi.
7. Zahvalil budem tebi vu pravednosti srca pokehdob sem se tvoje tak pravične zapovedi navčil.
8. Čuval budem opravdenja tvoja, ne zapusti me zevsemvsega.

Bet

9. Vu čem popravi mladenec puta svojega? Po obdržavanju rečih tvojeh.
10. Iz celoga srca mojega iskal sem tebe, ne pusti me od zapovedih tvojeh odstupiti.
11. Vu srcu mojem skril sem govorenja tvoja da ne zagrešim proti tebi.
12. Blagoslovljen jesi, Gospone, navči me opravdenja tvoja.
13. Z vusnicami mojemi nazvestil budem vse zapovedi vust tvojeh.
14. Na putu svedočanstvih tvojeh jesem se veselil bolje kakti nad vsem bogatstvom.
15. Vu zapovedih tvojeh budem se privučal i premišljaval pute tvoje.
16. Opravdenja tvoja budem (z veseljem) razmišljaval ter iz rečih tvojeh ne budem se spozabil.

Gimel

17. Podelji slugi tvojemu da dugo živem i reči tvoje držim.
18. Otrpi oči moje i premišljaval budem čudnovita vu zapovedi tvojoj.
19. Ja sem prihodnik na Zemlji, ne skrivaj pred menum zapovedi tvoje.
20. Poželela je duša moja hlepeti za zapovedjami tvojemi vsako vreme.
21. Pokaral si gizdave, prokleti koji od zapovedih tvojeh odstupljuju.
22. Odvrni od mene opšanost i zametavanje pokehdob sem svedočanstva tvoja iziskaval.
23. Ar poglavari vseli su se skupa i proti meni govorili, sluga pako tvoj privučal se je k opravdenjam tvojem.
24. ^*Žid. r. 24. Ar svedočanstva tvoja jesu veselje moje i tolnačnik moj.Ar i svedočanstva tvoja jesu razmišljavanje moje i opravdenja tvoja moj tolnač.

Dalet

25. Prilepila se je duša moja k zemlji, oživi me poleg reči tvoje.
26. Obznanil sem tebi pute moje i posluhnul si mene: vuči me opravdenja tvoja.
27. Vuči me puta opravdenjih tvojeh i privučal se budem k čudam tvojem.
28. Dremala je duša moja pred dodihavanjem, objači me vu rečih tvojeh.
29. Puta^*29. Lažih. nepravičnosti odvrni od mene i^*r. 29. i daj mi zakona tvojega znati. smiluj se meni poleg zapovedi tvoje.
30. Izebral sem puta istine i na zapovedi tvoje nesem pozabil.
31. Gospone, svedočanstvih tvojeh se držim, naj me osramotiti.
32. Po putu zapovedih tvojeh tekel sem pohekdob si rasprostranil srce moje.

He

33. Postavi meni, Gospone, zapoved tvoju, puta opravdenjih tvojeh i budem ga vsigdar iziskaval.
34. Podelji mi razuma i premišljaval budem zapoved tvoju i obdržaval ju budem iz celoga srca mojega.
35. Zapeljaj me na stezu zapovedih tvojeh ar se[m] nju želel.
36. Nagni srce moje k svedočanstvam tvojem, a ne k skuposti.
37. Odvrni oči moje da ne vide čalarnost, oživi me na putu tvojem.

38.^*Žid. r. 38. Ispuni slugi tvojemu reč tvoju da se bude tebe bojal. Potvrdi reč tvoju pri slugi tvojem po strahu tvojem.

39. Vzemi od mene opšanost koje se bojal jesem ar sudi tvoji jesu vugodni.
40. Nut zaželel sem zapovedi tvoje, oživi me z pravicum tvojum.

Vav

41. Gospone, pusti dojti zvrhu mene milosrdnost tvoju i pomoč tvoju poleg reči tvoje.
42. Da budem kaj odgovoriti imel onem koji mi spočitavaju da se na govorenja tvoja zanašam.
43. Nikak ne vzemi zevsemvsega reč istine od vust mojeh ar se na odluke tvoje ves zanesel jesem.
44. I čuval budem zapovedi tvoje vsigdar, i naveke i na veke vekov.
45. (Tak) budem ja prez skrbi hodil pokehdob zapovedi tvoje (ispuniti) iskal jesem.
46. I govoril sem od svedočanstvih tvojeh vu nazočnosti kraljev i nisem se sramuval.
47. I z veseljem premišljaval sem zapovedi tvoje koje sem ljubil.
48. I zdigal sem ruke moje proti zapovedjam tvojem, koje sem ljubil, i opravdenjam tvojem.

Zain

49. Spomeni se iz tvoje slugi tvojemu (dane) reči z kojum si meni ufanje dal.
50. Ova je mene vu poniženju mojem obatrivela ar reč tvoja je mene oživela.

51.^*Žid. r. 51. Gizdavci jesu se vsevdilj iz mene zesmehavali itd. Gizdavci su vsevdilj krivo (z menum) baratali, od tvoje pako zapovedi nesem odstupil.

52. Spomenul sem se iz negdašnjeh sudov tvojeh i obatriven sem.
53. Omiljavica je mene popadala zaradi grešnikov koji zapoved tvoju zapuščaju.
54. Opravdenja tvoja bila su pesme moje, vu mestu putuvanja mojega.
55. Gospone, po noči spomenul sem se iz imena tvojega i zapoved tvoju jesem čuval.
56. To se je meni zgodilo kada sem^*r. 56. kada sem zapovedi tvoje obdržaval. zapovedi tvoje (obdržavati) iskal.

Het

57. Gospone, ja sem rekel: „Moj del je zapovedi tvoje čuvati.“
58. Pred licem tvojem molil sem iz celoga srca mojega: „Smiluj se meni poleg reči tvoje.“
59. Premislil sem pute mojei noge moje obrnul sem (na put) svedočanstvih tvojeh.

60.^*Žid. r. 60. Ja se žurim i ne odvlačim zapovedi tvoje obdržavati. Pripraven sem i ne plašim se da zapovedi tvoje čuvam.

61. Vužinci grešnikov zapleli su mene ter vendar nesem zapoved tvoju pozabil.
62. Ob pol noči stajal sem se tebe zaradi sudov opravdenja tvojega hvaliti.
63. Ja sem delnik vseh oneh koji se tebe boje i koji zapovedi tvoje obdržavaju.
64. Milosrdnosti tvoje, Gospone, puna je Zemlja, vuči me opravdenja tvoja.

Tet

65. Včinil si, Gospone, slugi tvojemu dobro poleg reči tvoje.
66. Navči me dobrotu, v redu držanje i mudrost ar sem veruval zapovedjam tvojem.
67. Predi nego sem bil ponižen, grešil sem, sada pako obdržavam zapovedi tvoje.
68. Ti si dober i poleg dobrote tvoje vučil me budeš opravdenja tvoja.
69. Povnožala se je suprot meni nepravednost gizdavcev, ja pako iz celoga srca mojega pretresal budem zapovedi tvoje.
70. Vsirilo se je kakti mleko srce njihovo, ja pako zapoved tvoju premišljaval jesem.
71. Dobro je za me da si me ponizil da se navčim opravdenja tvoja.
72. Zapoved vust tvojeh je za me bolša kak jezera zlata i srebra.

Jod

73. Ruke tvoje jesu me načinile i izdelale: daj^*Žid. red 73. podvuči me. mi razuma i navčil se budem zapovedi tvoje.
74. Koji se tebe boje, budu mene videli i budu veseli pokehdob se na reči tvoje zanesel jesem.
75. Spoznal sem, Gospone, da sudi tvoji pravedni jesu ter da si me vu istini tvojoj ponizil.
76. Naj mi bude na batrivost milosrdnost tvoja, kak si slugi tvojemu obečal.
77. Naj dojdu zvrhu mene pomiluvanja tvoja i živel budem ar zapoved tvoja je premišljavanje moje.
78. Naj se osramotiju gizdavci ar su mi po krivici zlo včinili, ja se pako izvučal budem k zapovedjam tvojem.
79. Koji se boje tebe i koji poznaju svedočanstva tvoja, naj se k meni obrneju.
80. Naj bude srce moje čisto vu opravdenjih tvojeh da se ne opšanim.

Kaf

81. Pogibala je duša moja (od želje) za zveličenjem tvojem i na reč tvoju jesem se zevsema zaufal.
82. Omegluvale su oči moje za (ispunjenjem) reči tvoje govoreče: „Kada me budeš obatrivel?“
83. Ar sem postal kakti meh mrazu, iz opravdenj tvojeh nesem se spozabil.
84. Kuliko je jošče dnevov sluge tvojega kada budeš zvrhu pregonitelov mojeh suda držal?

85.^*Žid. r. 85. Gizdavci su meni jame kopali. Krivični jesu (si med sobum) od mene lažljive pripovesti povedali, ali ove nesu kak zapoved tvoja.

86. Vse zapovedi tvoje jesu istina, oni su me krivično preganjali: pomozi meni!
87. Skorom jesu mene na Zemlji skončali, ja pako zapovedi tvoje nesem zapustil.
88. Oživi me poleg milosrdnosti tvoje i obdržaval budem svedočanstva vust tvojeh.

Lamed

89. Gospone, reč tvoja ostane vu Nebesih naveke.
90. Istina tvoja je od pokolenja do pokolenja, ti si Zemlju osnoval i ostane.
91. Po naređenju^*91. Po zapovedi tvojoj opstoji vse do dneva denešnjega ar itd. tvojem opstaje dan ar vsa služiju.
92. Da zapoved tvoja ne bi bila premišljavanje^*r. 92. veselje. moje, (morebiti) vre bi bil poginul vu nevolji mojoj.
93. Nigdar ne budem na opravdenja tvoja pozabil ar me po njih oživel jesi.
94. Ja sem tvoj, pomagaj meni kada opravdenja tvoja (spuniti) iščem.
95. Grešniki čekaju mene da bi me pogubili, ja pako razmišljaval sem svedočanstva tvoja.
96. Videl sem da kaj nazvršenešega je, konec svoj ima, tvoja pako zapoved je nedokončana.

Mem

97. O, Gospone, kak jako ljubim zapoved tvoju, ves den je ona premišljavanje moje!
98. Ti si mene po zapovedi tvojoj mudrešega včinil kak neprijatele moje ar ona je vekom pred menum.
99. Ja sem vučeneši kak vsi navučiteli moji postal pokehdob svedočanstva tvoja jesu premišljavanje moje.
100. Ja več razmem kak starci kajti zapovedi tvoje iskal sem.
101. Od vsakoga zločestoga puta čuval sem noge moje da reči tvoje obdržim.
102. Od sudov tvojeh nesem odstupil pokehdob si mi ti zapoved postavil.
103. O, kak slatke su meni reči tvoje, one su slajše kak med vustam mojem.
104. Ja sem po zapovedih tvojeh razumen postal, zato sem oduril vse pute krivične.

Nun

105. Reč tvoja je svetnica nogam mojem i luč stezam mojem.
106. Prisegel sem i postavil sem si naprv sude pravice tvoje obdržavati.
107. Ponižen sem zevsemvsega, Gospone, oživi me poleg reči tvoje!
108. Včini, Gospone, da ti radovoljni aldov vust mojeh dopadne ter me vuči sude tvoje.
109. Duša moja je vsigdar vu rukah mojeh, ali na zapoved tvoju nesem pozabil.
110. Nastavili su meni grešniki zanjke ter vendar od zapovedih tvojeh nesem zabludil.
111. Svedočanstva tvoja prijel sem za odvečinu vekivečnu ar ona jesu obraduvanje srca mojega.
112. Vse zmir sem srce moje na ispunenje opravdenjih tvojeh nagibal zaradi naplačenja.

Sameh

113. Odurjaval sem krivične, zapoved pako tvoju jesem ljubil.
114. Ti si moj pomočnik i branitel, na tvoju reč zevsema se zanašam.
115. Odstupite od mene, hudobni, i budem zapovedi Boga mojega^*Žid. r. 115. obdržaval. premišljaval.
116. Primi me^*116. Včini me jakoga poleg reči tvoje. poleg reči tvoje i živel budem; i ne dopusti da bi se opšanil vu čekanju mojem.
117. Pomozi me i opčuvan budem;^*117. I budem se vu zapovedih tvojeh vsigdar veselil. i opravdenja tvoja vsigdar premišljaval budem.
118. Zavrgel si^*Zamečeš. vse koji od sudov tvojeh odstupljuju ar mišlenje njihovo je nepravedno.
119. Vse grešnike na Zemlji držal sem za prekršitele zato ljubim svedočanstva tvoja.
120. Prebodi z strahom tvojem meso moje ar se bojim sudov tvojeh.

Ajn

121. Činil sem sud i pravicu, ne predaj me onem koji me krivo ogovarjaju.

122.^*Žid. 122. Stoj dober za slugu tvojega. Ravnaj slugu tvojega k dobromu da me gizdavci ne budu ogovarjali.

123. Oči moje jesu oslabele (pokehdob čekam) na pomoč tvoju i na spunenje pravice tvoje.
124. Včini z slugum tvojem poleg milosrdnosti tvoje ter me vuči opravdenja tvoja.
125. Ja sem sluga tvoj, podelji mi razuma da spoznam svedočanstva tvoja.
126. Gospone, vreme je vre da činiš ar su zapoved tvoju prekršili.
127. Zato ljubim zapovedi tvoje več kak zlato i drago kamenje.
128. Zato se ravnal jesem poleg vseh zapovedih tvojeh i vsaki krivični put oduril sem.

Fe

129. Čuda puna jesu svedočanstva tvoja zato nje duša moja^*129. obdržava. razmišljava.
130. Rastolnačenje rečih tvojeh rasvečuje i daje malehnem razuma.
131. Otprl sem vusta moja i sapu povlekel pokehdob zapovedi tvoje želel sem.
132. Poglej na me i smiluj se meni kak činiš onem koji ime tvoje ljubiju.
133. Ravnaj koračaje moje poleg reči tvoje ter ne daj nikakvoj krivici zvrhu mene gospoduvati.
134. Oslobodi me od ogovorov ljudih da budem zapovedi tvoje obdržaval.
135. Rasveti obraz tvoj zvrhu sluge tvojega i navči me opravdenja tvoja.
136. Oči moje točile su potoke suz kajti (ljudi) nesu zapovedi tvoje obdržavali.

Sade

137. Gospone, ti si pravičen i pravičen je sud tvoj.
138. Ti si oštro zapovedal zapovedi tvoje koje su sama pravica i istinu (obdržavati).
139. Od goruče želje jesem sehnul pokehdob su neprijateli moji na reči tvoje pozabili.
140. Govorenje tvoje je po ognju očiščeno (kakti zlato) zato nje ljubi sluga tvoj.
141. Malehen sem ter zametavan ali, na zapovedi tvoje vendar nesem pozabil.
142. Pravica tvoja je vekivečna pravica i zapoved tvoja istom istina.
143. Traplenja i stiske jesu me stigle, ali zapovedi tvoje jesu^*Žid. r. 143. veselje moje. premišljavanje moje.
144. Svedočanstva tvoja jesu pravednost vekivečna: podelji mi razuma i budem živel.

Kof

145. Kričal sem iz vsega srca mojega: „Gospone, posluhni me, opravdenja tvoja budem zveđal!“
146. Kričal sem k tebi, pomagaj mene da zapovedi tvoje opčuvam.
147. Stajal sem se z svitom i kričal pokehdob se na reči tvoje zevsema zanašam.
148. Predi nego se den začimlje, gledaju oči moje proti tebi da bi zapovedi tvoje razmišljaval.
149. Gospone, vusliši glasa mojega poleg milosrdnosti tvoje i poleg pravice tvoje obdrži me pri živlenju.
150. Približavali su se k krivičnosti oni koji su mene preganjali, od zapovedi pako tvoje dalko su odstupili.^*r. 150. Krivični preganjavci moji jesu se približavali i od zapovedi tvoje dalko su odstupili.
151. Blizu jesi ti, Gospone, i vsi puti tvoji jesu sama istina.
152. Taki iz početka spoznal sem od svedočanstvih tvojeh da si je zanaveke napravil.

Reš

153. Poglej na poniznost moju ter me oslobodi ar zapoved tvoju nesem pozabil.
154. Sudi pravdu moju ter me oslobodi i opčuvaj me pri živlenju poleg reči tvoje.
155. Daleko je od grešnikov zveličenje kajti opravdenja tvoja nesu ziskavali.
156. Gospone, milosrdnostih tvojeh je vnogo, poleg suda tvojega oživi mene!
157. Vnogi su koji me preganjaju i trape, od svedočanstvih tvojeh vendar nesem odstupil.
158. Videl sem prekršitele i (od žalosti) vsehnuval kajti reči tvoje nesu čuvali.
159. Viđ, Gospone, pokehdob sem zapovedi tvoje ljubil, oživi me poleg milosrdnosti tvoje!
160. Početek rečih tvojeh je istina i vse odluke pravice tvoje ostaju naveke.

Šin

161. Poglavari preganjali su me prek zroka i srce moje boji se od rečih tvojeh.
162. Veselil se budem nad govorenji tvojemi kakti on koj velike plene najde.
163. Odurjaval sem krivičnost i mrzil sem na nju, zapoved pako tvoju ljubil sem.
164. Sedemkrat na dan hvalil sem tebe zaradi sudov pravice tvoje.
165. Oni koji ljubiju zapoved tvoju, imaju velik mir i nikaj im ni na spačku.
166. Čakal sem, Gospone, na zveličenje tvoje i zapovedi tvoje^*Žid. r. 166. i delam poleg zapovedi tvoje. ljubil sem.
167. Čuvala je duša moja svedočanstva tvoja ter nje kruto jako ljubila.
168. Obdržaval sem zapovedi tvoje i svedočanstva tvoja kajti vsi puti moji jesu pred očmi tvojemi.

Tau

169. Pusti, Gospone, prošnju moju pred nazočnost tvoju dojti ter mi podelji razuma poleg reči tvoje.
170. Pusti prošenje moje pred nazočnost tvoju dojti, poleg reči tvoje oslobodi mene.
171. Vusnice moje ne budu prestale (tebi) hvalu spevati kada me vu opravdenjih tvojeh podvučiš.
172. Jezik moj bude reči tvoje pripovedal kajti vse zapovedi tvoje jesu sama pravednost.
173. Naj bude meni ruka tvoja na pomoč pokehdob sem si zapovedi tvoje izebral.
174. Gospone, želim zveličenje tvoje i zapoved tvoja je^*Žid. r. 174. veselje moje. premišljavanje moje.
175. Živela bude duša moja i tebe hvalila i sudi tvoji budu meni pomagali.
176. Bludil sem kakti ovca koja je zginula: išči (mene) slugu tvojega ar na zapovedi tvoje nesem pozabil.

Objašnjenje

• *
  Žid. r. 174. veselje moje.