Arhive: Poglavlja (Page 8 of 30)

1. Istomu Davidu

CXXXVII.

Gospone, iz celoga srca mojega budem hvalil tebe pokehdob si posluhnul reči vust mojeh.

Vu nazočnosti angelov budem tebi hvalu speval,

2. klanjal ti se budem v svetoj cirkvi tvoji i hvalil budem ime tvoje. Zaradi milosrdnosti tvoje i istine tvoje pokehdob si sveto ime tvoje zvrhu vsega izvisil.
3. Vu kojem goder dnevu budem zazaval tebe, posluhni me i povekšal budeš vu duši mojoj jakost.
4. Naj tebe, Gospone, vsi kralji Zemlje hvaliju pokehdob su čuli vse reči vust tvojeh.
5. I naj spevaju na puteh Gosponoveh pokehdob velika je dika Gosponova.
6. Ar izvišen je Gospon i gleda na ponizna i visoka od daleka pozna.
7. Ako se v sredini traplenj nahađal budem, budeš mene pri živlenju opčuval ar ti budeš ruku tvoju zvrhu srde neprijatelov tvojeh stegnul i desnica tvoja bude meni pomagala.

8.^*Žid. r. 8. Gospon bude ono kaj je vu meni začel, dokončal. Gospone, milosrdnost tvoja itd. Gospon bude povračal za me: Gospone, milosrdnost tvoja je vekivečna, ne zahiti dela ruk tvojeh.

Objašnjenje

• *
  Žid. r. 8. Gospon bude ono kaj je vu meni začel, dokončal. Gospone, milosrdnost tvoja itd.

Pesem Davidova za Jeremijaša

CXXXVI.

1. Tam pri babilonskeh potokih jesmo sedeli i plakali se kada smo na Sion pomislili.
2. Po vrbah, koje po sredini stoje, poobesili smo citare naše.
3. Ar onde su nam oni koji su nas zavjete vodili, rekli da bi mi popevali,

^*Žid. r. 3. I koji su nam vse vzeli (govorili su) itd.i koji su nas proč otpeljali (govorili su): „Zapopevajte nam jednu veselu sionsku pesem.“

4. Kak budemo pesem Gosponovu vu tuđi zemlji spevali?
5. Ako se iz tebe, Jeruzalem, spozabim, naj^*r. 5. naj desnica moja (vse) pozabi. desnica moja pozabljena bude!
6. Jezik moj naj se prisuši k nebu mojemu ako se iz tebe spomenul ne budem, ako Jeruzalema ne postavim kakti početek veselja mojega.
7. Gospone, spomeni se kak su sini^*r. 7. To je Idumejanci. Edom na dan (razvalenja) Jeruzalema (kričali) rekuči: „Spravete, spravete ga pod nikaj tja do temelja!“
8. Nevoljna^*r. 8. Ti. kči Babilon, blažen on koj bude tebi ravno tak povrnul kak si nam činil.
9. Blažen on koj bude decu tvoju grabil i ob pečinu razbijal.

Objašnjenje

• *
  r. 8. Ti.

1. Aleluja

CXXXV.

Hvalete Gospona ar je dobrotiven, ar milosrdnost njegova je vekivečna!

2. Hvalete Boga vseh bogov ar milosrdnost njegova je vekivečna!
3. Hvalete Gospona vse gospode ar milosrdnost njegova je vekivečna!
4. Koj sam činil je čuda velika ar milosrdnost njegova je vekivečna!
5. Koj je nebesa mudro načinil ar milosrdnost njegova je vekivečna!
6. Koj zemlju je vtvrdil nad vodami ar milosrdnost njegova je vekivečna!
7. Koj je velika svetila (sveta) načinil ar milosrdnost njegova je vekivečna!
8. Sunce vu oblast dneva ar milosrdnost njegova je vekivečna!
9. Mesec i zvezde v oblast noči ar milosrdnost njegova je vekivečna!
10. Koj poražal je Egiptuša z prvorođenemi njegovemi ar milosrdnost njegova je vekivečna!
11. Koj ispeljal je Izraela iz sredine njihove ar milosrdnost njegova je vekivečna!
12. Z mogučnum rukum i vzdegnjenem ramenom ar milosrdnost njegova je vekivečna!
13. Koj razdvojil je Črleno morje na dvoje ar milosrdnost njegova je vekivečna!
14. I prepeljal je Izraela čez sredinu njegovu ar milosrdnost njegova je vekivečna!
15. Koj vrgel je faraona i ves šereg njegov vu Črleno morje ar milosrdnost njegova je vekivečna!
16. Koj puka svojega po puščini vodil ar milosrdnost njegova je vekivečna!
17. Koj potukel je kralje velike ar milosrdnost njegova je vekivečna!
18. I kralje mogučne pomoril ar milosrdnost njegova je vekivečna!
19. Sehon, kralja amorejanskoga, ar milosrdnost njegova je vekivečna!
20. I Og, kralja bazanskoga, ar milosrdnost njegova je vekivečna!
21. I dal je zemlju njihovu za odvečtvo ar milosrdnost njegova je vekivečna!
22. Za odvečtvo slugi svojemu Izraelu ar milosrdnost njegova je vekivečna!
23. Pokehdob se je iz nas v poniženju našem spomenul ar milosrdnost njegova je vekivečna!
24. Ter otkupil je nas od neprijatelov našeh ar milosrdnost njegova je vekivečna!
25. Koj daje hranu vsemu mesu ar milosrdnost njegova je vekivečna!
26. Hvalete Boga Nebes ar milosrdnost njegova je vekivečna!
27. Hvalete Gospona gospoda ar milosrdnost njegova je vekivečna!

1. Aleluja

CXXXIV.

Hvalete ime Gosponovo, hvalete slugi Gospona!

2. Koji stojite vu hiži Gosponovi, vu predvorih hiže Boga našega.
3. Hvalete Gospona ar je Gospon dobrotiven, spevajte hvalu imenu njegovomu ar je vugodno.
4. Kajti Gospon je Jakopa sebi izebral i Izraela za ladanje svoje.
5. Ar sem ja spoznal da velik je Gospon i da Bog naš je zvrhu vseh bogov.
6. Gospon je vsa koja goder je hotel v Nebesih i na Zemlji, v morju i vu vseh glibljinah načinil.
7. On dopeljiva oblake od poslednjeh Zemlje, bliskavice na dežđ premenja. Koj izvađa vetre iz svojeh skriteh krajov.
8. Koj poražal je vse prvorođeno Egiptuša od človeka tja do živinčeta.
9. I poslal je znamenja i čuda vu sredinu tvoju, Egipt, na faraona i na vse sluge njegove.
10. Koj vnoge narode je potukel i mogučne kralje pomoril.
11. Sehona, kralja amorejanskoga, i Oga, kralja bazanskoga, ter vsa kraljestva kanaanejanska (razdeljil).
12. I dal je zemlju njihovu za odvečtvo, za odvečtvo Izraelu, puku svojemu.
13. Gospone, ime tvoje (ostane) naveke, Gospone, spomenek tvoj (ostane) pokolenja do pokolenja!
14. Ar Gospon sudil bude puka svojega ter se od slugov svojeh naprositi dal bude.
15. Bolvani poganinov jesu srebro i zlato, delo ruk človečanskeh.
16. Vusta imaju, pak ne govore, oči imaju, pak ne vide.
17. Vuha imaju, pak ne čuju niti ni vu vustih njihoveh sape.
18. Njim spodobni naj postaneju koji nje delaju i vsi koji se vu nje zaufaju.
19. Vi (pako) od Izraelove hiže, blagoslavljajte Gospona, vi od Aronove hiže, blagoslavljajte Gospona!
20. Vi od Levijeve hiže, blagoslavljajte Gospona, vi koji se bojite Gospona, blagoslavljajte Gospona!
21. Blagoslovljen budi Gospon iz Siona koj v Jeruzalemu stanuje!

1. Pesma stupajev

CXXXIII.

Nut, sada blagoslavljajte Gospona, vsi slugi Gosponovi

^*Žid. r. 1. Koji vu hiži Gosponovi cele noči sprevađaju.koji vu hiži Gosponovi i vu predvorih hiže Boga našega stojite!

2. Vzdigajte po noči ruke vaše k svetotajstvu i blagoslavljajte Gospona!
3. Naj te blagoslovi Gospon iz Siona koj je Nebo i Zemlju načinil.

Objašnjenje

• *
  Žid. r. 1. Koji vu hiži Gosponovi cele noči sprevađaju.

1. Davidova pesem stupajev

CXXXII.

Nut, kak dobro i kak vugodno je kada bratja skupa zjedinjeno prebivaju.

2. (To je) kakti draga mast na glavi koja dole teče po vsoj Aronovi bradi, koja dole teče na rub oprave njegove.
3. Kak rosa gore Hermon koja na breg Sion dole pada. Pokehdob onde je Gospon blagoslov obečal i živlenje tja doveka.

1. Pesma stupajev

CXXXI.

Spomeni se, Gospone, na Davida i na vsu^*Žid. r. 1. i na vse trplenje njegovo. krotkoču njegovu.

2. (Spomeni se) kak je Gosponu prisegel i Bogu Jakopovomu zagovor naredil (govoreči):
3. „Ja ne budem v prebivališče hiže moje vlesti niti gore na nastir postelje moje zastupiti.
4. Ja ne budem sna dal očjam mojem niti dremanje trepavicam mojem.
5. Niti pokoja mojem doklam ne najdem mesto za Gospona k prebivališču Boga Jakopovoga.“
6. Nut, čuli smo da je ona (škrinja Božja) v Eufrati, našli smo ju na polju loznem.
7. Sada vnuter pojdemo v prebivališče njegovo i klanjali se [budemo] na mestu gde su noge njegove stale.
8. „Vstani se, Gospone, i (hodi) v pokoj tvoj, ti i Škrinja koju si ti sebi posvetil!
9. Redovniki tvoji naj se oblačiju z pravicum, svetci pako tvoji naj se raduju.
10. Zaradi sluge tvojega Davida ne zavrži lice krištuša tvojega.“
11. Gospon je Davidu istinsku prisegu včinil i ne bude ju prelomil: „Sad vutrobe tvoje budem na tvoju stolicu kraljevsku posadil.
12. Ako budu sini tvoji zaveza mojega i svedočanstva moja koja je vučil budem, obdržavali i sini njihovi budu tja doveka na stolici tvoji sedeli.“
13. Ar Gospon je (goru) Sion izebral, on si je ovu istu za prebivališče svoje izebral.
14. „Ovo je (veli on) počinek moj na veke vekov, ovde budem prebival ar sem si nju izebral.

15.^*Žid. r. 15. Budem brašno njegovo obilno blagoslovil itd. Vdovice njegove budem obilno blagoslovil i siromake njegove z kruhom zasitil.

16. Redovnike njegove budem z zveličenjem oblekel i svetci njegovi budu se z radostjum obraduvali.
17. Onde budem oblast Davidovu pokazal, pripravil sem^*r. 17. Svetnicu, to je seme. svetnicu krištušu mojemu.
18. Neprijatele njegove budem z sramom pokril, zvrhu njega bude se^*r. 18. koruna njegova bude se rascvela. posvečenje moje rascvelo.“

Objašnjenje

• *
  r. 18. koruna njegova bude se rascvela.

1. Davidova pesem stupajev

CXXX.

Gospone, srce moje neje napuhnjeno, niti su oči moje gizdavo podignjene.

Niti sem hodil za velikemi i čudnovitemi stvarmi koje su zvrhu mene.

2. Ako nesem ponizno mislil, nego dušu moju izvišaval, naj se duši mojoj, kakti jednomu od matere svoje odojenomu detetu, povrne!
3. Naj se Izrael ufa vu Gospona odsada i tja naveke!

1. Pesma stupajev

CXXIX.

Iz glubljine etc ut alibi.

1. Pesma stupajev

CXXVIII.

„Večputi jesu mene od mladosti moje stiskali“, poveđ sada, Izrael!

2. „Večputi jesu mene od mladosti moje stiskali, ali nikak me predobiti nesu mogli.

3.^*Žid. r. 3. Orači jesu na hrptu mojem ostali i duge brazde delali. Grešniki jesu na hrptu mojem kovali, dalko su tirali hudobnost svoju.

4.^*r. 4. Gospon je pravičen, on je žile hudobneh presekel. Gospon, koj pravičen je, zesekel je zatilnjake grešnikov.“

5. Vsi koji odurjavaju Siona, naj [se] osramotiju i nazaj vrneju.
6. Naj postanu kakti trava po krovih koja se posuši predi nego se ispuka.
7. Z kojum žnjač ni šaku svoju niti on koj snope veže, naručaja svojega napunil.
8. I (kojem) mimoprehađajuči nesu rekli: „Blagoslov Gosponov naj bude zvrhu vas, mi vas blagoslavljamo vu imenu Gosponovem.“

Objašnjenje

• *
  r. 4. Gospon je pravičen, on je žile hudobneh presekel.