Arhive: Poglavlja (Page 7 of 30)

Šoltar CXLVII.

^*Apud Hebr. continuatio psalmi proecedi.Aleluja

CXLVII.

12. Hvali, Jeruzalem etc ut alibi.

Objašnjenje

• *
  Apud Hebr. continuatio psalmi proecedi.

1. Aleluja

CXLVI.

Hvalete Gospona, etc ut alibi.

1. Aleluja Agejuša i Zakarijaša

CXLV.

2. Hvali, duša, moja, Gospona! Ja budem hvalil Gospona doklam budem živ, ja budem Bogu mojemu hvalu speval doklam budem. Ne zanašajte se na poglavare,
3. na sine človečanske pri kojeh ni pomoči.
4. Duh njihov bude izišel i pojdeju v svoju zemlju nazad, onda bude vseh izmišljavanjih njihov konec.
5. Blaženi on kojega pomočnik je Jakopov Bog, kojega ufanje je vu Gosponu, Bogu svojemu.
6. Koj je Nebo i Zemlju i morje i vsa koja su vu njih, načinil.
7. Koj istinitost (obečanj svojeh) naveke drži, koj krivicu trpečem pravicu dopita i gladnem daje hranu. Gospon raskava zakovane.
8. Gospon rasvečuje slepe. Gospon zdiže koji su opali, Gospon ljubi pravične.
9. Gospon čuva prihodnike, potpira sirote i vdove i pute grešnikov zatira.
10. Gospon bude naveke kraljuval, Bog tvoj, Sion, bude od pokolenja do pokolenja (kraljuval).

1. Hvalna pesem samomu Davidu

CXLIV.

Izvišaval budem tebe, Bog moj kralj, i ime tvoje vsigdar i na veke vekov hvalil!

2. Vsaki dan budem tebe hvalil i ime tvoje vsigdar i na veke vekov častil.
3. Velik je Gospon i nezmerne hvale vreden i velikoča njegova je nedokončna.
4. Vsa pokolenja budu dela tvoja hvalila i vsamogučnost tvoju nazveščala.
5. Od veličanstva dike svetosti tvoje budu govorili i čuda tvoja povedali.
6. I krepost strahoviteh del tvojeh budu pripovedali i velikoču tvojuobznanuvali.
7. Spomenek tvoje obilne dobrote budu na puna vusta govorili ter se zaradi pravice tvoje veselili.
8. Milostiven i milosrden je Gospon, strpljiv i velikoga smiluvanja.
9. Gospon je vsem dobrotiven i smiluvanje njegovo pruža se zvrhu vseh del njegoveh.
10. Naj te hvaliju, Gospone, vsa dela tvoja i sveci tvoji naj te blagoslivljaju!
11. Povedali budu diku kraljestva tvojega i od mogučnosti tvoje govorili!
12. Da znanu včine sinom človečanskem mogučnost tvoju i diku veličanstva kraljevstva tvojega.
13. Kraljestvo tvoje je kraljestvo vseh vekov i gospodstvo tvoje preteže se od pokolenja do pokolenja.

Veren je Gospon vu vseh rečih svojeh i svet vu vseh delih svojeh.

14. Gospon vpira vse koji opadaju i vzdiguje vse koji su opali.
15. Vseh oči čekaju na te, Gospone, i ti njim daješ hranu njihovu ob vremenu prigodnem.
16. Ti otpiraš ruku tvoju i zasitiš vse kaj žive z blagoslovom tvojem.
17. Gospon je pravičen vu vseh putih svojih i svet vu vseh delih svojeh.
18. Gospon je blizu vseh koji ga zazivaju, blizu vseh koji ga vu istinitosti zazivaju.
19. On bude onem koji se ga boje, volju njihovu ispunil i prošnje njihove posluhnul ter njim pomagal.
20. Gospon čuva vse koji ga ljubiju, vse pako grešnike bude skončal.
21. Vusta moja budu hvalu Gosponovu govorila i vse meso naj sveto ime njegovo hvali vsigdar i na veke vekov.

Šoltar Davidu

1. Proti Golijatu

CXLIII.

Blagoslovljen budi Gospon Bog moj koj vuči ruke moje k vojuvanju i prste moje na boj.

2. On je milosrdnost moja i vtekališče moje, branitel moj i osloboditel moj. On je branitel moj, na njega se zanašam, koj podlaže meni puka mojega.
3. Gospone, kaj je človek da^*Žid. r. 3. da za njega skrbiš. se njemu na znanje daješ ali sin človečji da ga tak preštimavaš?
4. Človek je čalarnosti spodoben postal, dnevi njegovi prehađaju kakti tenja.
5. Gospone, nagni Nebesa tvoja ter stupi dole, dotekni se gor i budu se kadele.
6. Pusti bliskati i budeš je rastepel, spruži strele tvoje i budeš je zmešal.
7. Pretegni ruku tvoju iz višine, otmi me ter me oslobodi izmed velikeh vod, iz ruke stranjskeh sinov.
8. Kojeh vusta govore čalarnosti i desnica njihova je desnica krivičnosti.
9. Bože, budem tebi jednu novu pesem speval, na šoltarnicu desetstrunu budem tebi hvalu speval.
10. (Tebi) koj kraljem obladanje daješ, koj si Davida, slugu tvojega, od meča ljutoga otel.
11. Oslobodi me i istrgni me iz ruke sinov stranjskeh kojeh vusta čalarnosti govore i kojeh desnica je desnica krivičnosti.
12. (Oni vele) sini naši rasteju kakti v ceplenci v mladosti svojoj. Kčere naše jesu lepo skupspravljene i očiščene kakti Cirkva.
13. Žitnice naše jesu pune da se iz jedne vu drugu prenaša. Ovce naše jesu breje, njih je vnogo kada van ishađaju.
14. Voli naši jesu debeli. Kamenita ograja ni podrta, nigdo čez nje ne prehađa niti se kakov krič čuje na vulicah našeh.
15. „Blaženi puk“, rekli su, „koj vsa ova ima. Blaženi puk koj Gospona za Boga svojega ima.“

Objašnjenje

• *
  Žid. r. 3. da za njega skrbiš.

Davidov šoltar

1. Kada ga je preganjal Abšolon, sin njegov (2Knjig Kralj 17)

CXLII.

Gospone, vusliši molitvu moju, posluhni prošnju moju vu istinitosti tvojoj, vusliši mene po pravici tvojoj!

2. I ne hodi na sud z slugom tvojem ar pred tobum ne bude ni jeden živuči človek pravičen opstal.
3. Ar neprijatel preganjal dušu moju, on je živlenje moje do zemlje potlačil.

Posadil me je v tmična kak one koji su vre zdavna vumrli,

4. stiskal se je vu meni duh moj, vu meni je zmučeno srce moje.
5. Spomenul sem se iz starinskeh dnevov, premišljaval sem vsa dela tvoja, vse čine ruk tvojeh premišljaval sem.
6. Pružil sem ruke moje k tebi, duša moja je kakti suha zemlja pred tobum.
7. Brzo me posluhni, Gospone, duh moj omiljava!

Ne odvrni lica tvojega od mene ar drugač budem onem koji prepadaju vu mlaku.

8. Poslušnu mi včini zaran milosrdnost tvoju ar sem se vu te ufal.

Znanoga mi včini puta po kojem bi hodil pokehdob sem k tebi podigal dušu moju.

9. Oslobodi me od neprijatelov mojeh, Gospone! K tebi sem se vtekel.
10. Vuči me zvršavati volju tvoju ar si ti Bog moj. Tvoj dober duh vodi mene po pravem putu.
11. Zaradi imena tvojega, Gospone, budeš me pri živlenju obdržal vu pravednosti tvojoj. Ispeljal budeš iz traplenja dušu moju
12. i poleg milosrdnosti tvoje skončaj neprijatele moje. I pogubil budeš vse koji trapiju dušu moju ar ja sem sluga tvoj.

1. Davidovo podvučanje. Kada je bil v duplu, molitva (1Knjig Kralj 24)

CXLI.

2. Naglas kričal sem k Gosponu, z glasom mojem kričal sem k Gosponu,
3. vu nazočnosti njegovoj izlevam dušu moju i njem tužim traplenje moje.
4. Kada duh moj vu meni nestaje, spoznaješ ti steze moje.

Na ovem putu po kojem hodim, nastavljaju meni skrovno zanjku.

5. Ogledal sem se nadesno i videl da nikoga ni bilo koj bi me bil poznal.

Ja nesem imel kam bežati i nigdo se ni  za živlenje moje vzeti hotel.

6. (Onda) sem k tebi kričal, Gospone, ter rekel: „Ti si ufanje moje, ti si del moj na Zemlji živučeh.“
7. Oglej se na prošnju moju ar sem zevsema zapuščen.

Oslobodi me od preganjavcev mojeh ar su jakši kak ja.

8. Ispeljaj iz vuze dušu moju da budem ime tvoje hvalil,^*Žid. r. 8. Pravični budu se k meni zebrali kada meni tu dobrotu činil budeš. pravični čekaju na me doklam meni tu dobrotu včiniš.

Objašnjenje

• *
  Žid. r. 8. Pravični budu se k meni zebrali kada meni tu dobrotu činil budeš.

1. Davidov šoltar

CXL.

^*Žid. r. 1. Gospone, ja kričim k tebi, hiti k meni vusliši itd.Gospone, kričal sem k tebi, posluhni mene, vusliši glasa mojega kada k tebi kričal budem.

2. Naj se molitva moja kakti kadilo pred tebe gore podigne, zdiganje ruk mojeh naj bude kakti aldov večerni.
3. Postavi, Gospone, na vusta moja stražu i vrata okolo vusnic mojeh!
4. Ne dopusti da bi se srce moje k hmanjem rečjam nagnulo, na izgovarjanje spričavanj vu grehih. Kak hudodelniki delaju, ja neču njihove najljubljeneše jestvine z njimi vživati.
5. Pravični naj me kaštiguje vu milosrdnosti ter me naj pokara, olje pako grešnika naj ne namasti glavu moju.

Pokehdob vsigder molim za one koji meni zlo hočeju.

6. Suci njihovi budu se od pečine razbili ter požrli, reči budu^*Slatke. ljubljene koje od mene čuli budu,
7. kak se debela razorana zemlja razvalja, tak su kosti naše okol grobja rasipene.
8. Kada pako oči moje na te, Gospone, Gospone, gledaju, ja se vu te ufam, ne otmi meni duše moje!
9. Opčuvaj me pred zanjkum koju su meni nastavili i pred lečkum oneh koji krivičnosti delaju.
10. Grešniki budu vu svoje lastovite mreže opali, ja pako budem sam doklam mimo prejdem.

Objašnjenje

• *
  Slatke.

1. K koncu Davidov šoltar

CXXXIX.

2. Oslobodi me, Bože, od zločestoga človeka, oslobodi me od krivičnoga človeka.
3. Koji v srcu nepravednosti zmišljavali su, celi den pripravljaju se na boj.
4. Nabrusili su jezike svoje kakti kača, jad ljutice kače je pod vusnicami njihovemi.
5. Čuvaj me, Gospone, pred rukum grešnika ter me od krivičneh ljudih oslobodi.

Koji noge moje spodmeknuti misliju,

6. gizdavci nastavljali su mi zanjke. I vuža kakti mrežu jesu rasprestrli, pri putu jesu mi pruglo podlečili.
7. Rekel sem Gosponu: „Ti si moj Bog, vusliši, Gospone, glas prošnje moje!
8. Gospone, Gospone, krepost pomoči moje, ti si glavu moju vu dnevu boja opsenčil!

9.^*Žid. r. Gospone, ne dopusti da bi se hudobnomu po njegoveh željah zgodilo, nigdar ne pusti njihove (zle) misli ispuniti da se ne bi itd. Ne predaj me, Gospone, suprot želji mojoj grešniku! Oni su proti meni tolnače zmišljavali, ne zapusti me da se ne bi morebiti zvišavali.

10.^*r. 10. Nesreču (sic!) koju meni hudobna vusta pripravljaju, bude na glavu opala oneh koji su se mene latili. Glava okuženja njihovoga i trud vusnic njihoveh bude nje pokril.

11. Živo vuglenje bude na nje opalo, ti je budeš v ogenj hitil, vu nevoljah ne budu mogli opstati.
12. Človeku jezičnomu ne bude se dobro godilo na Zemlji, krivičnoga človeka budu k pogublenju vlovila.
13. Znam da bude Gospon siromaku suda dopital ter se bude zaradi vbogeh fantil.
14. Ali vendar pravični budu ime tvoje hvalili, pravedni pako budu prebivali pred obrazom tvojem.

Objašnjenje

• *
  r. 10. Nesreču (sic!) koju meni hudobna vusta pripravljaju, bude na glavu opala oneh koji su se mene latili.

1. K koncu Davidov šoltar

CXXXVIII.

Gospone, skušal si me i poznaš me.

2. Ti poznaš sedenje moje i gorestajanje moje.
3. Ti si prerazmel misli moje zdalka, kuda hodim i kada ležim, je tebi dobro znano.
4. Ti si previdel vse pute moje kad jezik jošče nit reči ni govoril.
5. Nut, Gospone, tebi su znana vsa buduča i prešesna, ti si me napravil i ruku tvoju na me položil.
6. Znanost tvoja je za me čudnovita, ona je previsoka, ja ju ne morem preseči.
7. Kam budem išel pred duhom tvojem i pred licem tvojem kam budem pobegnul?
8. Ako zastupim vu Nebo, ti si tam, ako dole stupim na pekel, i onde jesi.
9. Ako kreljuti moje vzemem rano, i prebival budem na kraju morja.
10. Takaj bude mene tam ruka tvoja peljala i desnica tvoja bude me držala.
11. I rekel sem: „Morebiti budu mene tmice pokrile,^*Žid. r. 11. Takaj noč bude svetlost okolo mene. noč bude takaj svetlost v nasladnostih mojeh.
12. Ar tmice ne budu se pomračile pred tobum i noč bude se kakti den presvetila, kak tmica njejina, tak je (tebi) svetlost njegova.
13. Ti si ladal bubrege moje, ti si me vre od vutrobe matere moje prijel.
14. Hvalil budem tebe^*Žid. r. 14. budem te hvalil pokehdob si me k velikomu čudu načinil. kajti si se strahovito izvisil, čudnovita jesu dela tvoja i duša moja spoznaje nje kruto.
15. Kosti moje, koje si na otajnem napravil, nesu bile pred tobum skrite, niti bitje moje kada sem jošče vu spodnješeh^*r. 15. To je v materinskoj vutrobi. zemlje bil.
16. Oči tvoje jesu vre zdavna moj prvi začetek videle, vsi (udi) jesu v knjigi tvoji zapisani, oni budu od dneva do dneva zdelavani i nigdar ni jednoga zmed njih (ne bude zmenkalo).
17. Ali kak preštimani jesu meni prijateli tvoji, o, Bože, gospodstvo njihovo je jako mogučno postalo.
18. Budem je brojil, bude ih više kak peska, (zato) vstal sem se i jošče sem pri tebi.
19. Ako budeš, Bože, grešnike pomoril, (tak anda) odstupete od mene, vi krvoločni ljudi!
20. Koji v mislah vašeh govorite, zahman budu varaše tvoje zavjeli.
21. Je li nesem, Gospone, odurjaval one koji tebe odurjavaju i je li nesem zaradi neprijatelov tvojeh pogibal?
22. Ja sem je potpunoma odurjaval, zato su oni neprijateli moji postali.
23. Skušaj me, Bože, i spoznaj srce moje, spitavaj me, spoznaj steze moje.
24. I poglej je li jesem na putu krivičnosti i zapeljaj me na put vekivečnosti.

Objašnjenje

• *
  r. 15. To je v materinskoj vutrobi.