Arhive: Poglavlja (Page 15 of 30)

K koncu

1. šoltar pesmeni istomu Davidu

LXVII.

2. Naj se vstane Bog i neprijateli njegovi naj se rasprše i oni koji ga odurjavanju naj pred licem njegovem pobegneju.
3. Kak nestaje dima, tak naj njih nestane, kak se tali vojsk pred licem ognja, tak naj poginu grešniki pred licem božanskem.
4. Pravični pako naj se vesele i raduju pred Bogom i naj se nasladuju v veselju.
5. Spevajte Bogu, recite pesem imenu njegovomu, pripravite puta onomu koj se nad zahodom gore zdiže: Gospon je ime njegovo. Radujte se vu nazočnosti njegovoj, (oni se pak) budu prestrašili pred licem njegovem,
6. koj je otec sirot i sudec vdovic. Bog je vu svojem svetem prebivališču.
7. Bog je koj čini da ljudi jedne misli v jedni hiži prebivaju, koj okovane z jakostjum van ispelja, spodobno one koji ga razdražuju, koji stanuju v grobih.
8. Bože, kada si vu nazočnosti puka tvojega ishađal, kada si čez puščinu prehađal,
9. zemlja se je tresla i nebesa su dežđila pred obličajem Boga sionskoga, pred obličajem Boga izraelskoga.
10. Dal budeš, Bože, dežđa vugodnoga odvečini tvoji: ona je (od suše) oslabela, ali ti si ju oživel.
11. Živina tvoja bude vu njoj prebivala, Bože, ti si nju po dobroti tvojoj siromaku pripravil.

12.^*Žid. r. 12. Gospon dal bude reč onem koji ju veselo nazveščali budu z velikom močjum (i rekli).

13.^*Versus 13, 14 et 15 ob suam nimiam obscuritatem in vulgata editione secundum textum Hebreum translati sunt. Kralji šeregov jesu povsud bežali i žene koje su doma ostale, budu plene razdeljuvale.

14. Akoprem budete vi med ognjenemi kameni bežali (budete se vendar svetili kakti) perje posrebrnjenoga^*Ov posrebrnjeni i na perutih pozlačeni golub je poleg svedočanstva Jeremijaša proroka XXV. p. znamenje Kaldejancov kak je osel znamenje Rimskoga Cesarstva. goluba koj ima kruto pozlačene peruti.
15. Kada bude Vsamoguči od nje (odvečine) kralje (koji su Sion opkoljili) odegnal, bude (gora ova) tak bela kakti od snega pokrita gora Selmon,
16. gora Božja, gora rodna, gora visoka, gora rodna.
17. Zakaj gledite zesirene gore? Čez goru na kojoj se Bogu prebivati dopada, Bog bude takaj ovde vsevdilj prebival.
18. Kola Božja jesu zveč kak z desetemi jezermi (angeli opstrti), z jezermi koji se vesele. Gospon je v sredi med njimi, v svetem mestu kak negda na gori Sinaj.
19. Zastupil si na višinu, oslobodil si vlovljene i dare za ljudi prijel. Takaj za one koji nesu veruvali da Gospon Bog (v Sionu) prebiva.
20. Blagoslovljen budi, Gospon, vsaki dan; Bog zveličenja našega bude nam srečnoga puta dal.
21. Bog naš je Bog koj nas zveličiti more i Gospon je Gospon čez vsaku smrt.
22. Ništar menje vendar bude Bog glave neprijatelov svojeh i oveh isteh teme z lasmi skupa strl, koji v pregreškah svojeh vsevdilj živeju.
23. Rekel je Gospon: „Budem (ljudstvo moje) iz Bazana ispeljal, budem ga ispeljal iz glubline morske.
24. Da se noga tvoja v krvi neprijatelov omoči i jeziki psov tvojeh naj ju ližeju.“
25. Videli su, kak ti, Bože, vnuter ideš, kak Bog moj i kralj moj koj v svetem mestu prebiva, vnuter ide.
26. Poglavniki išli su naprvo z popevači, v sredini mladeh bubnjaric.
27. Blagoslivljajte v spraviščih Boga Gospona, vi, koji ste od izraelskoga roda.
28. Onde^*Žid. Onde gospoduje čez nje mladič Benjamin itd. je mladič Benjamin, v duhu zameknjen.

(Onde) su poglavari od Jude, vođe njihovi, poglavari od Zabulona, poglavari od Neftali.

29. Skaži (nam), Bože, (nadalje jošče) mogučnost tvoju, potvrdi, Bože, to kaj si nad nami činil.
30. Zaradi cirkve tvoje v Jeruzalemu budu ti kralji dare alduvali.
31. Vkroti zverine med trstinum koje su se skup spravile z ljudstvom svojem kakti biki med kravami da prebiraju one koji su kakti srebro očiščeni. Rasprši narode koji boje hočeju.
32. Došli budu iz Egiptuša posleniki, harapska zemlja bude hitela ruke svoje k Bogu stegnuti.
33. Kraljestva Zemlje, spevajte Bogu, spevajte hvalu Gosponu, spevajte hvalu Bogu!
34. Koj proti ishodu zvrhu neba nebesih je zastupil. Nut, on bude dal glasu svojemu glasa mogučnosti.
35. Dajte diku Bogu, v Izraelu kaže on veličanstvo svoje, a vu oblakih moč svoju.
36. Čudnovit je Bog v sveteh svojeh, Bog izraelski bude sam puku svojemu moč i jakost dal. Blagoslovljen budi Bog!

Objašnjenje

• *
  Žid. Onde gospoduje čez nje mladič Benjamin itd.

K koncu

1. k zahvalnomu popevanju šoltar pesme Davidove

LXVI.

Smiluj nam se, Bože! etc ut alibi pag.

K koncu

1. pesem i šoltar od gorevstajanja

LXV.

Veselo spevaj Bogu vsa zemlja etc ut alibi pag.

K koncu šoltar Davidov

1. pesma Jeremijaša i Ezekijela za puk preselenja kada je počel ishađati

LIV.

2.^*Žid. r. 2. Mučanje, Bože, je hvala tvoja v Sionu, vendar budu tebi zagovori zvršeni. Pristoji se, Bože, da se tebi v Sionu hvala speva i tebi se bude zagovor v Jeruzalemu zvršil.

3. Posluhni molitvu moju, k tebi vse meso dojde, k tebi vsaki človek došel bude.
4. Reči hudobnjakov nadladale su nas, našem pako zločinstvam budeš milostiven.
5. Srečen je kojega si ti izebral i prijel, vu predvorjih tvojih prebival bude.

^*Budemo z blagom hiže tvoje, z svetlostjum cirkve tvoje napunjeni.Budemo z blagom hiže tvoje napunjeni, cirkva tvoja je sveta,

6. čudnovita v pravici.

^*Ti koj si strašen v pravici, posluhni nas itd.Posluhni nas, Bože, Zvelčitel naš, ufanje vseh krajov zemlje i dalekoga morja.

7. Koj vtvrđuješ gore v jakosti tvojoj ter si z mogučnostjum opasan,
8. koj zburkaš glubline morske i šumenje slapov njegoveh. Ljudstva se budu prestrašila
9. i oni koji na koncih sveta prebivaju, budu se pred znamenji tvojemi bojali; ishod jutra^*ti si budeš od jutra i od večera hvalu  pripravil. i večer budeš ti razveselil.
10. Pohodil si zemlju i nju napojil, budeš ju zevsema bogatu včinil. Božji potok pun je vode, pripravil si njim jestvinu^*Žitek. ar tak slast ona od tebe ima.
11. Brazde njejine napoj, povnožaj plod njejin, v mirnem^*Napoj ju z dežđem, blagoslovi njejin sad. dežđu bude se vse kaj iz nje raste, veselilo.
12. Blagoslovi z dobrotum tvojum ves teg leta ovoga i polja tvoja budu z rodovitostjum napunjena.
13. Lepa mesta pustine budu masna postala i brežanjki budu z radostjum obdani.

14.^*Žid. r. 14. Planine budu z čredami napunjene i doline budu itd. Ovni ovec jesu oblečeni i doline budu obiluvale z žitkom, kričali budu ar hvalu spevali budu.

Objašnjenje

• *
  Žid. r. 14. Planine budu z čredami napunjene i doline budu itd.

K koncu

1. Šoltar Davidov

LXIII.

2. Posluhni, Bože, molitvu moju kada te prosim, od straha neprijatelskoga oslobodi dušu moju.
3. Obranil si me pred spraviščem hudobneh, kak takaj pred vnožinum zločinečeh.
4. Pokehdob podoštrili su kakti meč jezike svoje, napeli su luk, dugovanje žuhko
5. da nedužnoga v otajnom strelaju.
6. Iznenada budu na njega strelali i ne budu se bojali, oni su si govorenje hudobno vtvrdno naprv vzeli. Oni su se dogovarjali kak bi zanjke skrili, rekli su: „Gdo je bude videl?“

7.^*Žid. Oni su si krivice izmišljavali. Zmišljavali su krivice, izmišljavajuč v skrovem odnemogli su. Človek bude skrovnosti srca zveđal.

8.^*Žid. r. 8. Ali Bog je bude z strelicum naglum prestrelal ter je vse skup ranil bude. I izvišen bude Bog.  Od njih (včinjene) rane jesu kakti strelice dečinske postale.

9. I oslabeli su proti njim jeziki njihovi. Vsi koji su je videli, prestrašili su se.
10. I zbojal se je vsaki človek. I nazveščali su dela Božja i čine njegove spoznali.
11. Pravični budu se v Gosponu veselili ter se vu njega zaufali i budu se vsi pravednoga srca z njim hvalili.

Objašnjenje

• *
  Žid. r. 8. Ali Bog je bude z strelicum naglum prestrelal ter je vse skup ranil bude.

Davidov šoltar

1. kada je bil v puščini idumejanskoj (1Knjig kralj 22,5)

LXII.

2. Bože, Bože moj, z svitom vred skonzujem k tebi. Duša moja žeđa za tobum kak vnogoputi je tebe telo moje poželelo.
3. Vu zemlji pusti, neprihodni i prezvodeni, tak sem se iskazal tebi da bi videl moč tvoju i diku tvoju.
4. Pokehdob milosrdnost tvoja je bolša kak živlenje, vusnice moje budu te hvalile.
5. Tak te budem blagoslivljal vu živlenju mojemu i vu imenu tvojem ruke moje zdigal.
6. Naj se napuni duša moja kakti z tuščum i maščum i vusta moja budu te z radosnemi vusnicami hvalila.
7. Ako sem se na postelji mojoj na te zmislil, tak sem tebe vu jutro premišljaval
8. ar si bil pomočnik moj. I pod odevum perutih tvojeh budem se raduval.
9. Duša moja drži se tebe, mene je prijela desnica tvoja.
10. Oni pak zahman zasedaju živlenju mojemu, pojde dole dole pod zemlju,
11. predani budu pod meč, za del lesicam budu.
12. Kralj pako veselil se bude vu Bogu, vsi koji se po njem zaprisežeju budu se (z njim) hvalili kajti zatišnjena jesu vusta onem koji krivo govore.

K koncu

1. Za Idituna Davidov šoltar

LXI.

2.^*r. 2. Duša moja drži se pred Bogom tiho. Je li ne bude duša moja Bogu podložna? Ar od njega (dohađa) pomoč moja.

3. Ar^*r. 3. Lestor on sam je moja pečina itd. on sam je moj Bog i Zveličitel moj, branitel moj – ne budem se više genul.
4. Kak dugo navaljujete v človeka kakti v nagnjenu stenu i rahlu kamenitu ograju? Vsi skupa hočete ga vmoriti?
5. Zaisto oni misliju meni čast moju oteti, ja sem^*Žid. Oni imaju v lažih dopadanje. v žeđi tekel, oni su z jezikom svojem dobro vuščili, a v srcu svojem kuneju.
6. Ti pako, duša moja,^*Ti pako, duša moja, tiho se pred Bogom drži itd. budi Bogu podložna ar od njega (dohađa) trpljivnost moja.
7. Kajti on je moj Bog i zveličitel moj, pomočnik moj, ja se ne budem gibal.
8. V Bogu je zveličenje moje i dika moja. Bog^*On je pečina moči moje. pomoči moje, v Boga se ja ufam.
9. ^*r. 9. Ljudstva ufajte se vsevdilj vu njega, izlejte pred njim srca vaša, Bog je ufanje naše. Vu njega se ufajte vsa zbirališča pukov, izlejte pred njim srca vaša, Bog je pomočnik naš naveke.

10.^*r. 10. Sini pako človečanski jesu nečemurnost, sini človečanski jesu lažljivi, ako je na vagu postaviš, jesu lehkši kak nečemurnost. Nečemurni su vendar sini človečanski, lažeju sini človečanski pri vagi da vkanjuje med sobum niščetno jeden drugoga.

11. Ne zanašajte se na krivicu i porobe najte poželeti;^*adde: da nečemurni ne postanete. ako vam bogatstvo raste, ne prilagajte srce vaše k njemu.
12. Jenkrat je Bog govoril, ova dvoja sem čul da pri Bogu je oblast
13. i da si ti, Gospone, milosrden kajti ti vsakomu poleg del njegoveh povračal budeš.

Objašnjenje

• *
  adde: da nečemurni ne postanete.

K koncu

1. Davidova zahvalna pesem

LX.

2. Posluhni, Bože, prošnju^*Žid. posluhni krič moj. moju, pazi na molitvu moju!
3. Od zadnjeh krajov zemlje kričal sem k tebi kada srce moje v stiski postavljeno je bilo. Na pečini jesi me izvisil. Vodil si mene
4. ar si ti ufanje moje včinjen i turen jakosti pred licem neprijatela.
5. V šatoru tvojem budem naveke stanuval pod odevum perutih tvojeh budem opčuvan.
6. Ar ti, Bog moj, posluhnul si molitvu moju i boječem se imena tvojega dal si odvečinu.
7. Ti budeš kralju dneve zvrhu dnevov prilagal, leta njegova tja do dneva pokolenja i pokolenja.

8.^*Žid. On bude naveke pred licem božanskem sedel, pripravi njemu milosrdnost i istinu, one ga budu opčuvale. Ostaje naveke pred  licem Božjem, milosrdnost i istinu njegovu gdo bude presegel?

9. Tak budem imenu tvojemu od veka do veka hvalu speval da zagovore moje od dneva do dneva ispunjaval budem.

Objašnjenje

• *
  Žid. On bude naveke pred licem božanskem sedel, pripravi njemu milosrdnost i istinu, one ga budu opčuvale.

K koncu

[1.] za one koji premenjeni budu k napisku znamenja istomu Davidu k podvučanju.

[2.] Kada popalil je Mezopotamiju i Sobal države sirijanske. Kada se je Joab vrnul nazad ter je v Solnoj dolini dvanajst jezer Idimejancev potukel (2K. kralj 8, 1  i 10,7 i 1Letn 18,1)

LIX.

3. Bože, ti si nas zahitil i zatrl si nas, bil si srdit^*Žid. obrni se k nam. ter vendar si se nam smiluval.
4. Stresel si Zemlju da se je raspuknula, celi raspuke njejine ar je razdeljena.
5. Pokazal si puku tvojemu žestoka, napajal si nas z vinom britkoče.
6. Dal si onem koji se tebe bojiju znamenje da naj pred strelicami pobegneju. Da se dragi tvoji oslobode,
7. pomagaj z desnicum tvojum ter me posluhni.
8. Govoril je Bog vu svetem mestu svojem: „Budem se raduval i razdeljil Sikem ter Dolinu šatorov premeril.
9. Moj je Galaad i moj je Manaseš, a Efraim je moč glave moje. Juda je moj kralj.
10. Moab je lonec ufanja mojega. Vu Idumeji rasprestrem nožnu petu moju. Meni su tuđine^*Filistejanci. podložni.
11. Gdo me bude v varaš ograđeni dopeljal? Gdo bu me tja vu Idumeju zapeljal?
12. Je li ne budeš ti, o, Bože, koj si nas bil othitil i je li ne budeš, Bože, z vojskum našum van izišel?
13. Pomagaj nam iz traplenj ar pomoč človečanska je prazna.
14. Z Bogom budemo obladali i on bude one koji trapiju, zatrl.

Objašnjenje

• *
  Filistejanci.

K koncu

1. Ne zatri, Davidu k napisku znamenja kada Saul poslal i hižu njegovu opkolil da bi ga vmoril (1Knjig kralj 19,11)

LVIII.

2. Reši me, o, Bog moj, od neprijatelov mojeh! Oslobodi me od oneh koji se proti meni vzdižeju!
3. Reši me od hudodelnikov i od krvi želneh ljudih opčuvaj me!

4.^*Žid. r. 4. Ar nut, oni su mene […] jaki su se proti meni skup zbrali. Ar nut vlo[vi]li su me, jaki navalili su na me.

5.^*r. 5. Prez toga da bi bil ja kriv, su oni skup tekli ter se […] Zbudi se i dojdi mi naproti i viđ. Prez toga da bi bil kaj kriv ali kaj zagrešil, Gospone, nedužno sem baratal i prav živel!

6. Vstani se, dojdi mi naproti i viđ!^*Vu Žid. ovde se začimlje red 6. I ti, Gospone, Bože šeregov, Bog Izraela, zbudi se i pohodi vse narode, ne smiluj se vsem koji zlo činiju.
7. Navečer budu se nazad vrnuli ter budu^*I lajali kakti psi. stradali, kakti psi, i varaša ophađali.
8. Nut, oni šeptaju med sobum z vustmi svojemi i vusnice njihove jesu kakti meč ar (oni vele) gdo je čul?
9. Ti, pako, o, Gospone budeš je zesmehaval i vse narode pod nikaj spravil.
10. Jakost moju budem pri tebi čuval ar si ti, o, Bože, obranitel moj.

11.^*Žid. Bog smiluvanja mojega bude me pretekel. Bog moj, milosrdnost njegova bude me pretekla.

12. Bog mi pokazal bude kaj na neprijatele moje čaka, ne vmori je da puk moj negda na to ne pozabi.

Raspršaj je z močjum tvojum i zvrzi nje, Gospone, obranitel moj!

13. Zaradi greha vust svojeh i zaradi govorenja vusnic svojeh naj se vu gizdosti svojoj zapopadneju.

I od kletvih njihoveh i od laži bude se govorilo.

14. ^*Zatri je v srditosti, zatri je i ne budu več da spoznaju da Bog itd.V skončanju, kada budu v srditosti, budu skončani, ne bude ih več. I spoznali budu da Bog zvrhu Jakopa i zvrhu vseh krajov sveta gospoduje.
15. Navečer budu se nazad vrnuli i budu stradali^*Žid. r. 15. lajali. kakti psi i ophađali varaša.
16. Budu se okolo klatili da bi jeli i morguvali budu ako ne budu siti.
17. Ja pako speval budem jakost tvoju i izvišaval zajutra milosrdnost tvoju. Pokehdob si postal na den traplenja mojega obranitel moj i vtekališče moje.
18. Hvalu ti speval budem, pomočnik moj! Ar si ti, o, Bože, obramba moja, Bog moj, milosrdnost moja.

Objašnjenje

• *
  Žid. r. 15. lajali.