Arhive: Poglavlja (Page 18 of 30)

1. Šoltar istomu Davidu

XXXVI.

Ne srdi se zvrhu zločinceh i ne budi nenaviden činečem nepravednost!

2.^*Žid. Ar oni budu kakti seno hitro pokošeni itd. Ar se budu kakti seno brzo posušili i kakti zelenje trav hitro otpali.

3. Ufaj se vu Gospona i čini dobro, prebivaj na zemlji i vživaj se bogatstva njejinega.
4. Nasladuj sevu Gosponu i on ti bude dal kaj srce tvoje želi.
5. Očituj Gosponu puta tvojega i ufaj se vu njega i on bude včinil.
6. I on bude pravicu tvoju kakti luč i nedužnost tvoju kakti poldnevnu svetlost pokazal.

7.^*Tiho budi pred Gosponom i čakaj ga. Podloži se Gosponu i prosi ga!

Ne budi nenaviden onomu kojemu na putu njegovem vse po sreči ide, človeku koj krivicu dela.

8. Prestani od srditosti i ostavi ljutost, ne srdi se da bi takaj zlo činil.
9. Ar koji zlo činiju, budu se skončali, koji pako na Gospona čekaju, budu zemlju za odvečtvo dobili.
10. (Počekaj) jošče jedno malo i ne bude grešnika i budeš mesto njegovo iskal, ali ga ne budeš našel.
11. Krotki pako budu zemlju za odvečtvo dobili i budu se v velikem miru razveselili.
12. Ogledaval bude grešnik pravičnoga i z zubmi nad njim škripal.
13. Gospon pako bude ga zesmehaval ar on vidi da dan njegov došel bude.
14. Istegnuli su grešniki meč svoj i luk svoj napeli.

Da obale siromaka i vbogoga i da one koji su srca pravednoga pomoriju.

15. Meč njihov naj njihova lastovita srca prebode i luk njihov naj se prelomi.
16. Ono malo kaj pravični ima, je bolše kak veliko bogatstvo grešnikov.
17. Ar ramena grešnikov budu potrena, pravične pako Gospon potpira.
18. Pozna Gospon dneve neoskrunjeneh i odvečtvo njihovo bude naveke.
19. V zlom vremenu ne budu opšanjeni i vu dnevih glada budu zasičeni.
20. Ar grešniki budu poginuli. Neprijateli pako Gosponovi kak prvič budu na časti izvišeni, budu prešli i kakti dim zginuli.
21. Grešnik bude na posudbu vzel, pak ne bude platil, pravičen pako je milosrden i bude dal.

22.^*Žid. Ar oni od njega (Boga) blagoslovljeni budu zemlju za odvečtvo dobili. Oni od njega prokleti budu poginuli. Ar oni koji njega (Boga) blagoslavljaju, budu zemlju za odvečtvo dobili, oni pako koji ga kuneju, budu poginuli.

23. Gospon bude ravnal koračaje človeka i put njegov bude mu se dopal.
24. Kada bude opal, ne bude se pobil kajti Gospon ruku svoju podstavi.
25. Bil sem mlad i postal sem star i nesem videl da bi bil pravični zapuščen [a]li da bi seme njegovo kruh prosilo.
26. On se vsaki dan smiluje i posuđuje i seme njegovo bude blagoslovljeno.
27. Beži zlo i čini dobro – i budeš vekivečno prebivališče imel!
28. Ar Gospon ljubi pravicu i svece svoje ne bude zapuščal, oni budu naveke opčuvani.

Krivični budu kaštigani i seme nepobožnjakov bude poginulo.

29. Pravični pako dobiju zemlju za odvečtvo i na veke vekov na njoj prebivali.
30. Vusta pravičnoga budu mudro govorila i jezik njegov bude nazveščal kaj je prav.
31. Zapoved Boga njegovoga je vu srcu njegovem i noge njegove ne budu se spodmeknule.
32. Grešnik premišljava pravičnoga i išče ga vmoriti.
33. Ali Gospon ne bude ga v rukah njegoveh ostavil i ne bude ga opsudil kada bude suđen.
34. Potrpi Gospona i drži se puta njegovoga i bude te izvisil da zemlju za odvečtvo dobiš, pogublenje grešnikov budeš videl.
35. Videl sem nepobožnjaka izvišenoga i podignjenoga kakti cedre na (gori) Liban.
36. Ali komaj sem mimo prešel i, nut, več ga ni bilo, i iskal sem ga, i mesta njegovoga nesem našel.
37. Čuvaj nedužnost i gledaj na pravicu ar takovomu človeku naposletku dobro pojde.
38. Krivični pako budu vsi skup konec vzeli i nepobožnjaki budu nazadnje pogubljeni.
39. Ali pravičnih pomoč je Gospon i on je njihov branitel vu vremenu traplenj.
40. I Gospon bude je pomagal ter nje oslobodil i bude je grešnikom iz ruk istrgnul kajti se vu njega ufali jesu.

Objašnjenje

• *
  Žid. Ar oni od njega (Boga) blagoslovljeni budu zemlju za odvečtvo dobili. Oni od njega prokleti budu poginuli.

1. K koncu istomu Davidu slugi Gosponovomu

XXXV.

2. Krivodušnjak rekel je sam vu sebi da zagreši, strah Božji ni pred očmi njegovemi.
3. Ar on je pred obličajem njegovem tak vkanljivo baratal da se nepravednost njegova oduravanja vredna znajde.
4. Reči vust njegoveh jesu sama krivica i vkanljivost, ni hotel razmeti da bi dobro činil.
5. Vu spalnici svojoj misli na krivicu, ostaje na vseh zločesteh putih, zloču pako ni odurjaval.
6. Gospone, milosrdnost tvoja seže do nebes i istina tvoja kak dalko oblaki idu.
7. Pravica tvoja je kakti najvišeša gora, sudi tvoji jesu gluboka prepast.

 Ljudi i živinu budeš zdržaval, Gospone.

8. O, Bože, kak vrlo povekšal si milosrdnost tvoju!

Zato se budu sini človečanski pod sencum perutih tvojeh ufali.

9. Opojili se budu od obilnosti hiže tvoje i z potokom veselja tvojega budeš je napajal.
10. Ar pri tebi je zdenec živlenja i vu svetlosti tvojoj budemo svetlost videli.
11. Rastegni milosrdnost tvoju zvrhu oneh koji te poznaju i pravicu tvoju zvrhu oneh koji su dobroga srca!
12. Ne pusti da me bi prevzetnost pod se spravila i ruka grešnikova naj me ne gene!
13. Onde su opali koji su zla delali, istirani su i nisu stati mogli.

1. Istomu Davidu

XXXIV.

Sudi, o, Gospone, one koji mi škodiju, obladaj one koji proti mene vojuju!

2. Poprimi oružje i ščit i podigni se meni na pomoč!
3. Istegni meča i stani na put onem koji me preganjaju, reci duši mojoj: „Ja sem obramba tvoja!“
4. Naj se osramotiju i opšaniju iščuči dušu moju! Koji mi zla misliju, naj se nazad vrneju i osramotiju!
5. Naj postaneju kakti prah pred vetrom i angel Gosponov naj je v tesno natira!
6. Put njihov naj bude tmičen i sklizek i angel Gosponov naj je preganja!
7. Ar su mi prez zroka zanjke k pogublenju nastavili, oni su mi po krivici^*Žid. meni jamu kopali. spočitavali.
8. Nepreviđena nesreča naj ga stigne i pruglo, koje je skrivečki nastavil, naj ga popadne i naj sam vu onu istu zanjku opade!
9. Duša pako moja bude se v Gosponu raduvala i vu pomoči njegovi razveselila.
10. Vse kosti moje iskriknule budu: „Gospone, gdo je tebi jednak!

Koj vbogoga iz ruk jakšeh, potrebnoga pako i siromaka (iz ruk) razbojnikov njegoveh istrgavaš!“

11. Podignuli su se krivi svedoki i mene ispitavali kaj nesem znal.
12. Povračali su mi zlo za dobro i vsega su me mentuvali.
13. Ja pako, kad su mi dodihavali, oblačil sem se v oštru opravu.

Ponizaval sem z postom dušu moju i molitva moja bude se [v] nadra moja povrnula.

14. Ja sem se (proti njim) tak zadržaval kakti proti bližnjemu i kakti proti bratu našemu, ja sem se ponizaval kakti žalosna (mati) koja (za sinom svojem) tuguje.
15. Oni pak su se zvrhu mene veselili i skup shađali, biči su se čez me skup zebrali i nesem znal (zakaj).
16. Oni su se razišli ne žalujuči se ter su me skušavali, oni su se pšanljivo z mene zesmehavali, oni su čez me z zubmi svojemi škripali.
17. Gospone, kak dugo budeš to gledal? Otkupi dušu moju od zločinstvih njihoveh, moju zapuščenu dušu od oroslanov.
18. Budem te [v] spravišču velikem častil i pred vnogem ljudstvom hvalil.
19. Ne dopusti da bi se nad menum veselili moji^*Žid. lažljivi. krivični pregoniteli koji me prez zroka odurjavaju i z očmi namigavaju.
20. Ar su oni istom z menum mirovno govorili, ali vu svojem srditem govorenju mislili su na vkanljivost.
21. Rastegnuli su vusta svoja nad menum, rekli su: „Vrlo pravo! Vrlo pravo! Videle su oči naše!“
22. Videl si, Gospone, naj mučati! Ne othađaj od mene!
23. Podigni se i pazi na sud moji i na pravdu moju, Bog moj i Gospon moj!
24. Sudi me po pravici tvojoj, Gospone, Bog moj, i ne prepusti da bi se nad menum veselili!
25. Ne prepusti da bi v svojem srcu rekli: „Nut, nut! Tak smo mi hoteli.“ I ne pusti im reči: „Požrli smo ga.“
26. Naj se začrlene i sramuju vsi koji se nad nesrečum mojum veseliju!

Koji čez me prevzetno govoriju, naj se z opšanostjum i sramotum pokriju!

27. Koji pako meni pravicu žele, naj se raduju i vesele^*Žid. i vsigdar reči: „Visoko hvalen budi Gospon koj je slugi svojemu mir podeljil.“ i koji slugi tvojemu dobro hočeju, naj vsigdar rečeju: „Izvišen naj bude Gospon!“
28. I jezik moj bude pravicu tvoju nazveščal, ves dan hvalu tvoju (speval)!

Objašnjenje

• *
  Žid. i vsigdar reči: „Visoko hvalen budi Gospon koj je slugi svojemu mir podeljil.“

1. Za Davida kada je obraz svoj premenil pred Akimelokom i otpuščal je njega i odišel (1Kralj 21) XXXIII.
2. Blagoslavljal budem Gospona vsako vreme, hvala njegova bude vsigdar vu vustah mojeh.
3. Duša moja bude se vu Gosponu hvalila: naj to čuju krotki i naj se vesele.
4. Oveličite Gospona z menum i izvišujmo skupa ime njegovo.
5. Iskal sem Gospona i on je mene posluhnul ter je mene iz vseh traplenjih mojeh oslobodil.
6. Približavajte se k njemu i budete rasvečeni i lica vaša ne budu se sramuvala.
7. Ov vbogi je kričal i Gospon ga je posluhnul i njega iz vseh trapljenj njegoveh oslobodil.
8. Angel Gosponov bude se okol boječeh se njega postavil ter je oslobodil bude.
9. Kušajte i vidite kak sladek je Gospon, blaženi človek koj se vu njega ufa!
10. Bojte se Boga, vsi sveci njegovi, ar oni koji se vu njega ufaju, nemaju pomenjkanja.
11. Bogatuši jesu pomenjkanje trpeli i stradali, iščučem pako Gospona ne bude nikaj dobra menjkalo.
12. Dojdite, sinki, posluhnite mene, straha Božjega budem vas vučil!
13. Koj je taj človek koj si živlenje vušči i dobre dni videti želi?
14. Zdrži jezik tvoj od zla i vusta tvoja naj ne govore laži.
15. Odvrni se od zla i čini dobro, išči mir i šetuj za njim.
16. Oči Gosponove jesu na pravične, a vuha njegova na molitve njegove (obrnjena),
17. obraz pako srditi zvrhu činečeh zlo da spomenek njihov pogubi za Zemlji.
18. Kričali su pravični i Gospon je nje posluhnul ter iz vseh traplenj njihoveh oslobodil.
19. Blizu je Gospon oneh koji su tužnoga srca i bude v duhu poniznem pomogel.
20. Pravične zadeneju vnoga traplenja, ali iz vseh oveh bude nje Gospon oslobodil.
21. Gospon čuva vse kosti njihove, ni jedna zmed njih ne bude zlomljena.
22. Smrt grešnikov je najgorša i koji pravičnoga odurjavaju, grešili^*Žid. budu se pogubili. budu.
23. Gospon bude duše slug svojeh otkupil i koji se vu njega ufaju, ne budu^*Žid. ne budu pogubljeni. grešili.

Objašnjenje

• *
  Žid. ne budu pogubljeni.

Šoltar Davidov

 XXXII.

1. Radujte se, pravični, vu Gosponu, pravednem dostoji se (njega) hvaliti.
2. Hvalite Gospona z citarami, pojte Gosponu hvalu na šoltarnici deset strun.
3. Pojte njemu novu pesem, dobro njemu pojte z veselem i vzdignjenem glasom.
4. Ar pravedna je reč Gosponova i vsa dela njegova verna.
5. On ljubi milosrdnost i pravicu, Zemlja je puna milosrdnosti Gosponove.
6. Z rečjum Gospona jesu Nebesa vtvrđena^*Žid. včinjena. i z sapum vust njegoveh vsa jakost njihova.
7. On zbira kakti vu meh vode morja i vire vod skriva vu glibočinah Zemlje.
8. Vsa Zemlja naj se boji Gospona, vsi pako koji na svetu prebivaju, naj pred njim trepečeju.
9. Ar on je rekel i vsa su včinjena, on je zapovedal i vsa su stvorjena.
10. Gospon razmeta tolnače narodov, zahitava mislenja pukov i zameče sklepe poglavarov.
11. Gospon pako tolnač ostane naveke i misli srca njegovoga od pokolenja do pokolenja.
12. Blaženi narod koj ima Gospona za Boga svojega, puk kojega si on za odvečtvo svoje je izebral.
13. Gospon gleda iz Nebes dole, vidi vse sine človečanske.
14. Iz pripravljenoga sebi prebivališča^*Žid. Iz svoje najtvrdeše stolice itd.gledi na vse koji na Zemlji prebivaju.
15. On je koj je vsakoga srce poseb stvoril, koj vsa njihova dela pozna.
16. Kralj si ne pomaga z svojum velikum vojskum, niti ris ne pomaga si z svojum velikum močjum.
17. Konj je vkanljiva pomoč, njegova još tak velika moč ne bude njemu pomagala.
18. Nut oči Gosponove gledaju na one koji [se] boje njega i na one koji se ufaju vu njega.
19. Da duše njihove od smrti oslobodi ter nje vu vremenu glada prežive.
20. Duša naša čaka na Gospona^*On je pomoč naša i obramba naša. ar on je naš pomočnik i branitel.
21. Kajti vu njem bude se srce naše veselilo i vu sveto ime njegovo ufali se jesmo.
22. Naj bude, Gospone, milosrdnost tvoja zvrhu nas kak smo se vu te ufali.

Objašnjenje

• *
  On je pomoč naša i obramba naša.

Podvučenje istomu Davidu

 XXXI.

1. Blaženi kojeh oproščene jesu krivnje i kojeh zakriti su grehi.
2. Blaženi človek kojemu ni vzel Gospon za greh, niti je vu duhu njegovem himbenosti.
3. Kajti sem mučal, zastrnele su kosti moje od vsakdašnjega vikanja.
4. Ar dan i noč teško ležala je nad menum ruka tvoja, obračal sem se v nevolji mojoj sim pak tam kad je mene zabadal trn.
5. (Onda) sem tebi pregrešku moju očituval i krivičnost moju nesem skrival.

Rekel sem: „Hoču sam, proti meni krivicu moju pred Gosponom spoznati!“ I ti si hmanjicu greha mojega otpustil.

6. Za ovu se molil bude tebi vsaki pobožni vu vremenu prigodnem. Medtemtoga se vu zatopu vod vnogeh k njemu približavali ne budu.
7. Ti si vtekališče moje vu traplenju koje opstrlo je mene; obraduvanje moje, oslobodi me od oneh koji me opkoljili jesu.
8. „Z razumom te (odgovori Bog) nadeljim i vučil te budem na putu ovem po kojem hodil budeš, vuprem vu te oči moje.
9. Ne budite kakti konj i mulec koji nemaju razuma.“

Z oglavnikom i vuzdum čeljuge njihove (o, Bože) stišči, koji se ne približuju k tebi.

10. Čez grešnika (dojdu) vnoga traplenja, ufajučega se pako vu Gospona milosrdnost opstre.
11. Veselete se vu Gosponu i radujte se, pravični, i dičite se vsi pravednega srca!

1. K koncu šoltar Davidov za zameknenje

XXX.

2. Vu te se, o, Gospone, ufal jesem, ne budem naveke osramočen, po pravici tvojoj oslobodi me.
3. Nagni k meni vuha tvoja, hitri da me oslobodiš. Budi mi Bog branitel i hiža vtekališča da meni pomagaš. ^*Žid. Budi meni za močnu pečinu i za tvrđavu da itd.
4. Ar ti si moja moč^*Žid. moja pečina i tvrđava moja. i moje vtekališče i zaradi imena tvojega budeš me vodil i hranil.
5. Ti me budeš iz zanjke, koju su meni nastavili, ispeljal ar ti jesi moj^*Žid. moč moja. branitel.
6. V ruke tvoje izručam dušu moju, ti si me otkupil, Gospone, Bog istine.
7. Ti odurjavaš one koji se na niščetnosti zanašaju zahman. Ja se pako ufam v Gospona.
8. V milosrdnosti tvoji budem se raduval i veselil.Ar si se ogledal na poniznost moju, oslobodil si iz nevolj dušu moju.
9. Niti si me pustil v ruke neprijatelske dojti, (nego) si noge moje na veliki prostor postavil.
10. Smiluj mi se, Gospone, ar se trapim, zbog srditosti^*Je od žalosti. zmutilo se je oko moje, duša moja i trbuh moj.
11. Ar živlenje moje je od žalosti prikračeno i leta moja (minuju) vu zdihavanjih. Oslabela je moč moja zaradi siromaštva i kosti moje jesu vsehnule.
12. Vsem neprijatelom mojem, a još bolje susedom mojem postal sem na opšanost, znanci pako moji bojiju se mene. Koji su me videli, pobegnuli su pred menum van.
13. Ja sem v (vseh) srcah kakti mrtev pozabljen. Postal sem kakti potrena posuda.
14. Ar čul sem prigovore od vnogeh koji okolo mene stanuju. I kad su se skup zbirali proti meni, dokančali su kak bi meni živlenje vzeli.
15. Ja se pak vu te, o, Gospone, ufam, rekel sem: „Ti si moj Bog!“
16. V rukah tvojeh^*Žid. jesu časi moji. je sreča moja. Istrgni me iz ruk neprijatelov mojeh i pregonitelov mojeh.
17. Rasveti lice tvoje zvrhu sluge tvojega, pomagaj mi po milosrdnosti tvojoj.
18. Gospone, ne budem opšanjen ar sem zazival tebe. Naj se začrlene nepobožnjaki i naj^*Žid. i v peklu. v pekel prepadeju.
19. Vkanljiva vusta naj zamukneju. Koja proti pravičnomu z prevzetnostjum i zametavanjem govore.
20. Kak velika vnožina je dobrote tvoje, o, Gospone, koju si tebe boječem pričuval. I pred očmi sinov človečanskeh onem iskažuješ koji se vu te ufaju.
21. Budeš je naskrovnem z licem tvojem pred strahom ljudih skril. Branil je budeš v šatoru tvojem pred jezičnem protigovorenjam.
22. Blagoslovljen budi Gospon ar je meni milosrdnost svoju v tvrdnem varašu čudnovito iskazal.
23. Ja sem pako vu istuplenju pameti moje rekel: „Ja sem od lica očih tvojeh zavržen.“
    Zato si posluhnul glas molitve moje kada sem k tebi kričal.
24. Ljubite Gospona, vsi sveci njegovi, ar Gospon išče istinu i povrača obilno onem [koji] prevzetno baračeju.
25. Držete se po muški i objačete srce vaše vsi koji se vu Gospona ufate.

Objašnjenje

• *
  Žid. i v peklu.

Šoltar Pesmeni

1. pri posvetilišču hiže Davidove XXIX.
2. Izvišaval te budem, Gospone, pokehdob si mene^*izvisil vel povekšal. prijel i neprijatelom mojem nesi nad menum veselje činil.
3. Gospone, Bog moj, kričal sem k tebi i ozdravel jesi mene.
4. Ispeljal si, Gospone, iz jame dušu moju, zmed oneh koji v grob prepadaju, jesi živlenje moje opčuval.
5. Pojte hvalu Gosponu, sveci njegovi, i hvalete spomenek svetosti njegove!
6. ^*Žid. r. 6. Ar srditost njegova trpi kaj bi z očmi megnul, živeti pustiti pak je volja njegova.Ar kaštiga (dohađa) iz srditosti njegove, živlenje pako od njegove (dobre) volje.

Zvečera trpi plač, a zjutra veselje.

7. Kada sem vsega obilno imel, rekel sem: „Ne budem nigdar premeknjen.“

8.^*Tak si ti, o, Gospone, goru moju (to je izvišenost moju) po volji tvojoj močnu včinil. Tak si ti, o, Gospone, po volji tvoji sreču moju vtvrdil.  (Ali komaj) si lice tvoje od mene odvrnul i postal sem zmešan.

9. K tebi, o, Gospone, budem kričal i Boga mojega prosil (govoreči):
10. „Kakov dobiček budeš imel od krvi moje ako budem v grobu prhnul? Je li bude tebe prah hvalil ali istinu tvoju nazveščal?“
11. Posluhnul je mene Gosponter mi se je smiluval, Gospon postal je pomočnik moj.
12. Ti si meni plača mojega na veselje obrnul i rastrgal si vreču moju ter mene z veseljem obdal.
13. Da tebi čast moja hvalu speva i ne zamukne, o, Gospone, Bog moj, naveke budem tebe hvalil!

Objašnjenje

• *
  Tak si ti, o, Gospone, goru moju (to je izvišenost moju) po volji tvojoj močnu včinil.

Šoltar Davidov

1. Pri dokončanju Šatora

XXVIII.

Donesete Gosponu, sini Božji, donesete Gosponu mlade ovne,

2. donesete Gosponu čast i poštenje, donesete Gosponu (dužnu) čast imenu njegovem, vklanjajte se Gosponu vu svetem pridvorju njegovem!
3. Glas Gosponov (je se razišel) nad vodami, Bog veličanstva je zagrmel, Gospon (je zagrmel) nad vnogemi vodami.
4. Glas Gosponov je mogučen, glas Gosponov je zmožen.
5. Glas Gosponov lamlje cedre i Gospon bude polamal cedre na (gori) Liban.
6. ^*Žid. v. 6. On bude činil da budu (cedri) poskakivali kati tele, takaj gore Liban i Sarion kakti mladi samorog.On je bude razdrobil kak tele na (gori) Liban, ljubljeni pako je kakti mladi samorog.
7. Glas Gosponov presekavajuči plamen ognja,
8. glas Gosponov stresa puščinu i stresel bude Gospon puščinu Kades.
9. Na glas Gosponov povržeju košute i otkrilbude guščare i vsaki bude njega v cirkvi njegovi častil.
10. ^*Žid. Gospon prebiva v potopu itd.Gospon pošilja povodanje i Gospon bude naveke kakti kralj sedel.
11. Gospon bude ljudstvu svojemu jakost dal, Gospon bude ljudstvo svoje v miru blagoslovil.

Objašnjenje

• *
  Žid. Gospon prebiva v potopu itd.

Šoltar samomu Davidu

XXVII.

1. K tebi, o, Gospone, Bog moj, budem kričal, nigdar ne budi gluh proti meni da se morebiti ja, ako ti mučiš, ne prispodobim onem koji v jamu prepadaju.
2. Vusliši, Gospone, glas prošnje moje kada k tebi molim^*Žid. kričim., kada ruke moje proti svetoj cirkvi tvoji podižem.

3.^*Žid. Ne vleci me v pogiblenje z grešniki i hudodelniki. Ne vleci me skupa z grešniki ter ne skončaj me z zlotvorniki. Koji z bližnjem svojem mirno govoriju, a v srcah svojeh zlo imaju.

4. Podelji njim poleg činov njihoveh i poleg zločestoče izmišlenj njihoveh. Povrni njim poleg delih ruk njihoveh, plačaj im kaj zaslužiju.
5. Kajti oni dela Gosponova i dela ruk njegoveh nesu razmeli, zato je budeš skončal i ne budeš je podignul.
6. Naj bude blagoslovljen Gospon ar je posluhnul glas prošnje moje.
7. Gospon je moj pomočnik i branitel moj, vu njega se je srce moje ufalo i pomogel mi je. Takaj mesto moje je opet oživelo zato ga z radovoljnem srcem budem hvalil.
8. Gospon je jakost ljudstva svojega i čuvar živlenja krištuša svojega.
9. Gospone, pomagaj ljudstvu tvojemu i blagoslovi odvečinu tvoju i ravnaj nje i izvisi nje tja naveke.

Objašnjenje

• *
  Žid. Ne vleci me v pogiblenje z grešniki i hudodelniki.